Грчката Влада го презентираше оперативниот план за целосна примена на забраната за продажба на тутунски производи и алкохол на малолетници - Канал 5

Балкан

Грчката Влада го презентираше оперативниот план за целосна примена на забраната за продажба на тутунски производи и алкохол на малолетници

Новата рамка на грчката Влада се базира на пет главни оски.

Грчката Влада го презентираше оперативниот план за целосна примена на забраната за продажба на тутунски производи и алкохол на малолетници

Оперативниот план за целосна примена на забраната за продажба на тутунски производи и алкохол на малолетници во Грција , што вклучува нови дигитални алатки најавени пред четири месеци, денеска беше детално соопштени и објаснети од надлежните грчки министри, јави дописничката на МИА од Атина.

Грчката Влада на крајот на ноември минатата година на состанокот што го свика премиерот на Кирјакос Мицотакис, како што тогаш објави МИА, ги презентираше трите нови дигитални алатки, односно електронски регистар за приватни настани, забави, матурски прослави итн., со планирано присуство на малолетни лица; електронски регистар за контрола на продажба на тутунски производи и алкохол, како и безбеден механизам за проверка на реалната возраста на купувачите на конкретните производи.

Овие дигитални алатки се за зголемување на ефикасноста на контролите за забраната за продажба на алкохолни пијалаци и тутунски производи на малолетници.

Како што беше истакнато на денешната прес-конференција на министрите за здравство, за заштита на граѓаните и за дигитално управување, продажбата, давањето или нудењето тутун и алкохол на малолетници претставува кривично дело, додека пак прекршоците се казнуваат со затвор до три години и со парична казна.

Главната цел на новата институционална рамка е заштита на малолетниците, спречување на зависноста на млада возраст, зајакнување на транспарентноста и надзорот на пазарот, поефикасно спроведување на законодавството и усогласување на земјата со националните и европските стратегии за јавно здравје.

Новата рамка на грчката Влада се базира на пет главни оски: превенција и заштита на малолетниците, зајакнување на надзорот на пазарот, регулирање на новите никотински производи, создавање дигитален регистар за контрола и зајакнување на контролните механизми и санкциите.

Според надлежните министри, согласно оперативниот план, целосно се забранува продажба на тутунски производи и алкохол на малолетни лица, а продавачот е одговорен за проверка на возраста на купувачот, додека пак во случај купувачот да не покаже доказ за возраста, тогаш се забранува продажбата.

Верификација и проверка на возраста на оној што сака да купи тутунски производи или алкохол од продавница, ќе се врши со скенирање на QR-код од веќе постоечката апликација за деца „KidsWallet“ и преку владиниот сајт Гов.

Паралелно се воведува електронски регистар за контрола на тутунски производи и алкохол (alto.gov.gr), при што секоја продавница што продава такви производи ќе треба задолжително да се регистрира и да ги пријави категориите на производи што ги нуди, со што ќе бидат регистрирани сите продажни точки во земјата за полесни контроли.

Дополнително, со оглед на тоа што со постоечкиот закон забранет е влез на малолетни лица во барови и ноќни клубови, за приватни настани, се воведува електронски регистар (events.gov.gr), преку кој бизнисите -организатори, доколку планираат присуство на малолетници ќе мора претходно да го пријавуваат типот на настан, односно дали станува збир за матурска прослава, забава и сл. заедно со датумот на одржување.

Новата законска рамка ги регулира и електричните производи без тутун, никотинските производи и никотинските кесички, а и за овие производи постои забрана за продажба на малолетни лица.

Министерот за здравство на Грција Адонис Георгиадис рече дека како држава, преземаат одговорност за создавање „строг, но правичен систем што значително ќе го ограничи пристапот на младите до тутунски производи и алкохол, заштитувајќи ја новата генерација од ризици што го загрозуваат нивното здравје и развој“.

- Со новата законска рамка воведуваме јасни правила, ги засилуваме контролите и за првпат во толку широк обем ги користиме можностите на технологијата. Дигиталната проверка на возраст и Дигиталниот регистар за контрола претставуваат клучни алатки што обезбедуваат транспарентност, одговорност и ефикасност, посочи Георгиадис.

Министерот за заштита на граѓаните Михалис Хрисохоидис објасни дека со примената на новиот закон од 7 јули 2025 година до 5 март 2026 година, полициските служби спровеле 82.094 контроли, при што биле уапсени 313 лица и покренати 433 предмети.

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Извештајот на ЕП го посочува странското мешање во Македонија, руското, српско и кинеско влијание

Европскиот парламент во својот извештај за Македонија јасно и недвосмислено укажува на сериозни ризици од странско мешање и влијание кое директно го загрозува европскиот пат на државата.

СДСМ: Извештајот на ЕП го посочува странското мешање во Македонија, руското, српско и кинеско влијание

СДСМ навреме предупредуваше и гласно зборуваше за овие ризици а очигледно е дека ситуацијата е многу посериозна.

Во извештајот се нагласуваат руските напори за проектирање влијание, кинеското економско и политичко влијание, како и растечките врски со Србија која спроведува илиберална агенда во регионот.

Европратениците изразуваат загриженост од регионалните наративи и влијанието на „српскиот свет“ кое е насочено против европската ориентација на Македонија.

Ова не е прв пат Европскиот парламент да укажува на овие опасности.

Но, ова е прв пат кога ваквите предупредувања доаѓаат во момент кога Владата на Христијан Мицкоски отворено ја копира политиката на Вучиќ и „српскиот свет“ и во реторика, и во наратив, и во политичкиот модел.

Додека Мицкоски и ВМРО секојдневно го туркаат антиевропскиот наратив, го навредуваат секој што се залага за ЕУ и ја блокираат европската иднина на граѓаните, Европскиот парламент јасно порачува дека странското мешање - руско, кинеско и преку регионални актери, станува сериозна закана за Македонија.

Наместо да се бори против овие влијанија, Владата на Мицкоски активно учествува во нивното ширење.

Наместо да ја зајакнува отпорноста на државата, ја слабее преку политички прогон, контрола на медиуми и откажување од реформи.

Европскиот парламент го кажа она што граѓаните го чувствуваат секој ден.

Македонија е изложена на странско влијание, а Владата на Мицкоски не само што не го спречува, туку активно придонесува за него.

СДСМ останува јасно и доследно на страната на европскиот пат, на владеењето на правото и на отпорноста од секое странско мешање - било тоа руско, кинеско или регионално.

Граѓаните заслужуваат Македонија да биде дел од Европа, а не заложник на туѓи интереси и туѓи наративи.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Менуваме“ со кривична приајва до ОЈО за Министерството за социјална политика

Коалицијата „Менуваме“ со апел да се разгледа според нив незаконското намалување на работното време на услугите за лична асистенција за лицата со  попреченост, издавањето лиценци со кршење на законските процедури.

„Менуваме“ со кривична приајва до ОЈО за Министерството за социјална политика

Коалицијата „Менуваме“ поднесе кривична приајва до ОЈО за Министерството за социјална политика.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Доделена е наградата „Ванѓа Чашуле“ за најдобар превод од шпански или од португалски јазик

Доделена е наградата „Ванѓа Чашуле“ за најдобар превод од шпански или од португалски јазик за годините 2024 и 2025 година.

Доделена е наградата „Ванѓа Чашуле“ за најдобар превод од шпански или од португалски јазик

Оваа година, наградата за книжевен превод „Ванѓа Чашуле“ се доделува третпат по нејзиното возобновување во 2023 година, на иницијатива на семејството, по повод 40- годишнината од смртта на Ванѓа Чашуле (1923–1986), една од првите преведувачки од шпански и првата од португалски на македонски јазик, во чиј опус се дела од повеќе познати автори меѓу кои се истакнуваат „Сто години самотија“ од Габриел Гарсија Маркес, „Сребре и јас“ од Хуан Рамон Хименес и „ Габриела, каранфил и канела“ од Жорже Амадо.

Комисијата во состав: академик Илија Чашуле (организатор на наградата, лингвист и книжевен преведувач), Игор Поповски (претседател на комисијата, книжевен истражувач и преведувач), Лилјана Митковска (член на комисијата, професор и лингвист) и Виолета Јагев (член на комисијата и книжевен преведувач, добитник на наградата), разгледуваше преводи од шпански и од португалски јазик објавени во 2024 и 2025 година, а од преведувачи што досега не ја добиле оваа престижна преведувачка награда.

Комисијата едногласно одлучи наградата „Ванѓа Чашуле“ за 2024 и 2025 година да му ја додели на преведувачот Ненад Трповски за неговиот превод од португалски на македонски јазик на делото „Книга“ од современиот португалски писател Жозе Луиш Пејшото, во издание на „Антолог“ од 2024 година. Изворниот наслов на книгата гласи

„Livro“ и е првообјавена во Португалија во 2010 година. Комисијата смета дека преводот мошне успешно ги пренесува јазичните и стилските особености на овој метафикциски роман, задржувајќи го богатството на авторовиот израз и сложената наративна структура.

Со внимателно избрани реченични и лексички решенија, преведувачот природно го воведува македонскиот читател во светот на делото, така што книгата се чита како да е изворно напишана на македонски јазик – одлика на секој врвен превод.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер