Македонија

Груевски прогласи победа – за Црвенковски изборите биле нелегитимни

Историска победа на ВМРО-ДПМНЕ , со една општина повеќе од претходните локални избори, објави синоќа лидерот на партијата Груевски.

40-ет општини во првиот круг и 16 во вториот, или вкупно 56 општини и градот Скопје освои коалицијата предводена од владејачката партија. Според Груевски со освоените 445 илјади гласови исходот е подобар од освоените 406 илјади гласови на изборите во 2009-тата

Победија делата реализираните ветувања одговорниот и искрен однос кон граѓаните рече Груевски, порачувајќи им на градоначалниците уште од денеска да ги засукаат ракавите. Имавме успешен ден со слободни фер и демократски избори, повторно победија граѓаните и Македонија рече Груевски.

Социјалдемократите вчера ги освоија Струмица и Куманово, го добија и Центар со Жерновски, претходно и Ранковце. Црвенковски од Бихачка со порака дека изборите се нелегитимни, и не поминале во фер и демократска атмосфера.

Народот е во право и кога греши рече Црвенковски по поразот во 2011-тата, вчера дека на овие избори изгубил народот и целата држава , а не СДСМ.

Изборната победа и повторниот мандат во Скопје на Коце Трајановски раководството на партијата синоќа во неговиот изборен штаб во центарот на Скопје го прославија со торта.

Регион

Албанската полиција запленила фалсификувани чекови во вредност од еден милион долари

Уапсени двајца Италијанци.

На граничниот премин Хан Хоти, на албанско-црногорската граница, албанската полиција запленила фалсификувани чекови во вредност од милион долари.

Уапсени се двајца италијанските државјани во чиј автомобил биле откриени фалсификуваните чекови.

Фалсификуваните чекови се одземени како материјален доказ заедно со возилото, 1700 евра, печати и два мобилни телефона и се предадени на Обвинителството при Основниот суд од општата надлежност Скадар за понатамошни дејствија. /МИА

Фудбал

Легендарната бразилска фудбалерка Марта заминува во пензија

Најдобриот стрелец во историјата на Бразил во машки и женски фудбал, 38-годишната Марта, одлучи да се пензионира оваа година.

Марта, која од 2017 година настапува за американскиот клуб Орландо Прајд, изрази надеж дека пред повлекувањето од фудбалот ќе може да настапи на претстојната Олимпијадата во Париз.

„Ако одам на Олимпијадата, ќе уживам во секој момент, бидејќи, без разлика дали ќе бидам во Париз ова ми е последна година со репрезентацијата, изјави Марта во интервју за Си-Ен-Ен.

„Од 2025 година Марта повеќе ќе ја нема во репрезентацијата. Многу сум смирена поради тоа бидејќи со голем оптимизам гледам на развојот на спортот што го имаме во однос на младите спортисти“, додаде таа.

Марта, позната како „Кралица Марта“, е најдобар стрелец на сите времиња во Бразил со 116 гола на 175 натпревари. Таа е и најдобар стрелец на женските мундијали со 17 голови. /МИА

Свет

Франција и Германија потпишаа договор за заеднички проект за вооружување

Проектот МГЦС се очекува да ги замени германските тенкови Леопард два и француските борбени тенкови Леклерк.

Францускиот министер за одбрана и неговиот германски, Себастијан Лекорну и Борис Писториус на денешната средба во Париз потпишаа договор за заеднички проект за вооружување во вредност од една милијарда евра, кој вклучува развој на главен борбен тенк од следната генерација.

Министрите потпишаа меморандум за развој на Главен копнен борбен систем (МГЦС), кој има за цел да ги замени сегашните борбени тенкови во Франција и во Германија.

Проектот МГЦС се очекува да ги замени германските тенкови Леопард два и француските борбени тенкови Леклерк. /МИА