Голем пад на цените на нафтата на светските берзи - Канал 5

Голем пад на цените на нафтата на светските берзи

Цените на нафтата паднаа под 76 долари на меѓународните берзи, бидејќи загриженоста за побарувачката ги засени ескалацијата на тензиите на Блискиот Исток и најавата за намалено производство во Либија.

Голем пад на цените на нафтата на светските берзи

Да потсетиме, пред пет дена цената на нафтата беше над 80 долари.

На лондонската берза цената на барелот по пладне беше пониска за 41 цент отколку на затворањето на тргувањето вчера и изнесуваше 75,89 долари. Речиси за исто толку барелот поевтини на американскиот пазар каде се тргуваше за 72,51 долар.

На крајот на минатата недела, нафтените пазари драстично паднаа поради олабавувањето на вработеноста во САД.

Американските работодавци отвориле само 114 илјади нови работни места во јули, што е речиси половина помалку од месечниот просек пред 12 месеци, објави во петокот Министерството за труд. Стапката на невработеност се зголеми за 0,2 процентни поени во однос на јуни, на 4,3 отсто, што сигнализира послаба побарувачка за работна сила и зголемен ризик од рецесија.

Во таков амбиент, цените на нафтата во Лондон го завршија тргувањето во петокот со загуба од 2,71 долари, а во САД со 2,79 долари.

Вчера цените паднаа за уште половина долар, бидејќи превирањата на пазарите на акции ги засенија нервите поради тензиите на Блискиот Исток.

Иран го објави својот одговор на убиството на палестинскиот функционер на Хамас во Техеран, обвинувајќи го Израел. Тел Авив нагласи дека нема да ја запре воената операција во окупираниот палестински Појас Газа додека не го уништи Хамас. Неколку часа пред убиството на Исмаил Ханија, Израел објави дека го убил воениот претставник на либанската Хезболах, Фуад Шукр.

Тензиите се засилени со нападот врз воена база во Ирак во понеделникот, во кој беа ранети најмалку пет американски војници, изјавија американски официјални лица за Ројтерс. Не е јасно дали нападот е поврзан со иранските и либанските најави за одговор на убиствата на официјални лица.

Денеска трговците повторно се фокусираа на побарувачката на нафта.

„Загриженоста за побарувачката е поизразена од минатиот петок поради послабите економски податоци од трите најважни изворни региони, САД, Кина и Европа“, објаснува Хари Тчилингвиријан од Onyx Capital Group.

Се чини дека долгоочекуваниот сезонски пораст на побарувачката во третиот квартал разочара. Потрошувачката на моторни горива како што се бензинот и дизелот е послаба од очекуваното на почетокот на кварталот“, додаде Тчилингвиријан.

Позначителен пад на цените беше запрен денеска со најавата на либиската национална нафтена корпорација дека поради протестите постепено ќе го намалува производството во нафтено поле Шарара со капацитет од 300.000 барели дневно.

Организацијата на земјите извознички на нафта (ОПЕК) одделно извести дека во понеделникот барел од нафтената кошничка на нејзините членки падна за 3,82 долари, на 75,03 долари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Претрес во тетовско, лишен од слобода 18-годишник поради сомнение за лажна дојава за бомба во гимназијата „Кирил Пејчиновиќ“ во Тетово

При претресот е пронајден и одземен еден мобилен телефон.

Претрес во тетовско, лишен од слобода 18-годишник поради сомнение за лажна дојава за бомба во гимназијата „Кирил Пејчиновиќ“ во Тетово

На 17.11.2026 во периодот од 05:45 до 07:25 часот, полициски службеници од Секторот за борба против тероризам, насилен екстремизам и радикализам при ОСОСК, во содејство со полициски службеници од Секторот за компјутерски криминал и Полициското одделение Жеровјане при СВР Тетово, извршиле претрес во дом и помошни простории кај А.Д.(18) во с.Радиовце, тетовско, поради сомнение за сторено кривично дело по член 366 од Кривичниот законик, односно за лажна дојава за бомба во општинското средно училиште - гимназија „Кирил Пејчиновиќ“ во Тетово.

При претресот е пронајден и одземен еден мобилен телефон, а А.Д. е лишен од слобода и задржан во полициска станица за понатамошна постапка. По целосно документирање на случајот ќе следува соодветна пријава

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Конститутивна седница во Српското собрание - почнува смената на власта

Со трескавични овации и со добро познатите слогани „Победа“ и „Пумпај“, стотици граѓани ја пречекаа новата власт во Српското собрание.

Конститутивна седница во Српското собрание - почнува смената на власта

140-те пратеници на Српската листа еден по еден како херои влегуваа во Законодавниот дом, каде што беше конституиран новиот состав на Парламентот.

А внатре, судир на две Србии, и кадровски и идеолошки. Од една страна, претставниците на студентите, луѓе без речиси никакво политичко искуство, но со убедливо мнозинство и импресивно образование. Доктори на науки, професори, но и адвокати, културни работници спортисти. Од другата страна, прв пат во опозиција по 14 години доминантна власт, Вучиќ и неговата Српска напредна партија, која уверува дека многу брзо ќе ги врати работите назад.

По верификувањето на мандатите, 250-те пратеници положија заклетва. Седницата ја водеше најстариот пратеник, Стојан Раденовиќ.

-Се обврзувам дека должноста народен пратеник ќе ја вршам посветено, чесно, совесно и верно на Уставот. Ќе ги бранам човечките и малцински права и граѓанските слободи. ,

Додека пратениците положуваа заклетва, пораките од надвор беа дека нема да им простат ако скршнат од ветувањата Србија да ја направат демократска и ослободена од корупција.

-Дојдовме да ги поздравиме нашите луѓе што народот ги избра и сите тие луѓе да бидат свесни дека ако не работат во интерес на граѓаните лесно ќе бидат заменети.

-Успеавме, за ова се боревме. Погледнете ги овие среќни луѓе додека некои треба да влегуваат од задната врата.

А, денот на токму на влезната врата почна тензично, кога пратеничката на Напредњаците, актерката Лидија Вукучевиќ беше полеана со јогурт.

-Немам зборови. Прво почнаа да ме влечат одзади, потоа почнаа да ме кубат за коса, па ме полеаваасо јогурт. Тоа е недопустливо за било кој поединец. , изјави Лидија Вукичевиќ, пратеничка на Српска напредна партија

-Вакво нешто никој никогаш не доживеал. Слободата ќе се врати во Србија многу брзо. , изјави Александар Вучиќ, поранешен претседател на Србија

Констуитутивната седница која ја одбележаа две долги паузи, треба да се заокружи со избор на претседател и потпретседатели на Собранието. Акредитирани се околу 200 новинари, а седницата организирано се следи ширум зејава – во амфитеатрите, рестораните, кафулињата..

-Очекувам новото собрание да работи како што треба да работи собрание на една нормална демократска држава., вели жителка на Белград.

-Прв пат доживеаме да не ја читаме историјата од книгите, туку сами да а пишувем и дека еден ден нашите деца и внуци ќе ја учат историјата што самите ја напишавме. , вели жителка на Белград.

Од денеска течат и законските 90 дена за избор на нова влада. Српската листа засега не го открива името на идниот премиер. Во јавноста досега се споменуваа неколку имиња, меѓу кои и на носителот на листата, кардиологот Илија Срдановиќ и на екс гувернерот на Народна банка, Дејан Шошкиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сашко Кедев ексклузивно за Канал 5 раскажува за планинарските подвизи кои го внесоа во Гинис

Тој на почетокот не бил свесен дека еден ден еден по еден врвовите ќе бидат искачени и со оглед на возста, но позитивно раскажува се е во подготврноста физичката, но и психичката. 

Сашко Кедев ексклузивно за Канал 5 раскажува за планинарските подвизи кои го внесоа во Гинис

Планинарот Сашко Кедев на 63 години и 14 дена го искачи последниот врв над осум илјади метри и е највозрасниот човек кој успеал да ги искачи и симне врвовите во зоната на смртта и сите највисоки врвови на седумтте континети, вака македонскиот каридолог е запишан во Гинисовата книга на рекорди. За професорот Кедев ова е затоврање на еден круг на патешествие и самиот денеска со велгувањето во Гинисовата книга на рекорди си го постаува прашањето „како е жив и излегол од одредени тешки предизвици“? Задодоволен што го има неговото име, но и тажен и празен што неговите водичи на сите патишта над осум илјади метри загинаа во лавина.

Тој на почетокот не бил свесен дека еден ден еден по еден врвоите ќе бидат искачени и со оглед на возста, но позитивно раскажува се е во подготврноста физичката, но и психичката. Кога искачувате се фокусирани на моментот, не мислите на се друго. така е и што да правите во животот потрено е трпение и мир.

Расположено раскажува дека кругот со над осум илјади метри е затворен, но сигурно ќе се врати во Непал. Во моментов е посветен во воведувањето на новините во кардиологијата и секако убаво кажаниот збор за здравјте и важноста. Заедно со неговиот тим и докторката Билјана Зафировска објавиле медицинско достигнување во признато списание.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер