Германската серија на документарни филмови „Markencheck (проверка на брендови) објави вознемирувачки обвиненија против Харибо.
Работниците во Бразил живеат како робови
Првото обвинение се однесува на една од главните состојки на гумените бонбони, карнауба воска, која се наоѓа во палминиот лист. Истражувачите откриле дека работниците кои го берат листот во северен Бразил, живеат во услови кои можат да се опишат како ропство, објави „Дојче Веле“.
Работниците во Бразил, од кои некои се малолетни, присилени се да спијат на отворено или во камиони, немаат пристап до чиста вода и санитарии, а заработуваат 12 долари на ден, се наведува во документарниот филм.
Мачат и убиваат животни поради желатинот
Второто обвинение се однесува на уште една состојба на гумените бонбони, желатинот, кои се добива од животинска кожа и коски, иако постојат вегански алтернативи. Според документарниот филм, Харибо, за добивање на желатинот ги мачат и убиваат свињите, а снимките прикажуваат животни прекриени во сопствениот измет и отворени рани во текот на процесот.