Фудбал

Грозданова: Мојот фокус е Јувентус, родителите и менаџерот се грижат за сè останато

Младата македонска фудбалерка Меланија Грозданова која настапува за ЖФК Љуботен во иднина може да ја продолжи фудбалската кариера во италијанскиот фудбалски гигант Јувентус.

Интересот за 16-годишна фудбалерка се смета дека е поради нејзиното стандардно место во првиот тим на репрезентацијата, пласманот во А-дивизија со У-19 како и значајната ефикасност со осум голови досега за ЖФК Љуботен и 12 погодоци претходната сезона за ЖФК Истатов.

- Јувентус е еден голем клуб на светско ниво, Италија е одлична држава, многу ми се допаѓа. Да бидам под нивна „лупа“ и „таргет“ на Јувентус за мене е мотив плус за да работам и тренирам уште повеќе, мојот фокус е на тоа. Моите родители заедно со мојот менаџер Дарко Мариќ (ДМ Менаџмент) се грижат околу сè останато. Ќе видиме, чувството е прекрасно, изјави Меланија Грозданова на прашањата од МИА.

За Меланија пишува и Руди Галети, италијански спортски новинар со фокус на трансферите во овој спорт. Тој во текст посветен на Меланија вели дека нејзиниот напредок е толку импресивен што многумина ја гледаат како најголемото чудо од дете што го има произведено нејзината земја.

- Нејзиниот експлозивен стил на крило, во комбинација со нејзината самодоверба и физичко присуство, природно привлече споредби со Кристијано Роналдо. Дури и нејзините прослави на голови одразуваат слична харизма и амбиција. Висока, технички вешта и веќе покажувајќи менталитет на врвен играч. Јувентус внимателно ја следи и верува дека таа би можела совршено да се вклопи во нивниот долгорочен проект, потенцијално станувајќи идна ѕвезда во црно-белиот дрес, Грозданова ги има сите квалитети да стане големо име во европскиот фудбал, пишува Галети на неговиот веб-сајт.

Девојката која на 27 декември ќе наполни 17 години, со фудбал почнала да се занимава во фудбалската Школа „Кул“, каде што до нејзината 13 година тренирала и играла со момчиња и била единственото девојче во детската лига на Македонија. Следуваат две години во ЖФК Скопје и минатата сезона во ЖФК Истатов, по што од годинава е дел од шампионскиот тим на тетовски ЖФК Љуботен.

- Интересот на шампионот ЖФК Љуботен беше непрекинат изминатите години, но јас проценив дека токму сега сум зрела да преминам во еден шампионски тим и да се носам со тој товар. За мене претставува голема чест што сум во трикратниот шампион на Македонија, Љуботен е голем клуб во нашата држава, можам да кажам брзо се вклопив во тимот, благодарение на моите соиграчи. Сакам победи до тимот, сакам да асистирам голови и секако да давам што повеќе во интерес за клубот, вели таа за МИА.

Нејзин фудбалски идол е Кристијано Роналдо, за кого вели дека засекогаш ќе и биде инспирација и совршен пример за врвен спортист, на кого сака да се огледува. Од женските фудбалерки идол и е Алиша Леман.

Тагови: женски фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нова ескалација во близина на Ормускиот Теснец – има загинати!-Погоден ирански трговски брод!

Ирански трговски брод бил погоден рано утринава во близина на островот Кешм, во близина на Ормускиот Теснец, во нападот загина едно лице, а тројца се повредени, објавија иранските државни медиуми.

Британската агенција за поморски трговски операции (UKMTO) соопшти дека бродот бил погоден од проектил додека минувал низ Ормускиот Теснец, без да наведе дополнителни детали. Засега нема соопштение од американската војска, која претходно ги блокираше иранските пристаништа и ги напаѓаше бродовите што пловеа под иранско знаме.

Нападот врз иранскиот брод се случува во време кога продолжуваат тензиите околу овој воден пат, кој се сметаше за меѓународен пред САД и Израел да започнат војна против Иран на 28 февруари оваа година.

Иран објави дека министрите за надворешни работи на земјите од регионот денес ќе се состанат за да разговараат за напорите на Иран и Оман – земја што се наоѓа на спротивната страна од Ормускиот Теснец – во управувањето со поморскиот сообраќај што се одвива низ него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Зверев на тронот во Њујорк за втора Грен слем круна

Германскиот тенисер Саша Зверев го освои Ју-Ес Опен, триумфирајќи во финалето над Бен Шелтон – 6:3, 7:6 (2), 5:7, 6:2.

Со победата во Њујорк, Зверев ја освои втората Грен слем титула во кариерата, по онаа освоена во Париз оваа година. Ова беше негово второ финале во Њујорк во кариерата.

Пред шест години загуби од Доминик Тим, иако водеше со 2-0 во сетови.

На патот до трофејот, Зверев ги победи и Лоренцо Сонего и Квентин Алис – и двајцата по пет сета – како и Алехандро Табило, Лучано Дардери, Ботик ван де Зандшулп и Карен Хачанов со максимален резултат.

Најдобриот резултат во кариерата на Шелтон на Грен слем турнирите ќе му донесе највисок пласман во кариерата – четвртото место – почнувајќи од понеделник.

HE DIDN'T REALIZE HE'D WON 🏆 Alexander Zverev exorcises his 2020 demons and defeats Shelton 6-3, 7-6, 5-7, 6-2 to win his first US Open title! https://t.co/f0Cnl2xvgI
— US Open Tennis (@usopen) September 13, 2026

„Сè до оваа година не освоив ниту една титула, а сега освоив две во истата година. Мислам дека Бог виде колку напорно работевме и низ каква болка поминавме. 2026 година е резултат на сите претходни години. Ви благодарам на сите; немаше да бидам овде без вас. Сакам да ѝ се заблагодарам и на уште една личност која никогаш не ги гледа моите натпревари – тоа е најважната личност во мојот живот. Кога на четиригодишен син ќе му дијагностицираат дијабетес, потребна е силна мајка за да излезе од таа ординација и да каже: ’Мојот син ќе биде она што сака да биде; ако сака да биде тенисер, ќе биде тенисер‘. Среќен сум поради она што го правиме. Мајка ми е најважната и најсилната личност што ја познавам; потребна е навистина силна личност за да се направи она што го направи таа“, рече емотивниот Зверев во шампионскиот говор.

Тагови: Зверев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за пожарот во дискотеката „Пулс“ во Кочани

Денеска во судницата во Идризово при Основниот кривичен суд Скопје треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Случајот се наоѓа во доказна постапка и треба да продолжи со вкрстено испрашување од одбраната на тимот градежни вештаци, кои го изработиле градежното вештачење на обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.