Холивудски актер и влета на репортерка среде јавување од ливада (ВИДЕО) - Канал 5

Шоу биз

Холивудски актер и влета на репортерка среде јавување од ливада (ВИДЕО)

Новинарка од Австралија беше изненадена кога холивудскиот актер Крис Хемсворт влета во кадар на ливада среде читање на временската прогноза.

Холивудски актер и влета на репортерка среде јавување од ливада (ВИДЕО)

Лорен Филипс се јавувала во живо од една ливада во Сконе, град во австралиската држава Нов Јужен Велс. Додека ја чита временската прогноза , позади неа се појави познатиот актер кој ноншалантно и пријде и и го одзеде микрофонот.

Нејзините колеги во студиото, Ричард Вилкинс и Ребека Мадерн, не можеа да сокријат колку се шокирани од оваа ситуација.

Репортерката брзо се справи и го праша актерот дали би го презел читањето на прогнозата, што тој го сторил.

YouTube video

Лорен се пофали и со видеото на Инстаграм и со шеговит тон напиша: „Излези од мојот кадар, човеку“.

"Она кога твојот пријател би сакала да собере работно искуство, а потоа тоа им се допаѓа на презентерите повеќе од тебе. Изненадување, Ричард и Ребека. За жал, ќе мора да ме задржите", додаде таа.

Хемсворт на гледачите им е најпознат по улогата на Тор во филмовите на Марвел, а неодамна откри дека нема намера да се откаже од таа улога толку брзо.

Досега, го глумеше Тор во осум филмови, а на прашањето дали неговиот последен филм Љубов и гром ќе биде последен, тој категорично го демантираше тоа.

"Дали сте луди? Не сум ни близу до пензија. Тор е премногу млад за тоа. Имам само 1500 години. Немам намера да се збогувам со него. Барем се надевам дека нема да се случи по овој филм", одговори актерот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Жителите на градот Гаопинг во кинеската покраина Џијангси се разбудија во хаос. 

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Во лизгање на земјиште предизвикано од обилните дождови загина најмалку едно лице, а 11 се водат како исчезнати, соопштија локалните власти.

Во раните утрински часови, лизгањето на земјиштето затрупа неколку згради и оштети 12 куќи, додека спасувачките екипи се бореа да пронајдат преживеани, објави кинескиот државен радиодифузер CCTV.

Трагичните сцени се резултат на тајфунот Саудел и студениот фронт што донесе обилни дождови и поплави во покраината Сечуан. Жителите беа заробени, патиштата беа оштетени, а клучните јавни услуги беа сериозно нарушени.

Гаопинг е погоден од екстремните временски услови што ја погодија Кина во последните месеци, особено во планинските области.

Тајфунот Саудел, 18-ти што ја погоди Кина оваа година, дополнително ја влоши ситуацијата кога во четвртокот по трет пат стигна до копното во округот Џијангпу, предизвикувајќи евакуација на десетици илјади луѓе поради предупредувања за силни ветрови и обилни дождови. Во соседната покраина Џијангси, тајфунот погоди 128.500 жители во 53 окрузи, принудувајќи речиси 8.700 луѓе да се евакуираат.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожар во хотел во Истанбул, евакуирани се голем број луѓе

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

Дрога е пронајдена кај кампери во Галичник, уапсени се петмина

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер