Ѓоковиќ утре ќе ги добие резултатите од корона тестот, Иванишевиќ е негативен

Најдобриот тенисер на светот, Новак Ѓоковиќ, утре ќе се обрати пред јавноста.

Ѓоковиќ во понеделникот пристигна во Белград, каде беше тестиран за коронавирус.

Резултатите ќе бидат познати во утре попладне (17:45 часот), по што Новак ќе се обрати пред јавноста, потврдено е од неговиот ПР тим.

Адрија Тур, чиј организатор беше Ѓоковиќ, е откажан за време на последниот натпревар во Задар, откако бугарскиот тенисер Григор Димитров објави дека е заразен со вирусот „Ковид-19“.

Сите тенисери беа веднаш тестирани во Задар, освен Ѓоковиќ, кој реши да го стори тоа во Белград.

Позитивен е и тенисерот Борна Ќориќ, како и тренерот на Димитров и фитнес тренерот на Ѓоковиќ.

Другите 19 тестирани , меѓу кои и Зверев, Чилиќ и Иванишевиќ, се негативни.

Ѓоковиќ и Димитров биле во постојан контакт за време на турнирите во Белград и Задар.

Илиев: Бугарија може да остане сама во спорот со Македонија

Бугарија може да остане сама во спорот со Македонија, смета Кирил Илиев, историчар од Институтот за балкански студии при Бугарската академија на науките.

Илиев во изјава за ТВ Блумберг, коментирајќи ја бугарската позиција кон Скопје и ставовот на Германија како актуелен претседавач со ЕУ дека не треба да се поставуваат нови критериуми, вели дека Бугарија нема јасен концепт за целите што сака да ги постигне во односите со Македонија

– Општо, Бугарија нема целисходна политика што строго ќе се следи и нема да се отстапува од неа. Бугарите се прекумерно емоционални за македонското прашање, за Македонија, додека во соседните земји Србија и Грција пристапуваат прагматично според нивниот интерес, рече Илиев.

Во Бугарија и во Северна Македонија, забележува бугарскиот историчар, има партии и личности чиј политички живот се темели целосно на македонското прашање.

– Не постои политичка партија во Македонија што не ја користи историјата како своја идеологија, но на начин што и одговара, рече Илиев, посочувајќи ја опозициската ВМРО-ДПМНЕ, која, како што наведе, „го користи меморандумот на Бугарија за да додаде бензин во огнот".

Тој смета дека историската дебата меѓу Бугарија и Македонија не може да се избегне, зашто тоа е темелот на проблемот меѓу двете земји.

Нерешавањето на историските прашања, според него, ќе ги остави Македонците да продолжат да мислат се најлошо за Бугарија и да ја прифаќаат земјата негативно. – Треба да се решат историските проблеми за да не останеме за денешните Македонци „татар-монголи, фашисти, окупатори, комунисти". Ова е најлошото што ни се става како етикета, истакнува Илиев.

Бугарскиот историчар се надева дека комисијата формирана од експерти од двете земји наскоро ќе продолжи да работи и ќе ги расчисти несогласувањата.

– Погрешно беше што секоја информација за работата на заедничката експертска комисија стана јавна за луѓето во двете земји и се користеше за политички цели, изјави Илиев.

Тој истакнува дека нема проблем во комуникацијата на Бугарите со народот на Македонија до моментот додека не почне да се зборува за историјата, и е убеден дека тоа е пречка за приближување на културно, спортско и економско ниво.

– Не може да се прават компромиси со историјата, вели Илиев, осврнувајќи се конкретно на архивите за Гоце Делчев, за кого, како што посочува, македонската страна има 44, а бугарската 440 документи.

Според него, дебатата треба да се базира на историското документарно наследство, а во меѓувреме да се пристапи прагматично со изградба на автопат меѓу Софија и Скопје, железничка пруга и отворање нови гранични премини меѓу двете земји./МИА.

Николоски: Поради неспособноста на Заев милиони тони грозје скапува по нивите, ВМРО-ДПМНЕ бара организиран државен откуп на истото

Благодарам прво за присуството, вечерва сме тука во Сопот. ВМРО-ДПМНЕ како најголема опозициона партија и како најголема пратеничка група во Собранието е повторно меѓу народот.

Ние сме една поразлична опозиција. Но, опозиција која што е цело време со луѓето, и со маките на луѓето. Ја слушнавме маката на лозарите, и на земјоделците од целиот Тиквешки регион. И затоа вечерва дојдовме да поразговараме со нив.

Маките се огромни, маките кои што ги слушаме од луѓето навистина се болни и навистина е жално да се види и да се слушне дека целиот род останува неоткупен.

Зелената мафија царува и во откупот на грозјето, за ова зборувавме пред изборите и бевме јасни дека ова ќе се случи доколку СДСМ остане на власт. За жал коалицијата на СДСМ и ДУИ остана на власт. И имаме огромен проблем со откупот на грозје. Само во Сопот каде што сме вечерва остануваат неоткупени помеѓу 9 и 12 милиони тони грозје, што значи скоро целокупниот род.

Владата на чело со Зоран Заев се што вети излажа. Ветија гарантирани откупни цени над 9 со 11 денари, а во моментов откупните цени за тие што имаа среќа да го предадат грозјето се сведени на 2 со 4 денари. И тука субвенциите не помагаат ништо. Затоа што производната цена на грозјето е 15 денари, а се откупува со 2 со 4 денари, таму каде што имаат среќа лозарите да го предадат.

Најголем дел воопшто не можат да го предадат затоа што воопшто нема откуп.

Заради овие причини, две работи предлагаме. Прво, Комисијата за земјоделие во рамки на Собранието предводена од Љупчо Димовски кој што е вечерва со нас, побара во поддршка на пратеничката група на ВМРО-ДПМНЕ и Коалицијата организирање на надзорна расправа во Собранието, за состојбата во лозарството и откупот на грозјето. Таа надзорна расправа ќе се случи следната недела и на неа очекуваме сите надлежни од Владата да дојдат и да се соочат со земјоделците, да се соочат со нивниот гнев и мака. И заеднички да се најде решение доколку е тоа возможно.

И второ, основното барање кое што го има ВМРО-ДПМНЕ до владата е да се направи организиран државен откуп на целокупното грозје кое што не е откупено. Државата има можност, има сили и има простор во буџетот. Да не се купуваат 50 луксузни автомобили, туку да се откупи целокупниот род на грозје кое што останува по нивите оваа година во Тиквешко и цела Македонија, затоа што немаат слух за маката на земјоделците.

Значи бараме организиран државен откуп, државата да го откупи грозјето кое што останува неоткупено.

Ќе продолжиме со овие активности и со средби луѓето. Револтот е голем ќе не има секаде во Тиквешијата, ќе не има на улиците заедно со луѓето, ќе не има и по нивите, ќе не има пред винариите, ќе не има пред надлежните институции. Заедно со луѓето да најдеме решение за оваа мака која што ги задеси, а за која што е виновна старо – новата крими коалиција СДСМ/ДУИ.

Александар Николоски, Потпретседател на ВМРО-ДПМНЕ

Видео: ЛА Лејкерси на чекор до НБА финалето

Кошаркарите на Ла Лејкерс по трет пат во конференциското финале на Западот  го совладаа тимот на Денвер.

Лејкерси утринава во четвртиот меч од финалната серија беа подобри од Денвер со 114-108 за водство од 3-1 во победи.

Со денешниот триумф фаворитот од Ел Еј на на чекор до нови големо финале во најсилното светско кошаркарско првенство.

Ол Стар центарот на Лејкерси , Ентони Дејвис повторно беше кобен за тимот на Денвер. Дејвис беше незадржлив и со 34 постигнати поени беше најефикасниот поединец на мечот.

Од друга страна неговиот директен противник Никола Јокиќ немаше свој ден, и дуелот го заврши со занего скромни 16 поени.

Џамал Мареј постигна 32 коша што сепак беше недоволно за победа над расположените „езерџии“ .

Фановите на Денвер сметаат дека и во четвртиот меч Лејкерси ја имале помошта од судиите. Според нив клучниот миг на дуелот се случил во финишот на средбата кога судиите не виделе очигледен фаул на Леброн Џејмс над Џемал Мареј при резулат 105-102.

Во редовите на Лејкерси покрај Дејвис одличен меч одиграа и Леброн Џејмс со 26 поени, 9 скока и 8 асистенции и Двајт хауард со 12 поени и 11 скока.

притисни ентер