Власта и опозицијата продолжуваат со партиската преписка околу за македонското знаме кое се појави како дел од сценографијата на прославата за 35-годишнината од независноста на Македонија пред два дена во Охрид, а кое наместо официјалните осум имаше дванаесет краци.

Од СДСМ денеска прашуваат кој ќе сноси одговорност за, како што велат, промашеното знаме и понижувањето на државниот симбол.

- И наместо да кажат кој е одговорен, наместо да објаснат колку пари чини ова понижување, и наместо да што е најважно да им се извинат на граѓаните што ги понижија нивните чувства, вчера се обидоа со едно таргикомично објаснување да се оправдаат дека всушност тоа што го видовме со така нареченото македонско знаме било, верувале или не, „уметничка инсталација“. Значи за Мицкоски, за ВМРО, за Владата, државното знаме не е свет државен симбол, туку е цитирам „уметничка инсталација“. За срамната прослава со понижување на македонските државни симболи за знамето, законот јасно предвидува санкција,- -Андреј Жерновски – СДСМ.

СДСМ единствено што сака е да и наштети на Македонија, реагираат од ВМРО-ДПМНЕ. Од владејачката партија повторија дека повеќекракото знаме било уметничка инсталација, а опозицијата, како што велат, е против прославата на независноста и доброто на државата.

-Последен пример за напад кон Владата предводена од ВМРО-ДПМНЕ, од страна на талогот е уметничката инсталација за 35 години независност на Македонија, на која што се прикажува рефлексија на сонцето. Им пречи македонштината, им пречи историјата, им пречи убавината. Им пречи тоа што наши македонски изведувачи, актери и пејачи, ја шират македонската приказна, ги цитираат стиховите на Рацин, на Конески. Им пречи што се пеат стари народни македонски песни. Им пречи тоа што веќе нема поделби, реагира портпаролот на ВМРО-ДПМНЕ, Манасиевски.

Со реакција се огласија и опозициската ДУИ... забележуваат дека во одбележувањето на независноста недостигаат клучни историски моменти, како членството во НАТО, првата меѓувладина конференција со ЕУ и Охридскиот рамковен договор. Од партијата на Али Ахмети реагираат дека Владата ги исклучила Албанците и албанскиот јазик од промотивните материјали за прославата.

- Овој спот, всушност, е најточната фотографија на оваа Влада: Влада на исклучување. Албанците можеби ги има на списокот на министри, но ги нема во приказната на државата., стои во соопштението од ДУИ.

Инаку, караванот наречен „Силно светнал ден“ денеска е во Битола, а утре ќе пристигне и во Велес, и во следните недели ќе помине низ десетина градови, а ќе кулимира на 4 септември на плоштадот Македонија во СКопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Скопје е близу, но и далеку од „црвениот аларм“ што вклучува ослободување од работа за најризичните групи на граѓани, бидејќи од четврток се прогнозираат пониски температури, а според акцискиот план на Министерстото за здравство за месец август тој ќе се вклучи доколку два последнователни дена температурата е 40 степени Целзиусови.

Синоптичарите велат дека иако се чини дека топлотниот бран нема крај, односно трае континуирано од пред почетокот на август, или околу петнаесетина дена, од четврток, особено петок се очекува да здивнеме од екстремните жештини. Сепак, тоа ќе биде кратко бидејќи од наредната недела температурите повторно ќе бидат во пораст.

Топлотниот бран зема данок во однос на здравјето на граѓаните бидејќи статистички, според повиците на Итна помош, во просек деновиве имало 5 до 6 колапси на улица, исто толку сообраќајки со возила, зачестени се и незгодите со мотори во кои за жал има и жртви. А, не изостануваат ни секојневните мозочни удари, велат од Итната медицинска помош.

-Зголемен број на интервенции има во нашата служба. Имаме колапси на јавно место, на дневно ниво 5 до 6 колапси, тоа се граѓани кои се претпоставува дека не ги почитувале препораките. Впечатливо е тоа што имаме зголемен број на сообраќајни незгоди, со моторциклисти имаме два до 3 повици за незгоди со моторциклист, а останатите во просек 5 до 6 сообраќајки со моторни возила.

Мозочни удари од типот на инхемични, каде што имаме тромп, а не се изклучени и мозочни крварења кои се доста чести овие денови,- д-р Маргарета Атанасовска Трипуновска – Итна медицинска помош.

Препораките остануваат исти, да не се изглегува кога е најтопло ако не мора, а ако е нешто неодложно да се носи лесна и светла облека, да се пие вода дури и кога не се чувстува жед.

Од климатизирани простории да излегува постепено и да не се прават огромни разлики во температурите внатре и надвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Се бројат часови кога треба да се објават резултатите што треба да ги потврдат последните две испитувања дека водата од чешма може да се пие. Канал 5 дознава дека веќе од четврток граѓаните на Гостивар може да пијат вода.

„Се очекуваат да бидат во среда, значи утре после пладне и најверојтно во четвтрок ќе имаме соопштение од централниот кризен штаб како да се постапи со водата понатака“. 00.52 „Од претходните денови водата микробиолошки тестови беа чисти и дадена е наредба до јавното претпријатие комуналец да ја намали количината на разредениот хлор во водата. И во услови на намалена количина на хлорот двете мерења беа добри, што значи количината на хлорот е во рамките на дозволените количини. Зуди Џелили Кризен штаб Гостивар.

Од кризиниот штав потенцираат граѓаните да не брзаат денеска и утре се додека не добијат зелено светло од институтот за јавно здравје и агнецијата за храна дека водата е со добар квалитет за пиење. Проверките ќе продолжат и во наредниот период како и подоборување на квантитетот на водата во места каде притисокот на водата е многу слаб, објаснуваат од кризниот штаб во Гостивар.

„Ќе се презмеат сите непоходни мерки за да понатака имаме цело време чиста и квалитетна вода, од друга страна се работи да се зголеми кванитиетот на водата, еден резервоар што е во село Бањица да се пушти во употреба за да може да ги снабди четири до пет населени места кои имат мал притисок на вода“, изјави Зуди Џелили Кризен штаб Гостивар.

Кризата со водата во Гостивар е повеќе од еден месец каде над три илјади жители имаа здравствени проблеми заради загадување на водата за пиење.

Артана Асани, Леон Уредини и Вадедин Дервиши кои беа на раководни позиции во јавното претпријатие Комуналец добија 30 дневен притвор под сомнеини дека со одредени дејствија поврзани со системот за водоснабудвање во Гостивар овозможиле мешање на загадена вода со водата од системот за пиење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.