Грчки пилот призна дека убил млада Британка: Ме удри и ми рече дека ќе ме остави (ВИДЕО)

Сопругот на млада Британка, која наводно била убиена при грабеж во нивниот грчки дом и чие тело било пронајдено покрај нејзиното бебе, го признал злосторството, објави грчката полиција.

Бабис Анагностопулос, 32-годишен пилот, со полициски хеликоптер вчера бил пренесен во Атина од островот Алонисос, каде бил на погребот на неговата сопруга Каролин Крауч, пишува Гардијан.

Анагностопулос признал сè неколку часа подоцна, објави полицијата на Твитер.

32-годишникот им рекол на истражителите дека ја убил неговата сопруга по расправијата во која таа се заканувала дека ќе го остави и ќе го однесе нивното дете.

"Се расправавме таа вечер. Во еден момент таа го фрли детето во креветчето и ми рече да излезам од куќата. Ме турна и ме удри. Ми се затемни, ја убив и потоа наместив да изгледа како грабеж ", им рекол тој на полициските истражители.

Тој претходно тврдел дека неговата сопруга е убиена од разбојници кои упаднале во нивниот дом на 11 мај во предградие северо-источно од Атина. 20-годишната Каролин Крауч била пронајдена мртва на таванот. Била задушена на креветот покрај 11-месечното девојче. Детето не е повредено.

Полицијата понудила награда од 300.000 евра за информации за злосторството. Грчкиот министер за полиција Михалис Хрисохоидис по убиството изјавил дека е шокиран од варварското злосторство.

Анагностопулос претходно тврдел дека тројца мажи упаднале во куќата, го врзале и ја убиле неговата сопруга пред да побегнат со 15.000 евра во кеш и други скапоцености.

Разбојниците го убиле и семејното куче, тврел тој.

Полицијата не успеала да пронајде трага од разбојниците кои наводно го извршиле злосторството, пренесоа грчките медиуми.

Фото: Адријана Лима позира гола под месечевата светлина

Бразилската манекенка Адријана Лима објави нова фотографија на Инстаграм на која позира целосно гола.

Славната манекенка го покажа своето совршено тело позирајќи гола на месечевата светлина.

-Кога ќе се сретнат двете Месечини, напиша Адријана во описот на објавата.

Иако манекенката минатиот месец наполни 40 години, се уште изгледа феноменално и не покажува знаци на стареење.

Фото: Ѓоковиќ со белгиските гимнастичарки стана хит на интернет

Новак Ѓоковиќ повторно воодушеви бројни фанови на спортот ширум светот, неговиот ведар дух и дружељубивост секогаш се препознаваат.

Овој пат тој влегол на тренинг од олимписки гимнастичарки и им се придружил.

На интернет стана хит фотографијата која на својот Инстаграм профил ја објави белгиската олимписка гимнастичарка Нина Дерваел.

На фотографијата Нина вежба пред натпреварот а во изведувањето на шпага и се придружил и Новак Ѓокович и уште некои белгиски натпреварувачки.

„Кога Новак Ѓоковиќ ќе те замоли за фотографија, едноставно не можеш да одбиеш“, напиша Нина во описот на фотографијата.

Насмевнатиот Ѓоковиќ со шпагата ги освои срцата на фановите на белгиската натпреварувачка, а објавата е преполна со позитивни реакции.

Видео: Американски пожарникари возат низ голем пожар

Шумските пожари и понатаму беснеат на западот од САД.

Се бележат рекордни теператури, многу граѓани морале да ги напуштат своите домови, а пожарникарите се борат против пожарите во екстремни услови.

Двајца пожарникари загинале во пад на авион. На северот од Невада, недалеку од границата со Калифорнија, дошло до масовна евакуација поради избивање на пожар предизвикан од гром. Еден пожар создал голем облак од чад и пепел кој во комбинација со временските услови создал сопствени молњи.

Во Орегон пожарот зафаќа површина од 311 километри квадратни.

Пожарникарите објавија снимка од возење во сред пожар. Погледнете ја:

притисни ентер