Грција утре парализирана од генерален штрајк за втората годишнина од железничката несреќа - Канал 5

Балкан

Грција утре парализирана од генерален штрајк за втората годишнина од железничката несреќа

Грција утре парализирана од генерален штрајк за втората годишнина од железничката несреќа кај Темпи.

Грција утре парализирана од генерален штрајк за втората годишнина од железничката несреќа

Двегодишнината од железничката несреќа кај Темпи во која загинаа 57 лица, утре во Грција ќе биде одбележана со генерален штрајк што буквално ќе ја парализира земјата, нема да функционира бродскиот, авионскиот и железничкиот сообраќај, дел од рестораните, таверните, кафулињата, ноќните клубови, театрите ќе бидат затворени, а закажани се над 340 протести во земјата и странство, јави дописничката на МИА од Атина.

Железничката несреќа се случи на 28 февруари 2023 година при директен судир на товарен и патнички воз, кои се движеа на истата шина во различни правци, по сударот следеше и експлозија, а животот го загубија 57 лица, од кои поголемиот број беа студенти.

Иако поминаа две години од една од поголемите трагедии во Грција, несреќата во изминатиот период одново е актуелна во земјата и поради тоа што две години подоцна остануваат многу неодговорени прашања, но и поради тоа што во медиумите континуирано се објавуваат нови информации и аудио и видео документи.

Во рамките на генералниот штрајк закажани се вкупно 345 протести, од кои 243 се на различни локации во Грција, а 102 се низ целиот свет, додека пак според најавите и судејќи според демонстрациите што се одржаа минатиот месец, се очекува утрешните протести да бидат особено масовни.

Исто како и за време на масовниот протестот одржан на крајот на јануари, така и сега главниот слоган е „Немам кислород“ по објавениот аудиозапис од телефонски повик на бројот 112 за итни случаи во кои се слушаат повиците за помош, меѓу кои и женски глас што вели „Немам кислород“, а главното барање е правда за жртвите.

Генералниот штрајк е закажан од најголемите грчки синдикати на вработените во државниот сектор (АДЕДИ) и на вработените во приватниот сектор (ГСЕЕ), како и синдикатот ПАМЕ на Комунистичката партија, а 24-часовниот штрајк го поддржуваат низа здруженија, федерации итн.

Во штрајкот ќе учествуваат и адвокати, фармацевти, лекари, студенти, ученици, просветни работници, голем дел од угостителските објекти нема да отворат, а ноќните клубови и клубовите со жива музика, односно популарните бузуки, во кои настапуваат познати грчки пејачи, утре ќе останат затворени во спомен на жртвите.

Бродовите ќе останат закотвени на пристаништата од раните утрински часови, железничкиот сообраќај ќе биде целосно во прекин, а 24-часовен штрајк најавија и контролорите на летање, со што откажани се сите летови од и кон Грција со исклучок на: летови кои со шефови на држави, премиери; летови на грчките воздухопловни сили кои учествуваат во оперативни мисии и закажани вежби; летови од медицински или хуманитарна причини; летови на авиони за потрага и спасување.

Јавниот превоз во Атина, односно автобусите, тролејбусите, трамваите ќе учествуваат во штрајкот и нема да сообраќаат, а единствено метрото ќе работи од 9 до 17 часот со цел да им овозможи на граѓаните да стигнат на протестот во центарот на градот.

Грчката метропола ќе биде и без такси превоз, со оглед на тоа што такси возачите организирани од нивниот синдикат учествуваат во штрајкот, меѓутоа започнаа иницијатива „такси на солидарноста“ – нешто што првпат се спроведува во Грција, односно на четири различни локации ќе има таксисти волонтери, кои бесплатно ќе ги пренесуваат граѓаните до плоштадот Синтагма каде што ќе се одржи протестот.

Во Атина собирот е закажан за 11 часот по локално време, а ќе се преземат зголемени безбедносни мерки, според грчките медиуми, со ангажирани над 5.000 полицајци.

Министерот за заштита на граѓаните Михалис Хрисохоидис во чија надлежност е и полицијата во интервју за радиото „Параполитика“ вчера рече дека „се прават големи подготовки за полицијата да ја постигне својата централна цел, а тоа е демонстрациите да завршат мирно и пред сè безбедно за граѓаните кои ќе учествуваат“.

Непосредно пред утрешната годишнина, грчката Национална управа за истрага на авионски и железнички несреќи и безбедност на транспортот, претпладнево ќе го презентира извештајот од истрагата на експертите за причините за железничката несреќа и експлозијата што следеше по судирот на патничкиот и товарниот воз.

На вчерашната владина седница грчкиот премиер Кирјакос Мицотаки се осврна на втората годишнина од железничката несреќа кај Темпи, посочувајќи дека „мнозинството Грци сакаат вистината да блесне, правдата да биде задоволена и никогаш повеќе да не доживееме слична трагедија“, истакна дека „националната драма треба да го обединува општеството под заедничко барање за вистина и правда“, а за протестите нагласи дека се уставно загарантирано право на граѓаните, но и дека државата треба да ги заштити демонстрантите, а „одредени ќе протестираат против Владата“.

Следната седмица, односно во вторник и среда во Парламентот ќе се одржи расправа за формирање предистражна комисија за несреќата, а Мицотакис посочи дека тогаш партиите ќе можат да ги претстават своите ставови, но и дека ако опозицијата сака, ќе може да достави предлог за гласање недоверба на Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 20. август 2026 година

Дневен хороскоп за четврток, 20. август 2026 година. 

Дневен хороскоп за 20. август 2026 година

Лав 23.7-22.8.

Љубов

Веројатно ќе најдете компромис за лично прашање , кој ќе биде оригинален. Толку повеќе ќе почуствубате олеснување.

Кариера

Кога станува збор за деловните контакти и договори , ќе бидете многу успешни на сосема неочекуван начин.

Здравје и совет

Бидете упорни.

Девица 23.8.-23.9.

Љубов

На оригинален начин вие ќе ги надминете проблемите во својот љубовен живот и ќе ја отворите вратата за негово подобрување.

Кариера

Идеите од шаховски карактер , како и креативноста ќе ви носат убави поени на работното место.

Здравје и совет

Ќе се чувствувате подобро од вчера.

Вага 24.9.-23.10

Љубов

Работите доѓаат во рамнотежа и во вообичаен ток. Успеавте да се договорите и сега продолжувате понатаму.

Кариера

Веројатно ќе дојде до многу интересно решение со кое вашите деловни задачи ќе тргнат во вистинска насока.

Здравје и совет

Радувајте се зашто одите кон подобро.

Шкорпија 24.10-22.11.

Љубов

Вашата љубовна врска добро напредува. Нема особени сензации ,с е е мирно и пријатно , а вие двајцата уживате.

Кариера

Можен е прилив на пари на вашата сметка. Станува збор за нешто што било одлагано или доцнело поради бирократски причини.

Здравје и совет

Бидете весели.

Стрелец 23.11.-21.12.

Љубов

Вашиот љубовен живот е стабилен и квалитетен , а денеска е обогатен со свежи идеи и интересно излегување.

Кариера

Ќе покажете импресивни резултати во работата , а за тоа е најзаслужна вашата интуиција.Послушајте ја.

Здравје и совет

Самите ќе дознаете што треба да менувате.

Јарец 22.12.-20.1.

Љубов

Мали семејни проблеми ќе ви одземат од времето , па на саканата личност ќе и посветите помалку внимание од вообичаено.

Кариера

Вашата деловна стратегија добро ќе се развива , а денеска се јавуваат и вложувачите кои ги чекавте. Задоволни сте.

Здравје и совет

Проверете си ја крвната слика.

Водолија 21.1.-19.2.

Љубов

Ќе им покажете на сите како на инвентивен начин се постигнуваат успешни договори. Многумина ќе бидат изненадени и среќни.

Кариера

Во работата со странки , односно со луѓе , ќе бидете особено успешни. Многуумина ќе ве истакнуваат како пример.

Здравје и совет

Вежбајте јога .

Риби 20.2.- 20.3.

Љубов

Содржината на она што ќе и зборувате на саканата личност ќе биде таков што ќе треба да го запошете и чувате. Ќе во биде преубаво.

Кариера

Вашата интуиција денеска ќе биде непогрешлива и ќе доведе до решавање на еден нерешлив деловен проблем.

Здравје и совет

Светот е ваш.

Овен 21.3-20.4.

Љубов

За чудо , денеска добро ќе ве разбираат иако и самите не верувате дека тоа е можно. Ќе дојде до подобрување во врската.

Кариера

Оние кои лажеле ќе бидат откриени на неочекуван начин. Така че се засрамат . Не им се потсмевајте.

Здравје и совет

Ќе почувствувате олеснување.

Бик 21.4- 20.5.

Љубов

Без оглед на целата збрка во комуникацијата , ќе најдете начин за да ги изразите своите чувства и тоа ќе биде добро.

Кариера

Се зајакнуваат деловните контакти што ве радува . Во тоа сте вистински мајстор , но и натаму прво осмислете , па потоа кажете.

Здравје и совет

Подобрување.

Близнаци 21.5.-21.6.

Љубов

Вашиот позитивен став полн со хумор ќе ви донесе убавина во љубовта.Оние кои се уште се сами ќе освојуваат со леснотија.

Кариера

Работите во кои вие имате влијание , ќе се развиваат одлично. Дури и да бидат скромни , бидете свесни за сопствените заслуги.

Здравје и совет

Проширете ги хоризонтите.

Рак 22.6-22.7.

Љубов

Сепак има добар ветар во грб во љубовта , па на вас останува да ги осмислите пријатните моменти со саканата личност.

Кариера

Она што потајно сте го истражувале , денеска се отвора , така што ќе добиете одговор и решение на таа тема. Тоа ќе го употребите за да си го зголемите успехот.

Здравје и совет

Знаете кој е вистински , а кој не.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ивица Томовски во „Вести плус“

Почитувани, вечерва во Вести Плус, ќе гостува Ивица Томовски.

Ивица Томовски во „Вести плус“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Девојка била масакрирана од мечка пред својот вереник- ѕверот ја извлекол од шаторот додека спиела (ФОТО)

Млада девојка која наскоро требало да се омажи била извлечена од шаторот и изгмечена до смрт пред очите на нејзиниот вереник откако била нападната од разбеснета кафеава мечка.

Девојка била масакрирана од мечка пред својот вереник- ѕверот ја извлекол од шаторот додека спиела (ФОТО)

Снежана Королева, 29, била на романтично кампување со својот партнер во Алтајските Планини во Русија.

Мечката го пробила нивниот шатор околу 1 часот наутро и „ја одвлекла жената што врескала“ пред да ја убие и да ја однесе преку реката Бија, објавува Дејли Меил.

Нејзиното момче наводно ѝ предложило брак само еден ден пред животното да ја убие.

Потоа мечката почнала да го закопува телото на девојката додека преплашените кампери очајно се обидувале да го одвлечат вниманието.

Дивочуварите и полицијата пукале во воздух, но не ја застрелале мечката, иако сведоците рекле дека имале можност да ја убијат.

Тие се повикале на руските прописи кои забрануваат пукање во населени места, рекле сведоците.

Сведок по име Алина рекол: „Пукале во воздух, но тоа не го исплашило. Не сакал да ја пушти и... ја одвлекол преку реката.“

Потоа мечката, рече таа, „почна да ја закопува без никаков страв“.

„Нејзиното момче е во шок, тој штотуку ѝ предложи брак. Ужасно е“, рече Алина.

Снежана, по потекло од Новосибирск и адвокатка по професија, престојувала со својот вереник во туристичкиот камп Исток во селото Артибаш, во близина на езерото Телецкое.

Мештаните тврдат дека во моментов има околу 20 мечки што шетаат низ селото.

Друг локален жител рече дека нејзината сестра за малку избегнала напад од истата мечка претходната ноќ.

„Се најдовме лице в лице со него. Мојата сестра падна и се провлече, лежејќи на земја, во колиба. Ја спаси човек кој случајно возел автомобил. Тој ги насочи фаровите кон мечката, по што животното претрча преку патот. Дури и ја удри со својот автомобил и го вдлабна браник“, додаде таа.

По нападот, во селото беше прогласена десетдневна состојба на зголемена тревога.

„Во овој период, на туристите им е забрането да поставуваат шатори во шумата и покрај брегот“, се наведува во локалниот декрет.

Снежана била вработена во руското Министерство за вонредни ситуации.

Нејзините останки наводно биле пронајдени откако се појавиле информации дека мечката се обидувала да го закопа нејзиното тело.

Мечката сè уште е на слобода, според локалните извештаи.

Претставник на Здружението на ловџии и рибари од округот Мајмински изјавил дека скратената ловна сезона довела до зголемен ризик од напади од диви животни врз луѓе.

„Ловната сезона е скратена на 30 дена. Поради ова, популацијата на мечки почнала да расте. Ловците едноставно не можат да ги следат сите дозволи. Ловот станува поретко, мечките се размножуваат, а има сè помалку храна. Нема доволно ореви, па мечките, кога се гладни, излегуваат во потрага по луѓе“, изјавил претставник на ловното друштво.

Обвинителството на Република Алтај започна истрага за смртта на жената.

Тагови: девојка мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер