Ѓоковиќ жестоко го нападна АТП: Поважен им е профитот отколку играчите - Канал 5

Тенис

Ѓоковиќ жестоко го нападна АТП: Поважен им е профитот отколку играчите

Најдобриот тенисер на светот Новак Ѓоковиќ жестоко го прозва АТП на прес-конференцијата што ја одржа по победата над Андреј Рубљев на завршниот Мастерс во Торино.

Ѓоковиќ жестоко го нападна АТП: Поважен им е профитот отколку играчите

Ѓоковиќ реши да го каже својот став како одговор на изјавата на Боб Грин, еден од основачите на организацијата. Грин вчера изјавил дека тогашниот светски рекет број еден Матс Виландер бил вистински лидер, таков каков што денес не постои.

„Го видов интервјуто на Грин. Тој е еден од основачите на АТП и беше интересно да се слушне што има да каже. На што се сетив, иако го знаев претходно, но мило ми е што толку големо име рече дека тогаш распределбата на добивката беше 50-50 помеѓу турнирот и играчите. Денес е многу помалку“, изјави Ѓоковиќ.

Српскиот тенисер потоа подетално ја објасни распределбата на парите, нагласувајќи дека тенисерите денеска добиваат меѓу 25 и 30 отсто од вкупната заработка од АТП.

„На Грен слемовите просекот е двојно помал, има некаде околу 11-12 проценти. Не знам дали нешто се сменило во последните две години. Се промени во однос на зголемувањето на наградниот фонд, но нема промени во последните две години поради коронавирусот, пишуваат дека играчите добиваат поголема сума на пари, а не пишува колку Грен слем или турнирот ги зголемил приходите, многу повеќе од добиеното во форма на награден фонд за играчите “, рече Ѓоковиќ и ја коментираше идејата Мастерсот да добие лиценца за 30 години:

„Тоа е нечуено. Мислам дека во ниту еден спорт не давате некому лиценца од 30 години, тоа е неверојатно. Од тие лиценци што ги добија со гаранција од 30 години, нивната лиценца сега ќе чини двојно повеќе бидејќи тие ќе имаат неколку дена, а потоа ја продаваат таа лиценца за неколку стотини милиони евра, како да речеме Мадрид, а играчите не добиваат ништо од тоа , а потоа кога ќе ја продадат, само тие заработуваат. Ние само се собираме на местото и тоа им одговара на луѓето кои го имаат монополот“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска пливачка собори два светски рекорда во ист ден

Американската пливачка Кејт Даглас собори два светски рекорда во ист ден на Првенството во пливање „Пан Пацифик“ во Ирвин, Калифорнија.

Американска пливачка собори два светски рекорда во ист ден

Во финалето на трката на 50 метри слободен стил, Даглас дополнително го подобри рекордот што го постави само неколку часа претходно во квалификациите.

Во финалето, Даглас ја заврши трката за 23,19 секунди, надминувајќи го сопствениот резултат од 23,49 секунди од утринските квалификации за дури 30 стотинки.

Со тоа, таа повторно го презеде светскиот рекорд во оваа дисциплина од својата сонародничка Гречен Волш.

Волш претходниот светски рекорд од 23,55 секунди го постави на 28 јуни на митингот „Сет Коли Трофи“ во Рим, но Даглас двапати го собори светскиот рекорд во текот на истиот ден.

Американката претходно учествуваше во соборувањето на светскиот рекорд во штафетата 4x100 метри мешано на првата вечер од натпреварувањето, заедно со Гречен Волш, Ван Матијас и Вил Модглин. Даглас е освојувач на пет олимписки медали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Поплави во Шпанија, загинаа две жени, седум региони се под предупредување.

Две постари жени загинаа, а две бебиња се повредени во поплави и одрони предизвикани од обилни врнежи во рурална област во северозападна Шпанија.

Видео: Поплави во Шпанија, загинаа две жени, седум региони се под предупредување.

Локалните власти ја потврдија информацијата.

Поради најавените невремиња и обилни врнежи, во недела е на сила жолто предупредување за временските услови во седум региони, пренесува Ројтерс.

Службите за итни интервенции во автономната заедница Кастиља и Леон соопштија дека загинатите жени имале приближно 60 и 80 години. Несреќата се случила доцна во саботата вечерта во селото Манзанедо де Валдуеза, недалеку од Понтеведра. Надлежните исто така објавија дека две доенчиња се здобиле со нагмечувања и им била укажана лекарска помош.

Шпанската агенција за цивилна заштита издаде предупредувања за невреме и обилни врнежи од дожд за недела, кои опфаќаат седум региони во централните и северните делови на земјата.

Овие поплави доаѓаат по повеќенеделен период на рекордно високи температури, за време на кој земјата беше погодена и од серија големи шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Подигнати авиони на НАТО – добиена дозвола за напад

Романското Министерство за одбрана денеска соопшти дека рано утринава во неделата, авион на НАТО соборил беспилотно летало што нелегално навлегло во романскиот воздушен простор.

Подигнати авиони на НАТО – добиена дозвола за напад

Беспилотното летало било уништено од пилотите на авионите Ф-18 на шпанското воено воздухопловство, распоредени во Романија, пренесува порталот Digi24.ro.

„Во текот на ноќта меѓу 15 и 16 август, во 4:44 часот наутро, системите за надзор на воздушниот простор на романското Министерство за одбрана регистрираа навлегување на воздушна цел во националниот воздушен простор од правец на Република Молдавија, на околу 24 километри северно од Галац“, се наведува во соопштението на романското Министерство за одбрана.

Авион Ф-18 на шпанското воено воздухопловство, кој извршуваше борбена задача во рамките на мисијата за воздушно патролирање од воздухопловната база „Михаил Когалничану“, успешно го собори дронот, а како можна локација за падот на неговите остатоци е идентификувана ненаселена област меѓу местата Балени и Кудалби, во округот Галац. Според соопштението, воздушната тревога за округот Галац заврши во 5:20 часот наутро.

Тагови: авиони дрон НАТО Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер