Харис за Си-Ен-Ен: Мора да се постигне договор за прекин на огнот во Појасот Газа - Канал 5

Харис за Си-Ен-Ен: Мора да се постигне договор за прекин на огнот во Појасот Газа

Харис додаде дека ќе го исполнила своето ветување да биде претседателка „за сите Американци“.

Харис за Си-Ен-Ен: Мора да се постигне договор за прекин на огнот во Појасот Газа

Американската потпретседателка и демократска претседателска кандидатка, Камала Харис, изјави дека мора да се постигне договор за прекин на огнот во Појасот Газа, истовремено нагласувајќи го правото на Израел да се брани и дека палестинскиот народ претрпе премногу во овој конфликт.

Во интервју за Си-Ен-Ен, прво по прифаќањето на демократската номинација, Харис оцени дека администрацијата на американскиот претседател Бајден успеала да ги намали илегалните премини на мексиканско-американската граница во последните месеци, како и да ја „закрепне економијата“ по пандемијата на коронавирусот, вклучително и намалување на стапката на невработеност.

Претходно годинава таа го поддржа договорот меѓу републиканците и демократите за безбедноста на границата, што би вклучил стотици милиони долари за изградба на граничен ѕид. Трамп изврши притисок врз републиканците во Конгресот да го поништат овој договор, но Харис вети дека ќе го потпише во закон доколку биде избрана.

Таа нагласи дека е важен консензусот и во таа насока се обврза да вклучи републиканец во нејзиниот претседателски кабинет, без да споменува конкретно име.

Харис додаде дека ќе го исполнила своето ветување да биде претседателка „за сите Американци“.

-Мислам дека е важно кога се донесуваат некои од најважните одлуки на маса да има луѓе кои имаат различни мислења, истакна Харис.

Зборувајќи за повлекувањето на актуелниот претседател Џо Бајден од изборната трка, по што таа стана демократска кандидатка, Харис рече дека телефонскиот повик во кој ја информирале дека Бајден се повлекол од кампањата ја затекол со нејзиното семејство на вечера.

Таа оцени дека Бајден има интелигенција, посветеност и расудување што се потребни и американскиот народ ги заслужува да ги има кај својот претседател, додека републиканскиот кандидат Доналд Трамп нема ниту еден од тие квалитети. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Манасиевски: Филипче се скри на Бихаќка откако се откри вистината за Алта банка

Манасиевски: Филипче се скри на Бихаќка откако се откри вистината за Алта банка

Филипче се сокри на Бихаќка откако се откри вистината за Алта банка.

Со месеци говореа за Давор Мацура и Алта банка, а на крајот се испостави дека тие биле првите што дозволиле да купи акции од Македонија, истиот овој за кој говореа дека е криминалец и дека поседувал сомнителен капитал.

Со месеци говореа дека Алта банка имала забрана за работа во ЕУ, поточно во Австрија, за на крајот да излезе дека немале забрана за работа, туку добиле прекршочна казна од австрискиот регулатор.

Ширеа паника и хистерија дека банката ќе пропадне и дека граѓаните ќе останат без пари, па откако сите видовме дека банката е ликвидна и дека нема да пропадне, а дека државата се става во заштита на граѓаните, тргнаа со личен напад кон претседателот Мицкоски.

Бараа надзорна расправа во Собранието, па откако истата веднаш беше прифатена, ја одложија за една недела, продолжетокот на истата се уште не знаат за кога да го закажат бидејќи вистината им се изнесе на виделина.

Почитувани граѓани,

Ниту банка ќе пропадне, ниту граѓаните ќе бидат оставени на цедило. Тоа беше во времето на СДС. Денес, Владата предводена од ВМРО-ДПМНЕ и претседателот Мицкоски се на страната на граѓаните, додека Филипче и СДС се на страната на криминалот.

Валентин Манасиевски, портпарол на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шасивари: Нулта толеранција за насилството врз жените

Случајот со 26-годишната девојка од Охрид, која беше брутално претепана, како и неодамнешната трагедија со 17-годишната девојка која го загуби животот, се сериозни предупредувања дека насилството врз жените бара бескомпромисен одговор.

Шасивари: Нулта толеранција за насилството врз жените

Случајот со 26-годишната девојка од Охрид, која беше брутално претепана, како и неодамнешната трагедија со 17-годишната девојка која го загуби животот, се сериозни предупредувања дека насилството врз жените бара бескомпромисен институционален одговор.

Министерот за правда, д-р Јетон Шасивари, најостро го осудува секој облик на насилство врз жените, нагласувајќи дека нема оправдување за насилството, нема простор за релативизирање и нема толеранција за обиди за прикривање или влијание врз постапките.

Министерот очекува сите надлежни институции, секоја во рамките на своите законски надлежности, да постапуваат професионално, навремено, неселективно и со целосна одговорност. Полицијата, обвинителството и судовите мора да постапуваат без притисоци, без привилегии и без двојни стандарди. Секое евентуално пропуштање, непостапување или незаконско влијание мора да биде предмет на соодветна проверка и одговорност.

Државата има законска обврска и правни механизми да ги заштити жртвите и да ги санкционира сторителите. Со новиот Кривичен законик дополнително се зајакнува кривичноправната заштита од семејно и родово базирано насилство. Предвидени се затворски казни за потешките облици на насилство, а за определени кривични дела во контекст на семејно и родово базирано насилство се предвидува гонење по службена должност, без товарот на постапката да се префрла врз жртвата.

Но, законите не смеат да останат само напишани одредби. Тие мора доследно да се применуваат. Секоја пријава мора да се сфати сериозно, секој ризик мора навреме да се препознае и секоја жртва мора да добие соодветна заштита.

Ниту една жена не смее да живее во страв. Ниту една девојка не смее да се прашува дали државата ќе ја заштити. Ниту еден сторител не смее да смета дека ќе остане недопирлив.

Заштитата на жртвите мора да биде приоритет, законот мора да важи еднакво за сите, а одговорноста да биде правило, а не исклучок.

Насилството мора да запре, институциите мора да постапуваат, а одговорност мора да има!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Тепачот на Сара, насилникот од Охрид бил пуштен на слобода поради врски со ВМРО-ОКГ

Вчера во Охрид се случи уште еден грозоморен чин на брутално насилство врз млада девојка. Сара. Безмилосно е претепана, фрлена на улица и оставена да умре. Сторителот е син на високи вмровски функционери.

СДСМ: Тепачот на Сара, насилникот од Охрид бил пуштен на слобода поради врски со ВМРО-ОКГ

Вчера во Охрид се случи уште еден грозоморен чин на брутално насилство врз млада девојка. Сара. Безмилосно е претепана, фрлена на улица и оставена да умре. Сторителот е син на високи вмровски функционери.

За среќа, девојката преживеала.

Потресно е сведоштво на мајката на Сара, која се наоѓа во болница.

Изразуваме целосна поддршка и солидарност со Сара и целото нејзиното семејство. Таа заслужува заштита, мир и услови за закрепнување. Не страв дека повторно ќе биде нападната.

Според јавното сведоштво на мајката, осомничениот бил пуштен на слобода, додека нејзината ќерка стравува за сопствената безбедност.

Имало обиди за прикривање на случајот и влијание врз медицинската документација.

Само затоа што насилникот е син на Љубинка Корабоска, поранешна претседателка на Државната комисија за спречување на корупцијата (ДКСК), предложена на таа функција од ВМРО-ДПМНЕ, и на Гоце Корабоски, инспектор во УЈП, за кого се зборува дека има блиски релации со Мицкоски.

Ова е последица заштитата којашто Панче Тошковски им ја овозможува на криминалците на власт, неказинивоста, контролата над судството и обвинителството и партизацијата на системот од страна на ВМРО.

Телохранител на Мицкоски кој ја тепаше сопругата па беше ослободен, во Богданци млада девојка беше жива запалена, за 5 тони дрога нема одговорност, Симо наместо во затвор е пуштен за гласови, во Куманово сериски убиец, секој ден жртви на насилство.

Нема пари за електронски алки а има за Гета од 5,53 милиони евра.

Неказнивоста ги охрабрува насилниците. Пропустите на МВР и штитењето на криминалот имаат фатални последици.

Затоа бараме веднаш да се утврдат сите пропусти, влијанија и обиди за заштита на осомничениот насилник.

Бараме одговорност од сите и нивно разрешување од позииите. Бараме итна и ефективна заштита на Сара.

Како жени, нема да молчиме туку силно ќе се спротиставиме.

Нема да прифатиме жените во Македонија да живеат во страв, а насилниците да се чувствуваат недопирливи само затоа што се блики до ВМРО.

Пред нас е борба со мафијата – против злоупотребите на ВМРО, против злоупотреба на моќта, врските и притисоците, против неказнивоста.

Бандата ќе одговара.

Прес конференција на Форумот на жени на СДСМ, Кети Штерјова

YouTube video

Скопје, 16.11.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер