Грција одлучи да депортира 10 илјади мигранти

Грција има намера да депортира до крајот на следнбата година 10 000 мигранти , соопшти денеска владата во Атина , на ден по големиот судир со полицијата во мигрантскиот камп на островот Лезбос.

Мигрантите предизвикаа ноќеска два пожара за време на протестот во камп на грчкиот остров Лезбос и се судрија со полицијата, при што најмалку едно лице е потврдено за починато, а 17 се повредени.

„Навистина поминуваме низ национална криза“, рече заменик-министерот за заштита на граѓаните, Лефтерис Економу, пред новинарите на Лезбос.

Грчката влада на денешната седница донесе одлука за зајакнување на граничната безбедност и изградба на центри од затворен тип за сместување на мигранти без документи, како и на баратели на азил на кои им е одбиена апликацијата и треба да бидат депортирани, изјави портпаролот на владата, Стелиос Пекас.Тој рече дека Грција сега се соочува повеќе со проблемот со миграцијата отколку со проблемот со бегалците.

Седницата на кабинетот, со која претседаваше премиерот Кирјакос Мицотакис, траеше четири часа.

Медиумите информираат и дека оваа недела Грција ќе ја посетат француски и германски министри за внатрешни работи, заедно со комесарот за миграција во заминување во ЕУ, Димитрис Аврамопулос.

Во Берлин, портпаролката на германската канцеларка Ангела Меркел изјави дека нејзината влада ги поддржува напорите на Грција за зголемување на бројот на депортациите на мигрантите во Турција.

Според ООН, мнозинството мигранти доаѓаат од Авганистан.

Во Камп Морија на Лезбос има околу 12,000 мигранти, повеќето од нив Авганистанци, а просторот е наменет за 3.000 луѓе.

Хашкиот суд му нареди на Израел да дозволи непречен проток на помош во Газа

Меѓународниот суд на правдата во Хаг му нареди на Израел да дозволи непречен проток на помош во Газа за да се спречи гладот во палестинската енклава.

Во едногласната одлука на највисокиот суд на Обединетите нации, беше речено дека Израел мора да дејствува без одлагање и да дозволи „обезбедување на итно потребните основни услуги и хуманитарна помош. Најпотребната помош вклучува храна, вода, електрична енергија, гориво, засолниште и облека, како и средства за хигиена и медицински материјали, пренесува Би-Би-Си. Израел обвинувањата дека земјата ја блокира помошта ги нарече „целосно неосновани“ и соопшти дека продолжува да промовира нови иницијативи за да овозможи континуиран проток на помош во газа по копно, воздух и море.

Фото: Не би можела да бидам со човек кој не заработува 10 000 евра месечно?!

Скандалозна изјава на сопруга на украински фудбалер, „Не би можела да бидам со човек кој не заработува 10 000 евра месечно“.

Сопругата на украинскиот фудбалски репрезенативец Александар Зубков, убавата Ани ја шокира јавноста со неодмерени.

Само ден по триумфот на Украинците над Исланд вреден пласман на ЕУРО 2024, јавноста повторно беше изненадена од убавата Ани.

На денот кога Украина го победи Исланд во бараж дуелот сексапилната Ани го прослави својот роденден.

За жал, нејзиниот сопруг Александар Зубков не доби шанса да игра против Исланд. Селекторот Сергеј Ребров го остави на клупата за резерви.

Крилниот напаѓач на Шахтјор има одлична сезона, одигра 19 натпревари во првенството на Украина, постигна четири гола и забележа пет асистенции.

Ана Зубкова го привлекува вниманието на украинските медиуми со своите неодмерени изјави, но и со својот изглед.

Ана Зубкова пред две години ги запали социјалните мрежи со следнава изјава:

- Не би можел да бидам со човек кој не заработува многу пари. Или премалку заработува. И што? Се прашувате која плата би била нормална за мојот човек? Да речеме 10 илјади евра.

Провокативната Ани потоа истакнала дека месечно само за себе и својот изглед троши околу 3000 евра.

Инаку Ана Зубкова работела како модел, додека не го запознала фудбалерот на Шахтјор. Таа позираше за украинското издание на „Плејбој“ и така стана многу позната во јавноста.

Сега таа редовно објавува жешки фотографии на социјалните мрежи и со тоа предизвикува реакција кај јавноста во Украина.

ФЕД: Имотот на еден отсто од луѓето кои се најбогати во САД достигна рекордни 44,6 билиони

Имотот на еден процент од луѓето кои се најбогати во САД достигна рекордни 44,6 трилиони долари на крајот на четвртиот квартал од 2023 година, пред се благодарение на растот на акциите, соопшти Американската централна банка ФЕД.

Вкупното богатство на еден процент најбогати луѓе, кои ФЕД ги дефинираше како оние со богатство над 11 милиони долари, се зголеми за два билиони долари во четвртиот квартал, а целата добивка дојде од нивните акции, пренесува Си-Ен-Би-Си.

Вредноста на корпоративните акции и акциите на заедничките фондови во сопственост на првите еден отсто се зголеми од 17,6 билиони долари во третиот квартал од 2023 година на 19,7 билиони долари.

Невидениот раст на богатството започна во 2020 година, а оттогаш богатството на најбогатиот еден процент порасна за речиси 15 трилиони долари или за 49 отсто.

Економистите велат дека растечкиот пазар на акциите дава дополнителен поттик на потрошувачката преку таканаречениот „ефект на богатство“. /МИА

притисни ентер