Македонија

Грчкиот парламент вечерва ќе гласа за ратификација на протоколот за членство во НАТО

Македонија го чека финалното „да“ во грчкиот парламент, веројатно последен пат под старото уставно име и како Поранешна Југословенска Република Македонија. 

Емоции и жестока реторика пред гласањето за Протоколот за членство на земјава во НАТО, овој пат, и поради новата реалност. Земјата која со години беше последниот столб, сега е првата која треба да го ратификува влезот на земјава во Алијансата. Оттука, најгневна е опозициската Нова Демократија, која пред 11 години ја водеше грчката влада, кога триумфално и стави вето на Македонија во Букурешт.

-На Самитот на НАТО во Букурешт, „Караманлис, Бакојани и Меимаракис, до крај дадоа отпор на различните, упорни и силни притисоци да се согласат за членство на Скопје во НАТО. Денеска се затвора еден историски циклус, кој почна со гордост, а завршува со капитулација, изјави Јоргос Кумуцакос, пратеник на Нова Демократија.

-Со ратификацијата на Протоколот ги реализираме и нашите интереси да ја направиме соседната држава поблиска до нас, отколку до другите. Мораме да ги затвориме разликите на Балканот и со тоа да се справиме со заканите за нашиот суверенитет, кој се заканува од исток, изјави Никос Тоскас, пратеник на Сириза

Дилеми околу исходот на гласањето вечерва, не треба да има. За зелено светло се неопходни 151 глас. Сириза на Ципрас има 145 пратеници, а дупката од шест гласа веќе ветија дека ќе ја пополнат шесте независни пратеници - Василис Кокалис, Елена Кундура, Танасис Папахристопулос, Костас Зурарис, Катерина Папакоста и Спирос Данелис. Во позитивен епилог на гласањето, со кој земјава и официјална станува Северна Македонија, сомнежи нема ниту премиерот Заев, кој денеска направи обиколка во Клиничкиот центар.

-Владата, многу наскоро, како Влада на Република Северна Македонија и натаму неуморно ќе работи за граѓаните, ќе создаваме здравствен систем по европски стандарди, изјави денеска премиерот Заев.

Ако Грција вечерва го изгласа Протоколот за НАТО, Атина преку Вербална нота треба да не извести дека ја завршила процесот. Потоа земјава треба да ги извести сите земји членки на Обединетите Нации и Меѓународни организации дека нејзиното ново уставно име е Република Северна Македонија.

Свет

Цел град во мрак: Невреме го покоси Хјустон, најмалку четворица загинати

Четири лица загинаа во силно невреме во градот Хјустон во американската сојузна држава Тексас.

Две лица загинаа кога врз нив паднаа дрвја, кои беа соборени од ветрот, кој за време на невремето достигна брзина и до 160 километри на час, пренесува АП.

Без струја останаа околу 870.000 потрошувачи. Невремето собори дрвја и искрши прозорци на високи згради, а локалните власти ги повикаа жителите да останат внатре.

Голем дел од центарот на Хјустон и неговата комерцијална област беа покриени со урнати далноводи и стакло од скршените прозорци по невремето, а сообраќајот и уличните светла беа исклучени низ градот, рече градоначалникот Џон Витмајер во интервју за локалната телевизија.

Зборувајќи од центарот за итни операции во градот, Витмајер рече дека невремето го погодило Хјустон, на брегот на Персискиот залив во југоисточната американска држава Тексас и најнаселен урбан центар во државата, со ветрови од 129-161 километар на час.

Регион

Анкети во Грција: Предност на Нова демократија во пресрет на европските избори

Споредбено со европските избори во 2019 година, кога, Нова демократија победи со 33 отсто, СИРИЗА беше втора со 23,7 проценти, а ПАСОК освои 7,7 отсто, сега, првите две партии се со намален рејтинг, додека третата партија е во подобра позиција.

Меѓу 25 и 26,5 отсто е рејтингот на грчката владејачка партија Нова демократија во пресрет на европските избори на 9 јуни и е стабилна на првата позиција, со предност од 13 до 15 проценти пред опозициската СИРИЗА, според истражувањата на јавното мислење во Грција, спроведени од агенциите „MRB“ и „Pulse“ за грчките телевизии „Опен“ и „Скај“, јави дописничката на МИА од Атина.

Споредбено со европските избори во 2019 година, кога, Нова демократија победи со 33 отсто, СИРИЗА беше втора со 23,7 проценти, а ПАСОК освои 7,7 отсто, сега, првите две партии се со намален рејтинг, додека третата партија е во подобра позиција.

На прашањето дали ќе гласаат на евроизборите, 74 отсто од анкетираните на едната и 83,5 проценти од другата анкета одговориле позитивно.

Анкетата на „Pulse“ за „Скај“ била спроведена помеѓу 13 и 15 мај 2024 година со учество на 1.104 гласачи, додека пак истражувањето на „MRB“ за „Опен“ од 10 до 14 мај со анкетирани 1.100 лица.

Македонија

Полската армија нуди летни кампови како алтернативна сезонска работа

 Војската на Полска ја проширува доброволната програма за воена обука за граѓаните и воведува летни кампови, со цел да регрутира војници со скратено работно време во неизвесните времиња по руската инвазија врз Украина.

- Првпат летово стартува програмата наречена „Одмор со армијата“, соопшти полското Министерство за одбрана.

Мажите и жените на возраст од 18 до 35 години, кои имаат полско државјанство можат да се пријават за 27 дена основна воена обука во една од 70-те воени бази, за што ќе добијат плата од 1.520 долари.

- Понудата првенствено е наменета за матуранти, но и за студенти и лица кои бараат работа за време на празниците. Воениот рок може да стане алтернатива на сезонската работа, се наведува во соопштението.

Обуката ќе се состои од гаѓање, ориентација на терен, блиска борба, ракување со радиоопрема и воени возила.

Граѓаните кои ќе ја завршат програмата можат да одлучат дали ќе станат професионални или резервни војници или членови на волонтерски единици за национална безбедност.

Понудата е дел од проширувањето на еднодневните цивилни курсеви кои се организираат од 2022 година под името „Тренирај со армијата“ и се многу популарни.

притисни ентер