Ако сме инвалиди, и ние сме луѓе и не смее државата да си игра со нашите права, греота и срамота е, вели Слободан Делев од Гевгелија, лице со инвалидитет кој е револтиран бидејќи, како што вели, не е првпат да доцни социјалната помош и финансиите за туѓа нега на најранливата категорија на граѓани, овој пат поради инсталирање на софтвер. Тој смета дека ниту со закони, ниту со правилници не смее да се прават планови за да се штеди и да се крати од луѓето кои земаат социјална помош.

И од Националниот сојуз на слепите велат дека членовите имаат поплаки за доцнењата, а повеќе сојузи и здруженија на лица со попречености денеска излегоа и на протест за да побараат од Владата да не им го укине или ограничи правото на финансирање кое го добиваат преку законот за игри на среќа.

Додека луѓето со инвалидитет се надеваат дека државата нема да остане глува и слепа на нивните барања, нема одговор на оние од Канал 5 до Министерството за труд и социјална политика за транспарентно пред објектив во камера да кажат зошто софтверот не можел да се инсталира по исплатите, за да не доцни социјалната помош. Од таму до почетокот на вестите нема ни одговори во писмена форма за тоа како е набавен софтверот и колку чини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Со договор на дело во рок од три месеци и месечна плата од 44.000 денари, првиот човек на ДЗС – Стојанче Ангелов ги повикува поранешните припадници со минимум петгодишно искуство кои се во добра психофизичка состојба и за кои како што вели, работното време и слободни денови ќе бидат прилагодени на теренските потреби.

Ангелов уверува дека во претстојната летна сезона на пожари има доволно кадар и опрема за гаснење пожари на отворено, но и ја повика локалната самоуправа да ги стави во преден план пожарникарите кои минатото лето склучија сличен договор. Двајцата пензионирани пилоти и оваа година ќе бидат ангажирани за управување на ертракторите, но се очекува да им се придружат уште тројца обучени пилоти, рече Ангелов.

Според Ангелов, благи се критериумите за овој повик а освен пензионираните, може да се пријават и оние кои биле отстранети од редовите на Полицијата, Армијата и Противпожарните единици.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

– На 08.06.2026 во 13:50 часот, Полициски службеници од СВР Штип го лишиле од слобода Б.Т.(33) од село во општина Карбинци. Тој се сомничи дека во периодот од јануари до март 2026 година, додека престојувал во домот на едно семејство во светиниколско село, вршел полови дејствија, ја соблекувал и допирал по телото нивната малолетна ќерка, при што ѝ пренел и заразна болест, што е потврдено од Институтот за судска медицина Скопје при преглед на детето и на него, информираа од полицијата.

Тој е задржан во полициска станица и по целосно документирање на случајот, против него е поднесена кривична пријава поради основано сомнение за сторени кривични дела „силување на дете кое не наполнило 15 години“ по член 188 и „пренесување заразна болест“ по член 205 од Кривичниот законик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.