Дресот што еден од најдобрите кошаркари на светот во историјата, Мајкл Џордан го носеше на третиот натпревар од финалето на НБА во 1998 година против „Јута џез“ е продаден на аукција за неверојатни 12,26 милиони долари, со што стана најскапиот кошаркарски дрес некогаш продаден.

Легендарниот бел дрес на Чикаго Булс со бројот 23, што Мајкл Џордан го носеше на 7 јуни 1998 година во „Јунајтед центар“ во Чикаго, стана дел од историјата и надвор од кошаркарскиот терен.

View this post on Instagram

A post shared by JOOPITER (@joopiterofficial)

Дресот е продаден на аукција за вкупно 12,26 милиони долари, со што беше поставен нов рекорд за кошаркарски дресови.

Иако Џордан постави нов рекорд кога станува збор за кошаркарски дресови, неговиот дрес не е најскапиот спортски дрес некогаш продаден. Тој рекорд сè уште му припаѓа на легендарниот бејзбол-играч Бејб Рут.

Неговиот дрес од Светската серија во 1932 година, додека настапувал за „Њујорк Јанкис“, беше продаден за дури 24,12 милиони долари.

На тој меч од финалната серија, таа вечер, Чикаго предводен од Џордан ја декласираше Јута со убедливи 96:54 за водство во серијата од 2-1 во победи. На крајот, Чикаго победи со вкупен резултат 4-2, а Џордан го освои својот шести и последен шампионски прстен во кариерата.

Аукцијата беше организирана од платформата JOOPITER, чиј основач е познатиот музичар Фарел Вилијамс. Интересно е што за овој историски предмет беше добиена само една обврзувачка понуда.

Почетната цена изнесуваше 10 милиони долари, а дополнителните трошоци за купувачот во висина од 2,26 милиони долари ја зголемија конечната цена на рекордни 12,26 милиони долари. На тој начин се остварија предвидувањата на експертите, кои ја проценија вредноста на дресот на Џордан на сума меѓу 10 и 15 милиони долари. Со тоа, Џордан го надмина сопствениот рекорд.

Претходно, најскапиот кошаркарски дрес исто така беше негов – црвениот дрес од првиот натпревар на истото финале во 1998 година, кој во 2022 година беше продаден за нешто повеќе од 10 милиони долари.

Посебната вредност на овој предмет произлегува од фактот што, според аукциската куќа „JOPITER“, тој е единствениот јавно познат бел дрес на Џордан од победата на „Чикаго Булс“ во финалето во 1998 година што се појавил на пазарот.

Третиот натпревар од финалето во 1998 година се памети како една од најубедливите победи во историјата на финалињата на НБА. „Булс“ победија со разлика од дури 42 поени, додека 54-те поени на Јута претставуваа најмал број поени постигнати од еден тим на натпревар од финалето на НБА во тоа време.

За 32 минути поминати на теренот, Џордан постигна 24 поени, остварувајќи и три скока, две асистенции, една украдена топка и една блокада. Победникот беше одлучен многу пред крајот на натпреварот, па на Џордан не му беше ни потребно да игра во четвртата четвртина. Единствениот познат бел дрес на Џордан од финалето во 1998 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во тој „пакет“ беа вклучени околу 810 милиони долари што Белата куќа се обиде да ги укине пред крајот на фискалната година. Минатата недела, Трамп се обиде еднострано да ги задржи средствата одобрени од Конгресот за трошење во областите на имиграцијата, расните прашања и образованието.

Тужбата претставува нов правен спор околу границите на претседателските овластувања кога станува збор за трошењето јавни пари.

Потегот на Трамп да побара од Конгресот да ги задржи средствата толку блиску до крајот на фискалната година – со што законодавците не би имале доволно време да реагираат – наиде на критики од двете партии.

Имено, критичарите го оценија потегот на Трамп како обид да се заобиколи уставното овластување на Конгресот во однос на федералните расходи.

Во тужбата, поднесена пред окружниот суд во Калифорнија и предводена од јавниот обвинител на Калифорнија, Роб Бонта, се тврди дека одбивањето на администрацијата да ги потроши наменските средства ја нарушува уставната поставеност на власта, како и други одредби од Уставот.

„Сè уште сме згрозени од очигледното непочитување на основните уставни рамки на нашата власт од страна на претседателот Трамп. Тоа што на претседателот не му се допаѓа програмата, не значи дека може да ги скрати средствата за неа“, изјави Бонта.

Уставот му гарантира на Конгресот овластување да троши јавни средства, но Белата куќа минатата недела изјави дека програмите што ги финансираат поттикнуваат нелегална имиграција, расни тензии и непотребни стравови за животната средина.

Федералните држави, пак, тврдат во својата тужба дека напорите на администрацијата на Трамп да ги задржи федералните средства ги поткопуваат ексклузивните права на Конгресот да управува со федералниот буџет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во Министерството за енергетика, рударство и минерални суровини се одржа координативен состанок со претставници на Универзитетот „Гоце Делчев“ во Штип и Геолошкиот завод, на кој беа разгледани можностите за заедничко учество во европски истражувачки проекти, како и иницијативи за унапредување на геолошките истражувања и подобро искористување на минералните и геотермалните ресурси во државата.

Централна тема на состанокот беше можноста за заедничко учество на повикот во рамките на Хоризон Европа, насочен кон процена на ресурсите во длабоки седиментни и длабински резервоари. Разгледана беше можноста за формирање меѓународен конзорциум и за вклучување странски партнери со искуство во геолошки и геотермални истражувања.

Целта е преку заеднички проект да се придонесе кон подобро утврдување на геотермалниот потенцијал на државата, преку анализа на расположливите геолошки, геофизички податоци, лабораториски испитувања, моделирање и, доколку техничките и проектните услови го овозможат тоа, истражувачко бушење и добивање јадро за понатамошни научни испитувања.

Во рамките на разговорите беше истакната и потребата од системски пристап кон критичните минерални суровини, имајќи го предвид нивното растечко значење за енергетиката, новите технологии и економскиот развој. Во таа насока беше разгледана иницијатива за подготовка на Програма за истражување на критичните минерални суровини, преку која би се дефинирале приоритетите и идните активности за истражување на нивниот потенцијал во државата со вклучување на стручните и научните капацитети на Факултетот за природни и технички науки при УГД.

На состанокот беше отворено и прашањето за Сивец, како препознатлива домашна минерална суровина, при што беше предложено да се разгледаат можностите и условите за негова соодветна заштита и препознатливост преку географска ознака.

Дополнително, беше иницирана подготовка на Каталог на минералните суровини, кој треба систематизирано да ги претстави расположливите информации за минералните суровини и нивниот потенцијал. Идејата е каталогот да придонесе кон подобра достапност и прегледност на геолошките информации, како основа за понатамошни истражувања, планирање и промоција на минералниот потенцијал на државата.

За реализација на активностите беше истакната потребата од зајакната соработка меѓу Министерството, Геолошкиот завод, Универзитетот „Гоце Делчев“ и други научни и стручни институции, како и од активно вклучување во европските програми за истражување и развој.

Во однос на повикот од Хоризон Европа, учесниците се согласија да се работи на подготовка на заеднички проектен концепт и на идентификување соодветни странски партнери. Како потенцијални партнери беа разгледани геолошки и стручни институции од Хрватска, Словенија и Германија.

Со овие активности, Министерството за енергетика, рударство и минерални суровини го насочува фокусот кон систематско истражување на домашниот геолошки потенцијал, развој на геотермалната енергија, подобро познавање на критичните минерални суровини и создавање стручна основа за долгорочно и одржливо управување со минералните ресурси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.