Фудбал

Хаос во Иран: Илјадници трчаат по автобусот на Роналдо, хотелот под опсада (ВИДЕО)

Саудискиот клуб Ал Наср предводен од португалската ѕвезда Кристијано Роналдо денеска беше пречекан во Техеран каде со домашниот тим Персеполис ќе го одигра натпреварот од Лигата на шампионите во Азија.

Навивачите трчаа по автобусот со Роналдо и неговите соиграчи, кога го напуштија аеродромот Имам Хомеини.

Роналдо пред тоа доби персиски тепих на подарок од претседателот на клубот Персеполис. Големи транспаренти за добредојде со портрети на фудбалерите на Ал Наср се закачени на главните патни мостови кои минуваат низ огромниот ирански главен град, ненавикнати да пречекуваат меѓународни ѕвезди поради дипломатската изолација на земјата.

На социјалните мрежи се споделуваат снимки од стотина навивачи кои трчаат по автобусот, а потоа и оние кои упаднаа во хотелот во кој е сместен тимот на Ал Наср. Навивачите на Роналдо се снимени како шетаат низ ходниците и ја довикуваат португалската ѕвезда.

Сепак, ниту еден навивачи нема да може да присуствува на натпреварот утре на стадионот Азади, најголемиот во земјата со 90.000 седишта, поради санкциите на Азиската конфедерација (АФЦ). Натпреварот кој се игра зад затворени врати, сепак ќе се емитува на телевизија.

Фудбалерите на Ал Наср до натпреварот ќе бидат под обезбедување на елитната единица на полицијата, специјализирана за претседателски патувања, објави спортскиот портал „Варзеш 3“.

Сите клубови сакаат да имаат добар почеток во азиската Лига на шампиони, во која саудиските клубови се фаворити откако во текот на летото доведоа бројни европски ѕвезди. Ал Наср ги донесе Садио Мане, Секо Фофана, Отави, Ајмерик Лапорте, Алекс Телес и Брозовиќ.

Ал-Наср ќе се обиде да се одмазди за поразот на иранскиот клуб во полуфиналето на натпреварувањето во 2020 година. Персеполис, најуспешниот и најпопуларниот клуб во Иран, двапати беше финалист на Лигата на шампионите таму (2018 и 2020 година), додека Ал-Наср го освои во 1995 година.

Забава

Почна првата забавна „Детска олимпијада Кратово 2024“

Над 180 дечиња од Кратово, од пет до дванаесет години, се дел од годинашната забавна „Детска олимпијада Кратово 2024“. 

- Спортско-забавната програма наменета за деца на возраст од 5 до 12 години, чиј фокус е развој на моторичките способности преку спортот, и социјалните и когнитивните способности, преку игра и забава е прва во Општина Кратово и се спроведува со 180 деца распоредени во неколку групи, во различни спортови. Се одржува на спортскиот отворен терен Мусала во организација на училишниот спорстки клуб „Кочо Рацин“, а е финансирана од Општина Кратово и останати локални фирми и поединци, информираат од Општина Кратово.

Забавната „Детска олимпијада“ има за цел ширење пријателство, еднаквост, промовирање на здрав начин на живот и спортска култура кај најмладите.

Програмата ја спроведуваат наставниците од основните и средното општинско училиште во Кратово, а од Општината ги повикаа сите млади и родители активно да се вклучат во активностите што ја пренесуваат пораката за пријателство и еднаквост во секојдневниот живот и на спортските терени.

„Детската олимпијада Кратово 2024“ ќе се спроведува по два дена во неделата до крајот на месецот./МИА

Македонија

ЈП Комунална хигиена - Скопје отстрани диви депонии на пластичарска улица и во Топаана

Во рамките на активностите се подигнати и транспортирани приближно 30 кубни метри непрописно одложен отпад на јавни и на сообраќајни површини.

Во текот на минатата ноќ, екипите на ЈП Комунална хигиена-Скопје реализираа активности за отстранување обемна дива депонија лоцирана на булеварот „Никола Карев“ (Пластичарска улица), на аголот со улицата „Максут Садик“, во непосредна близина на Амбасадата на САД.

Како што информират од ова јавно претпријатие, интервенирано е и на булеварот Македонско-косовска бригада во населбата Топаана, каде што е извршено расчистување на повеќе помали диви депонии.

-Посочените локации претставуваат „црни точки“ каде што веќе подолг период е забележано континуирано одлагање отпад на јавни и сообраќајни површини, се вели во денешното соопштение од ЈП „Комунална хигиена“.

Во рамките на активностите се подигнати и транспортирани приближно 30 кубни метри непрописно одложен отпад на јавни и на сообраќајни површини.

Свет

Најмалку 15 луѓе загинаа во шумските пожари во Перу

Најмалку 15 луѓе загинаа во шумските пожари ширум Перу, изјави министерот за здравство Сезар Васкез.

Во Перу годинава регистрирани се 222 шумски пожари, од кои 51 сè уште се активни.

Претседателката на Перу, Дина Болуарте вчера отпатува во регионот Амазон за да ги координира акциите со локалните власти и другите институции. Генералната дирекција за управување со ризици од катастрофи мобилизира 65 здравствени работници, 59 бригади за интервенција и 25 возила на брзата помош во најзагрозените подрачја од пожарите. /МИА

притисни ентер