Ѓоковиќ се смести во најстрогиот спортски карантин,остри казни за прекршителите (ВИДЕО)

Најдобрите светски тенисери од шест локации ширум светот полека доаѓаат во Австралија, а меѓу првите пристигнал Новак Ѓоковиќ, најдобриот светски тенисер и прв фаворит на Австралија Опен.

Првиот светски тенисер е во Аделаида, а покрај него таму се и Рафаел Надал, Доминик Тием и многу други ѕвезди, како и најдобрите тенисерки на светот. Поради ригорозни мерки, тој ќе мора да помине две недели во строга изолација.

Новинарите го следат доаѓањето на најдобрите играчи и како го поминуваат слободното време, а Новак е фатен како вежба во хотелската соба.

Инаку, австралиските власти воведоа радикални безбедносни мерки и секој што ќе ги прекрши може да биде брутално казнет.

Имено, секој што ќе замине од карантин без дозвола може да биде казнет со 19.000 американски долари со дополнителни кривични санкции.

Кој ќе ги прекрши правилата може да се соочи со дисквалификација, лишување од паричната награда, продолжен карантин, апсење, па дури и депортација, што во иднина може да влијае на влезот на тенисерот во Австралија.

Исто така, секој прекршок од кој било член на нечиј тим ќе се смета за прекршок од самиот играч.

Овој принцип на нулта толеранција започнува кога играчите се качуваат на еден од 18 чартер-летови што заминуваат од седум различни градови - Абу Даби, Анталија, Доха, Дубаи, Лос Анџелес, Мајами и Сингапур.

Пристигнувањето во Мелбурн ќе се одвива под полициска стража, а автобусите ќе патуваат директно до одредените хотели.


Барселона избира нов претседател по апсењето на Бартомеу

Барселона денеска избира нов претседател, четири месеци по оставката на Јозеп Марија Бартомеу и неполна недела по апсењето на поранешниот претседател заради аферата Барсагејт.

Жан Лапорта, Виктор Фонт и Тони Фреикса се кандидати за 42-от претседател на Барселона. За победникот одлучуваат 110.290 полноправни членови на клубот, од кои 20,7% веќе ги испратиле своите гласови по пошта, што е дозволено за прв пат поради пандемијата.

Останатите денеска излегуваат на шест избирачки места во Барселона и другите каталонски градови, кои се отворени од 9 до 21 часот. Гласањето надвор од Барселона исто така е дозволено за прв пат поради пандемијата. Досега гласањето можело да се одвива само лично во главниот град на Каталонија.

Запленети над половина тон марихуана во две полициски акции на југот од земјава

Два канала за меѓународен транспорт на дрога пресекло МВР во две одделни акции вчера на јужната граница, во кои се запленети над 500 килограми марихуана, а три лица се приведени... 

47-годишен скопјанец фатен и уапсен со над 500 пакувања марихуана на граничниот премин „Богородица“. Дрогата ја носел од Косово, преку Македонија во камион со приколка, камуфлирана меѓу отпадна хартија. Полицијата го застанала во моментот кога сакал да ја премине границата со Грција, синоќа во 21 часот и 30 минути, а крајна дестинација била Турција. Запленетата марихуана на нарко-пазарот во Турција се проценува дека би достигнала цена од над милион евра.

,,При претресот во приколката помеѓу легалната стока-отпадна хартија, пронајдени и одземени се 519 пакувања со марихуана, а одземени се и еден мобилен телефон со СИМ картичка, две сообраќајни дозволи, клучеви и документација. Во текот на денот продолжува претресот на товарното моторно возило, затоа што се работи за голема количина на стока. Д.Н. во текот на денот ќе биде изнесен пред судија на претходна постапка“, соопшти Ангеловски.“

Ова не било единствена работа за полицијата синоќа. Во друга акција запленила уште околу 93 килограми марихуана во близина на границата со Грција. Приведени се 24 и 28 годишни жители на село Селемли на југот од земјава кои биле фатени во возило „шкода“каде ја чувале марихуаната. И покрај обидот да избегаат, полицијата ги фатила. На расчистување на овој случај работи и полицијата на Грција, соопштија од МВР.

Коронавирус и ковид официјалнио станаа дел од клингонскиот јазик

Клингонскиот јазик, измислен за серијата филмови „Sвездени патеки“, го прошири својот речник со неколку зборови поврзани со пандемијата на коронавирус, потврди еден од неговите течни говорници.

„Пандемијата исто така ги окупира следбениците на клингонскиот јазик“, рече експертот за јазикот од „Sвездени патеки“, Ливен Л. Литаер, кој побарал од пронаоѓачот на тој јазик, американскиот лингвист Марк Окранд, да се ажурира јазикот за термини како ковид-19, коронавирус, не сум болен или вакцинација.

Овие се последните во низата зборови што се приклучуваат на клингонскиот јазик, кој сега брои повеќе од 4.000 зборови. Првично Клингонскиот јазик имал само 1.800 зборови за време на создавањето во 1985 година, според Литаер.

Секоја година се додаваат нови зборови.

Литаер, кој сега предава Клингонски онлајн , смета дека само 20 до 30 луѓе на светот течно зборуваат на тој јазик со многу незгодни грлени гласови.

Според институтот за клингонски јазик (КЛИ), досега се продадени повеќе од 300.000 примероци од Речникот на Клингон на Окранд.

Литаер, кој е роден во Белгија и живее во Германија, ја освоил германската награда за фантастика во 2019 година за преводот на книгата за деца на Антоан де Сент-Егзипери „Малиот принц“ на Клингонски.

притисни ентер