Мајката на Мара, Мерилин Сориано (53) починала на 29 јуни 2019 година по тешката битка со ракот, а непосредно пред смртта на нејзината ќерка и дала плишано мече со запишана последна порака во која и кажува дека е горда на неа и дека секогаш ќе ја сака и заштитува.
За време на минатонеделната хаотична преселба, мечето било украдено од комбе кое Мара и нејзиниот вереник го изнајмиле. И неколку други скапоцености на Мара биле украдени.
Бидејќи ЦБЦ и Си-Ен-Ен ја објавија приказната за исчезнатото мече, таа брзо се рашири на социјалните медиуми, привлекувајќи го вниманието и на актерот Рајан Рејнолдс, кој понуди награда од 5000 американски долари на секој што ќе го најде и ќе и го врати скапоцениот предмет на Мара и споменот на нејзината мајка.
Во акцијата биле вклучени и Ден Леви и Зак Браф, а канадскиот ТВ-презентер Џорџ Струмбулопулос и Крафт Петут понудиле уште 5 000 долари на чесниот пронаоѓач, па така наградата достигна 15 000 долари.
Мара Сориано во средата твитна дека „непознати добри луѓе го вратиле мечето без ниту една гребнатина“ и дека „говорната порака е неоштетена“.
„Ова ми значи многу“, напиша Сориано. "Мислев дека нема да го видам повторно. Ова е голем град и мечето можеше да биде на многу различни места ... Потрагата беше како да се обидов да најдам игла во сено. Сега кога го вратив, се чувствувам подобро. Секој поглед на него ме потсетува дека мајка ми секогаш ќе биде со мене “.
„Благодарост до сите што бараа. Благодарност до лицето што го зеде и не го оштети. Ванкувер е одличен“, објави Рејнолдс.
Двајца мажи кои го пронашле плишаното мече рекле дека го нашче фрлено во блискиот парк.
Мара Сориано изјави дека разговарала со Рејнолдс, Струмбулопулос и претставникот на Крафт, за да им ја дадат на чесните пронаоѓачи целосната парична награда.