Хаос во Милано: Навивачите го нападнаа Ибрахимовиќ, сообезбедување излезе од стадионот (ВИДЕО) - Канал 5

Фудбал

Хаос во Милано: Навивачите го нападнаа Ибрахимовиќ, сообезбедување излезе од стадионот (ВИДЕО)

Фудбалскиот клуб Милан ги поминува најтешките моменти во поновата историја!

Хаос во Милано: Навивачите го нападнаа Ибрахимовиќ, сообезбедување излезе од стадионот (ВИДЕО)

Поразот од Каљари на домашен терен значеше само едно нешто - спортски дебакл и губење на место во Лигата на шампионите следната сезона. Во центарот на ураганот беше тренерот Масимилијано Алегри, чија судбина сега е во рацете на сопственикот на „Црвените птици“, Џери Кардинале.

Иако атмосферата на стадионот беше на работ на инцидент, Алегри се појави пред камерите на „Дазн“ по натпреварот видливо очаен, но без намера да поднесе оставка.

- Очајно се браневме како тим. Немам за што да ги обвинувам момците, но сум разочаран и лут. Мораме да го прифатиме овој резултат со тешко срце и голема горчина - рече Алегри, директно одговарајќи на прашањето за напуштањето на клупата: - Нема да дадам оставка. Потребна е ладна глава за конечната проценка.

Колку е критична ситуацијата, најдобро покажува сцената пред стадионот. Основачот на „RedBird“, Џери Кардинале, го напушти Сан Сиро веднаш по последниот свиреж, а веднаш потоа го следеше Златан Ибрахимовиќ. Двајцата беа испратени до паркингот од обезбедувањето.

Легендарниот Швеѓанец, кој сега игра улога на советник, доживеа нешто што беше незамисливо до неодамна - навивачите го пречекаа со бран навреди и пцовки додека одеше кон својот автомобил. Гневот на „Тифозите“ поради губењето на Лигата на шампионите (за која на Милан му требаше само бод) се прелеа во сите структури на клубот.

Додека играчите и тренерскиот персонал се повлекоа во тишина, а портите на стадионот се затворија, само Џорџо Фурлани и Масимо Калвели останаа на трибините. Тишината што владее во таборот на Милан алудира на радикални потези.

Алегри ги признава грешките, но ја префрла топката на раководството:

- Направив грешки во овие шест порази. Резултатот на крајот од годината секогаш ја диктира проценката на сезоната, но мора да бидеме јасни во нашата анализа. Бевме премногу пасивни кога стануваше збор за постигнување голови, тоа никогаш порано не ни се случило.

Сега треба да се чека само едно – официјалната одлука на Џери Кардинале. Дали „Црвените птици“ ќе го отпуштат Алегри по оваа срамота или ќе му дадат уште една шанса да ги залечи раните во Лигата на Европа? Едно е сигурно, жешките денови се пред нас во Милано...

Тагови: Златан Ибрахимовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

72 санкции за возачи на лесни електрични возила на територија на цела држава

За време на контролата санкционирани се и 260 други видови на прекршоци.

72 санкции за возачи на лесни електрични возила на територија на цела држава

Во текот на вчерашниот ден (13.08.2026) во периодот од 17:00 до 22:00 часот Секторот за сообраќајни работи при Министерството за внатрешни работи спроведе акциска контрола за санкционирање на прекршоци кои ги прават возачите на лесни електрични возила на територијата на целата држава, при што санкционирани се 72 возачи.

Од нив, по 11 на територијата на СВР Тетово и СВР Битола, осум на територија на СВР Велес, седум на територија на СВР Куманово... Од страна на Мобилната единица за безбедност на сообраќајот на патиштата санкционирани се 20 возачи на лесни електрични возила. За време на контролата санкционирани се и 260 други видови на прекршоци. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ ја прогласи водата во Гостивар безбедна за пиење

Гостиварци по речиси еден месец голгота, од денеска конечно можат повторно безбедно да пијаат вода од чешмите. 

АХВ ја прогласи водата во Гостивар безбедна за пиење

Одлуката на Агенцијата за храна и ветеринарство беше соопштена на прес конференција во Гостивар, а доаѓа откако и последните добиени резултати потврдиле дека водата е микробилошки и бактериолошки исправна. Во Гостивар е Елизабета Спасеновска Дамјановска.

Сега клучното прашање е дали гостиварци им веруваат на иституциите?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Втор смртен случај со западнонилска треска - почина 72-годишен скопјанец, 5 пациенти се на механичка вентилација

Скопјанец на возраст од 72 години е втората жртва на западнонилска треска годинава, информираше директорот на Инфективната клиника во скопје, Д-р Фадил Цана.

Втор смртен случај со западнонилска треска - почина 72-годишен скопјанец, 5 пациенти се на механичка вентилација

Пациентот имал придружни болести, а уште при приемот на клиниката бил во тешка општа состојба која прогресивно се влошувала.

Во моментот на клиниката се хоспитализирани вкупно 24 пациенти. Д-р Цана информираше дека кај седум од нив е регистрирана потешка клиничка состојба и тие се под интензивен медицински надзор. Ова е втор случај на смрт од западнонилска треска, по смртта на 83 – годишен пациент.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер