Македонија

Граѓаните се жалат на големи дупки на скопските улици и булевари

Изгребен стар асфалт, на нов се чека. Дупки на секој чекор, шахти високо подигнати за кои треба добро управување на автомобилот ако не сакате да го оштетите.

Ова е сликата на дел од главните и споредни улици низ македонската метропола.

Голем дел од граѓаните реагираат за како што велат, лошата состојба во која се наоѓаат улиците. Велат, поради таквата слика, честопати ги оштетуваат своите автомобили.

Улицата 808, која пак се реновираше пред две години, е посебен предизвик за луѓето кои циркулираат во овој дел на Автокоманда, каде има повеќе приватни фирми и претрпијатија.

Цели кратери откорнат асфалт, и шахти високи неколку сантиметри, поради кои мора внимателно да се движите. Од тешки товарни возила, до автомобили – сите делат иста мака.

Неколку стотина метри по оваа улица, на местото каде што има знаци поради реновирање, поставена е гума – за предупредување дека тука има отворена шахта.

Ништо подобра не е сликата на булеварот Александар Македонски, каде секојдневно сообраќаат илјадници возила.

Вака изгледа дел од булеварот Александар Македонски во Автокоманда. Крпениците на повеќе места и одронатиот асфалт претставуваат опасност за сите учесници во сообраќајот.

Иако се обидуваат, луѓето тешко можат да ги избегнат нерамнините на асфалтот по овој булевар на влезот на Скопје.

Надлежноста за одржување на дел од булеварите и улиците ја има ЈП „Улици и патишта“ во соработка со Град Скопје. Иако испративме прашања зошто во ваква состојба се улиците, до ова информативно издание не добивме одговор.

Регион

Турција побара објаснување од Грција за навредливите пароли на воената парада

Турција вчера официјално побара објаснување од Грција во врска со паролите што биле извикувани од припадници на грчките вооружени сили за време на воената парада во Атина.

Турција вчера официјално побара објаснување од Грција во врска со паролите што биле извикувани од припадници на грчките вооружени сили за време на воената парада во Атина, оценувајќи ги како „навредливи“, пренесуваат дипломатски извори од турското Министерство за надворешни работи.

Според истите извори, Анкара го смета инцидентот за неприфатлив обид да се нарушат турско-грчките односи, јави денеска Анадолија.

Грчките медиуми јавуваат дека Министерството за одбрана на Грција веднаш реагирало, а Командата на морнарицата покренала дисциплинска истрага за случајот, откако во јавноста се појавиле снимки на кои некои припадници на вооружените сили упатуваат навреди кон Турција и кипарските Турци.

Грчката опозициска партија СИРИЗА го осуди инцидентот, нарекувајќи го неприфатлив, и побара темелна истрага за одговорноста.

Свет

Трамп: Мислам дека Русија сака крај на војната, но можно е да одолговлекува

Можно е Русија и Путин да одолговлекуваат со мировниот договор – вели американскиот претседател Доналд Трамп прашан за тридневната шатл дипломатија во Саудиска Арабија и договорот за примирје во Црното Море меѓу САД, Русија и Украина.

Постигнатиот договор предвидува сигурна пловидба на трговски бродови кои не смеат да се користат за воени цели, како и воздржување од употреба на сила. Белата Куќа исто така објави и дека по преговорите САД ќе помогне да се врати рускиот пристап до светскиот пазар за земјоделски производи и ѓубрива. Сепак, и покрај умерениот скептицизам, Трамп изрази надеж дека и Русија и Украина би сакале да стават крај на војната.

-Mислам дека Русија сака да го види крајот (на војната) но, можно е да одолговлекува. Сум го правел и јас тоа низ годините, не сум сакал да потпишам договор, знаете сакам да останам во играта, но можеби не сакам да го направам тоа, не сум сигурен. Но, мислам дека Русија би сакал да се стави крај (на војната) и мислам дека Зеленски би сакал да заврши во овој момент. - Доналд Трамп – Претседател на САД

Сепак, Русија останува скептична, а министерот за надворешни работи Сергеј Лавров инсистира дека само директна наредба од Вашингтон може да гарантира усогласеност на Киев. Во меѓувреме, украинскиот претседател Зеленски ја потврди посветеноста на Киев, но предупреди дека ако има нови воени активности во Црното море, тогаш неговата земја ќе преземе дополнителни мерки.

-Како Русија ќе се однесува во наредните денови ќе открие многу, ако не и сè. Ако повторно има предупредувања за воздушен напад, ако има обновени воени активности во Црното Море, ако продолжат руските манипулации и закани - тогаш ќе треба да се преземат нови мерки, особено против Москва.- Володимир Зеленски – Претседател на Украина

-Ќе ни бидат потребни јасни гаранции, и можеби ќе има гаранции, земајќи ги предвид тажните искуства од договорите со Киев. Гаранциите би можеле да се остварат само со директна наредба од Вашингтон кон Зеленски и неговиот тим да го направат тоа и тоа и никако поинаку. И мислам дека нашите американски партнери го примија тој наш сигнал. - Сергеј Лавров – Министер за надворешни работи

Во меѓувреме, Зеленски вечерва ќе се сретне со неговиот француски колега Макрон во Париз, во пресрет на самитот посветен за Украина.

Македонија

МАНУ со едноминутно молчење за настраданите во Кочани го почна годишното собрание

Во МАНУ академиците никогаш не се прашувале за нивната етничка припадност, вели Попов.

„Партизацијата во институциите и децениското невладеење на правото и коруптивноста на системот доведоа до девастирана држава со нефункционални институции“, изјави претседателот на МАНУ Живко Попов на денешното годишно собрание, кое почна со едноминутно молчење во чест на трагично загинатите во несреќата во Кочани

Во овие моменти на длабока тага, сепак, има и нешто светло, а тоа е навремената и компетентна реакција на здравствениот систем и државните институции, пред се МВР и јавното обвинителство, кои покажаа дека во тешки, кризни моменти сепак имаат капацитет да реагираат соодветно, истакна Попов. Првиот човек на МАНУ најави повеќе приоритетни проекти во повеќе сфери а најави и конкурс за нови членови на академијата, според универзално признати критериуми. Тој ги повика заинтересираните кандидати од сите етнички заедници да се пријават.