Им се нудело да се потпишат на документи дека се Бугари, па на тој начин им се отворал патот до студии и стипендии во Бугарија. Во истражување на Радио Слободна Европа, повикувајќи се на сведоштва од припадници на бошњачката заедница на Косово, пишува дека документите со променети податоци ги добивале од локалци, а комуникација со бугарските власти за пријавување на студенти од Косово на Универзитетите во Бугарија постоела уште од пред многу години.

Во Косово нема бугарска заедница и тоа ќе го покажат резултатите од пописот, тврди за Канал 5 косовската вицепремиерка Емилија Реџепи, која е дел од бошњачката Нова демократска партија.

За бугарски обиди за асимилација сведочат и други политички партии на Бошњаците.

„ Во Бугарија, во моментов, студираат 189 студенти, на сметка на Бугарија. Секој што се чувствува Бугарин ќе дојде во нашата канцеларија и само ќе каже дека е Бугарин. Ние нема да издаваме никаков сертификат. Денес сум Бугарин, утре пак ќе бидам Босанец. “, изјавил Адеми за РСЕ.

На пописот на населението на Косово кој заврши на 24 мај, имаше опција граѓаните да се изјаснуваат за графата „друга етничка припадност“ и да наведат конкретно која, а колку се изјасниле како Бугари се најавува дека ќе биде појасно на средината на овој месец.

Досега бугарските власти експлицитно бараа прифакање на заедницата од косовските институции, но од нив нема одговор ниту реакција на случувањата со документите кои водат до студентски привилегии во Бугарија.

За бугарска асимилација која се спроведува и официјално преку пописот на населението, обвинуваат и Македонците во Албанија, кадешто нашинците уверуваат дека во изминатиот период се нуделе пасоши, работа и други привилегии во Бугарија како земја-членка на Европската Унија. Инаку, на пописот во соседна Албанија бројот на Македонците е драстично намален, а на Бугарите од нула пред 10тина години сега е над 7.000.

Ова е одговорот на премиерот Мицкоски на како што ги нарече, омаловажувањата и навредите од страна на Мицотакис и Радев, кој меѓу другото порача дека меѓународното и уставното право биле јасни и дека Договорот за добрососедство не може да се репеговара. И на двајцата и порача повторно да размислат за дадените изјави и да се се навикнат на полтичари кои ги штитат интересите на македонските граѓани и на државата.

„Мислам дека моите соговорници треба да ги пресипитаат своите изјави и начин на однесување. Но кој сум јас да им солам памат што да прават тие. Жалам што гледаат промена во политиката овде. Поминаа времињата кога ќе има во македонската влада политичари со свиткна кичма, политичари кои се себепнижуваат и политичари кои се подготвени да потпишаат се, само не да го заштитат интересот на македонските граѓани. порча Мицкоски. Мојата порака и до едниот и до другиот, сепак тие се поискоусни од мене и подолго време се на своите позиции, едниот е претседател а другиот премиер на држава е дека ние сме малоброен и мирољублив народ и подготвени сме со секого да соработуваме, но соработката ја гелдаме како двонасочна улица. Не може да биде еднонасочна“, вели Мицкоски.

Прашан за бугарската пропаганда која се вршеше пред пописот на населенито во Албанија, а која резултираше со тројно поголем број изјаснети етнички Бугари од Македонци во албанската област Корча, премеирот Мицкоски вината ја лоцираше во преходната Влада која спред него оставила простор за туѓа пропаганда во југоистичниот дел на Албанија. Најави скорашна посета на Македонците во Албанија и вети дека државата ќе стори се да го заштити нивниот идентитет.

„Сега се поставува прашањето бидејќи во Албанија има скоро три пати повеќе коишто се изјануваат како дел од бугарската заедницам, дали и за Албанија ќе има услов тие да бидат во Преамбулата на албанскиот устав или нема. Бидејќи три пати е поголема бројката на граѓани во Албанија кои за себе велат дека се дел од бугарската заедница, од тие што велат дека се во Македонија. Сега прашањето е дали и за нив ќе важи тој услов, или само за нас“, порача Мицкоски.

Инаку на резултатите од пописот во Албанија веќе реагираше македонското малцинство во Албанија и најавија дек преку зедничка декалрација со другите малцинства ќе побараа споведување на нова статистистичка операција за преборјување на населението. Реакција упатија и од македонското МНР од каде укажаа дека пописните резултати не ја отсликуваат реалната бројка на етнички Македонци во Албанија.

Центарот за јавно здравје Охрид, според директорот Сашо Точков, констатирал дека водата во водоводот во Радожда, со кој стопанисува ЈП „Водовод и канализација“ Струга нема дезинфекционо средство, што претставува потенцијална опасност за корисниците.

- Првичните резултати од микробиолошката анализа од земените примероци утрово од две места од водоводот во селото се очекуваат во наредните два дена, изјави Точков за МИА.

ЈП „Водовод и канализација“ апелира до населението да не ја користи водата за пиење до следното известување, посочувајќи дека превземаат мерки за нормализирање на состојбата.