Тенис

Ѓоковиќ воодушеви со коментарот, откако тинејџер му го одзеде тронот во АТП

Карлос Алкараз (19) ноќта од неделата кон понеделникот го победи Данило Медведев со 6:3, 6:2 во финалето на Индијан Велс за трета титула на Мастерсот во неговата кратка кариера и уште поважно враќање на светскиот трон.

На новата АТП ранг листа, која излезе во утринските часови, број 1 е шпанскиот тинејџер.

Го тргна од врвот 16-години постариот српски шампион. По освојувањето на Индијан Велс, Алкараз достигна 7.420 бодови, додека Новак Ѓоковиќ доби забрана за учество на Мастерсот во Мајами и Индијан Велс поради неговото одбивање да се вакцинира против корона вирусот, па остана на 7.160 бодови. По тој повод, Ѓоковиќ на Си-Ен-Ен го прекина медиумскиот молк, кој траеше откако му беше забрането учество на големите американски турнири.

„Честитки за Алкараз. Апсолутно заслужи да биде број 1“, изјави Ѓоковиќ откако брилијантното момче го симна од тронот. Сепак, на Алкараз нема да му биде лесно да го задржи првото место, бидејќи брани 1000 бода во Мајами и само ако ја освои титулата таму ќе го задржи бројот 1. Ако во тоа не успее, Ѓоковиќ ќе се врати таму пред сезоната на земјата. А на неговиот почеток следува спектакл.

Од 9 април Мастерсот во Монте Карло со Ѓоковиќ, Алкараз и закрепнатиот Надал. Србинот таму започнува голема битка против двајцата Шпанци. Алкараз го чека во борбата за број 1, а Надал на Ролан Гарос, па еден од нив треба да избие на првото место по бројот на освоени Грен слемови, бидејќи моментално се изедначени со 22 секој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петар Богојески во „Вести плус“

Почитувани, вечерва во Вести Плус гостува Петар Богојески.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МНРиТ: Со внимание ја следиме актуелната состојба со пожарите во Грција

Министерството за надворешни работи и надворешна трговија со внимание ја следи актуелната состојба со пожарите во Грција, преку своето дипломатско-конзуларно претставништво во Солун и во комуникација со надлежните грчки институции.

Апелираме до нашите државјани кои се наоѓаат во погодените подрачја и имаат потреба од помош да се обратат на дежурниот телефонски број на Министерството +389 75 268 736, на електронската адреса [email protected], како и на дежурните телефонски броеви на Конзулатот на Република Македонија во Солун: +30 694 526 8068 и +389 71 323 001.

Воедно, ги потсетуваме македонските државјани кои се наоѓаат во засегнатите подрачја внимателно да ја следат состојбата и да ги почитуваат упатствата и насоките на надлежните локални власти.

МНРиТ

Тагови: МНРиТ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Никол Кидман за нејзиниот брак со Том Круз: „Бев млада, се заљубивме лудо“

Актерката Никол Кидман се осврна на својот брак со Том Круз и нагласи дека врската била сосема природен дел од нејзиниот живот.

Иако рано влегла во светот на славата, таа вели дека нејзината врска со една од најголемите ѕвезди на ерата ѝ изгледала нормална, пишува британскиот Вог.

Брак на 22 години

Кидман објасни дека се чувствува удобно на настани како што се модни ревии и на црвени теписи бидејќи многу рано била потопена во тој свет. „Мора да размислите за кого се омажив толку млада. Бев турната во тој свет на 22 години. Бев навистина млада“, рече таа.

За нејзиниот брак со Круз, таа додаде: „Одеднаш, на 23 години, имав сопруг кој беше светски позната филмска ѕвезда. Ми се чинеше сосема природно. Едноставно се заљубивме лудо и сè беше многу едноставно“.

Кариера и љубов

Актерката изјави дека многу луѓе биле против нивната врска во тоа време, загрижени за нејзината кариера. „Се сеќавам дека луѓето ми кажуваа како тоа ќе влијае на мојата кариера. Реков дека не ми е гајле бидејќи бев заљубена и сакав да се омажам“, рече таа.

Деценија брак и развод

Кидман и Круз се запознаа во 1990 година на снимањето на филмот „Days of Thunder“. Тие беа во брак повеќе од десет години, а официјално се разведоа во август 2001 година. Кидман подоцна зборуваше за овој период во интервју за „Vanity Fair“.

„Имав многу време за себе, што беше добро бидејќи бев практично дете кога се омажив. Требаше да пораснам“, рече таа во тоа време.

Нов живот и поглед назад

Во 2006 година, таа се омажи за пејачот Кит Урбан. Двојката го објави својот развод во 2025 година по 19 години брак, а заедно ги имаат ќерките Сандеј Роуз и Фејт Маргарет. Во претходно интервју за „New York Magazine“, Кидман објасни зошто не сакаше да зборува за нејзиниот брак со Круз.

„Секогаш не сакав да зборувам за тоа како се омажив за Том Круз на 22 години. Сега сум во брак со маж кој е моја голема љубов и чувствувам дека тоа би било непочитување кон него“, рече таа, додавајќи дека бракот ја заштитил од негативни искуства во индустријата. „Се омажив од љубов, но тоа што се омажив за исклучително моќен маж ме заштити од сексуално вознемирување. Работев, но во исто време бев многу заштитена, како во кожурец“, заклучи таа.

Извор: Индекс.хр

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.