Го оставате полначот вклучен во струја? Еве што може да се случи - Канал 5

Технологија

Го оставате полначот вклучен во струја? Еве што може да се случи

Дали постои полнач покрај вашиот кревет кој е секогаш вклучен во струја? Можеби треба да размислите да му дадете пауза.

Го оставате полначот вклучен во струја? Еве што може да се случи

„Вампирската потрошувачка“ е вистинска - ако го оставите полначот вклучен во струја, тој постојано ќе троши мала количина енергија. Дел од таа енергија се користи за напојување на контролните и заштитните кола, додека остатокот се губи како топлина.

Кога гледате само еден мал полнач, вампирската потрошувачка (исто така позната како „потрошувачка во мирување“) е занемарлива, но ако ги соберете сите полначи во вашиот дом, со текот на времето, изгубената енергија може да стане значајна.

Можеби ќе ве интересира: Кинеска компанија работи на батерија, што ќе трае 50 години- телефоните веќе нема да се полнат?

Оваа моќност не е ограничена само на полначите - други уреди, како телевизорите, исто така користат малку енергија додека се во мирување. Во зависност од тоа колку работи оставате вклучени, ова може да се собере до неколку киловат-часови во текот на една година.

За среќа, модерните полначи се дизајнирани да ја намалат оваа потрошувачка на енергија. Тие имаат паметни компоненти за управување со енергија кои ги одржуваат во режим на „спиење“ сè додека надворешен уред не почне да троши енергија.

Постојат и други ризици

Полначите се трошат со текот на времето додека струјата тече низ нив, особено кога напонот во мрежата привремено се искачува над дозволената вредност. Електричната мрежа е хаотична средина и од време на време се случуваат повремени скокови на напонот.

Доколку полначите се оставаат постојано вклучени значи дека тие се постојано изложени на овие настани, што го скратува нивниот животен век. Кај современите полначи, ова не е преголем проблем бидејќи имаат подобрен дизајн и заштита, но кај евтините, слабо тестирани, ова може да биде сериозен ризик. Имено, тие често немаат доволна заштита и можат да претставуваат опасност од пожар.

Иако современите полначи се генерално многу безбедни и трошат минимална енергија во режим на „мирување“, сепак треба да ги исклучите од ѕидот од време на време. Ако забележите дека полначот се загрева повеќе од вообичаеното, прави звуци или е физички оштетен, време е да го замените.

Извор: Б92

Тагови: полнач струха

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Нов напад врз меѓународниот аеродром „Крал Халид“ во Ријад

Едно лице загина, а 11 се повредени во нов напад врз меѓународниот аеродром „Крал Халид“ во Ријад, Саудиска Арабија., пренесува Би-Би-Си.

Видео: Нов напад врз меѓународниот аеродром „Крал Халид“ во Ријад

Загинатиот е државјанин на Пакистан, соопштија саудиските власти.

Проектил погодил една од патничките сали, по што избувнал пожар.одговорноста за нападите ја презедоа јеменските Хути.Тие соопштија дека користеле ракети и беспилотни летала.

Хутите тврдат дека нападнале и нафтени постројки и аеродромот во Дамам.Во претходниот напад врз аеродромот во Ријад загинаа 13 лица, а 308 беа повредени.

Саудиската коалиција најави одговор на нападите. Трамп најави брза одлука за можни воени дејствија против Хутите. И Велика Британија најави можност за дополнителна поддршка на Саудиска Арабија.

Македонската амбасада упати апел до македонските државјани во Саудиска Арабија да ги следат безбедносните препораки и да постапуваат според упатствата на локалните власти, дежурен телефон. +971 56 441 7532.Поради влошената безбедносна состојба, се препорачува избегнување патувања во ризичните области.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почнува примената на системот „Сејф сити“ Во Охрид, Струга, Кичево и Дебар

Од денеска, системот за сообраќаен надзор „Безбеден град“ започнува со работа и на подрачјето на СВР Охрид односно во Охрид, Струга, Кичево и Дебар.

Почнува примената на системот „Сејф сити“ Во Охрид, Струга, Кичево и Дебар

МВР информира дека по извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Охрид.

Со активирањето на системот, како што нагласуваат од министерството, ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата.Системот „Безбеден град“ во државата е во функција од 1 февруари годинава. Периодот на адаптација траеше два и пол месеци кога граѓаните беа известувани и контролирани за сообраќајните прекршоци, а системот беше тестиран и унапредуван. Според информациите што ги сподели министерот за внатрешни работи при неодамнешната посета на Охрид, во споредба со истиот период минатата година бројот на повредени во сообраќајни несреќи годинава е намален за 20 отсто, односно со 34 жртви помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Вечерва, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер