Македонија

Граѓаните со одобрување на идеата Дебар маало да се затвори за сообраќај за време на викендите

Дебармаалските улици за време на викендите речиси и да не се проодни.

Непрописно паркираните возила покрај локалите, тротоарите или велосипедските патеки содаваат редици возила кои едвај се разминуваат. Ваква беше сликата и вчера, речиси пред полноќ кога сите кафулиња и ресторани се полни со посетители. Автомобили со часови вртеа кругови низ улиците каде што има голем број угостителски објекти.

Како можно решение за ваквиот сообраќаен хаос и претварање на Дебар Маало во пешачка зона со почист воздух, општина Центар размислува за воведување на нов сообраќаен режим, односно да се ограничи движењето на возилата за време на викендите. Првичната идеја предвидува органичување на сообраќајот од петок од 18 часот, па се до понеделник до 6 часот наутро.

Со овој проект се очекува гужвите во Дебар Маало да станат минато, со тоа што паркингот за резидентите ќе биде регулиран со специјални картички, а за останатите би бил ограничен на 15 минути..

Сепак, градоначалникот на Центар Горан Герасимовски за Канал 5 објаснува дека станува збор за стар проект кој не бил остварен во минатото, а сега општината планира да го ревидира.

Пилот-проектот вели првично потребно е да биде доставен и одобрен и од Градот и СВР Скопје, а потоа ќе бидат прецизирани и финалните детали и временската рамка во која би се реализирал..

-Тоа е проект кој што во минатото бил одпочнат и предлаган. Целосно се ревидира,а тоа е целосно затварање на Дебар Маало, сите 6 влезови. Во моментов истиот како што кажав го ревидираме, ќе имаме неколку состаноци и со Град Скопје, но и со сообраќајна полиција поради тоа што тоа се институциите кои што треба да дадат зелено светло за да го реализираме целиот овој проект. Јас имав средба со СВР Скопје на која што ја дадов предлог идеата, првично е прифатена, но истата мора да се разработи,- Горан Герасимовски – градоначалник на Општина Центар.

При подготовката на самиот проект Герасимовски вели дека ќе бидат слушнати и импелентирани мислењата на граѓаните. Оние кои ги анкетиравме даваат целосна подршка за негова реалицација.

Со овој пилот-проект Дебар Маало неколку месеци првично ќе стане тест-зона за овој начин на сообраќаен режим, а доколку се покаже како успешен Герасимовски смета дека треба да претставува трајно решение, а понатаму да се применува и на други фрекфентни локации низ општината.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Елмас: Тешко е да се збори, заслужено победи Шкотска

Македонската фудбалска репрезентација претрпе нов пораз во Лигата на нации, откако загуби од селекцијата на Шкотска со 0-2 на домашен терен.

Гостите покажаа поголема решителност во завршницата, додека нашата репрезентација и по три одиграни кола останува без постигнат погодок.

-Тешко е да се збори, заслужено победи Шкотска, многу тежок момент, на сите играчи им е тешко и на мене. Треба да научиме од оваа ситуација. Мораме да се кренеме од ова, изјави Елиф Елмас

-Примивме многу рано гол, мислам дека тоа беше еден од кличните моменти. Требаше да ја држиме повеќе топката и да ги тераме да трчаат- вели Бојан Миовски.

Тагови: ФФМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Чилиманов: Додека преспанските овоштари ги бројат загубите, Владата нема ниту план ниту решение за нивниот опстанок!

Ресен и Преспанскиот регион повторно се соочуваат со земјоделска неизвесност.

Индустриското јаболко се откупува за само 4 денари за килограм, додека производствените трошоци надминуваат 10 денари по килограм. Тоа веќе не е земјоделство, туку принудна работа со однапред пресметана загуба.

„Апсурдот станува уште поголем кога ќе се земат предвид трошоците за бербата. За една дневница од околу 3.000 денари, овоштарот треба да продаде дури 750 килограми индустриски јаболка, без да ги пресмета горивото, ѓубривата, средствата за заштита на насадот и целогодишниот труд. Владата не може повеќе да се крие зад пазарните услови и да се однесува како да нема никаква одговорност кон производителите на јаболка. Нејзина обврска е да создава услови за одржливо производство, фер пазар и навремена поддршка на домашните земјоделци“, вели во својата изјава Илија Чилиманов, правен експерт и член на ИО на Либерално-демократската партија (ЛДП).

За подобрување на условите, Чилиманов од надлежните побара носење на итни и конкретни мерки:

- Итна финансиска поддршка за производителите на индустриско јаболко, со цел да се намали јазот меѓу производната и откупната цена.

- Навремена исплата на сите заостанати субвенции, без дополнителни административни одолговлекувања.

- Транспарентен систем на откупни цени и јавно објавување на понудите од откупувачите.

- Поддршка за преработувачките капацитети и домашната индустрија, за производството да добива дополнителна вредност во Македонија.

- Долгорочна стратегија за овоштарството, со посебен акцент на Преспанскиот регион и на заштитата на малите и средните земјоделски стопанства.

„Земјоделците не бараат милостина и сожалување. Тие бараат фер услови за сопствениот труд и можност да живеат од својата работа. Доколку Владата не може да го заштити домашното производство, тогаш во истиот момент да престане да зборува за економски развој и рекорден раст, бидејќи цели земјоделски региони се борат за гол опстанок“, посочува Чилиманов.

На земјоделците од Преспанскиот регион не им требаат празни ветувања и фотографирања со гајби јаболка. Нив им требаат конкретни реформи, инвестиции и институции кои што ќе ги заштитат.

„Крајно време е земјоделците да престанат да бидат последната алка во синџирот и конечно, да станат рамноправни економски партнери. ЛДП останува на страната на производителите на јаболко и ги поддржува сите нивни организирани активности за остварување на нивните права, вклучително и обезбедување на бесплатна правна помош“, заклучува Чилиманов во својата изјава.

ЛДП

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Битола: Под рефлектори и спортските терени во ОУ „Гоце Делчев“

Осветлени и спортските терени во објектот на училиштето „Гоце Делчев“ познато во јавноста како турското училиште.

Училишниот објект доби два спортски терени, едниот терен за ракомет и мал фудбал, а другиот за кошарка.

Под асфалтна површина се 837 м2, а спортските игралишта имаат тартан подлога.

Терените се опремени со реквизити, урбана опрема, а проектот предвидува и зелени површини, површини под бехатон плочки. Деновиве и рефлекторите ги осветлија терените.

Средствата за изградба на овие терени се од вториот владин повик, преку министерството за образование и наука, а вредноста на договорот е 7.497.068 денари.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.