Ѓоковиќ направи шоу на француски- објасни како ги „надживел“ Роџер, Рафа и Енди - Канал 5

Тенис

Ѓоковиќ направи шоу на француски- објасни како ги „надживел“ Роџер, Рафа и Енди

Најдобриот српски тенисер, Новак Ѓоковиќ, го обезбеди своето место во третото коло на Ролан Гарос со победата над Корентин Муте од Франција - 3:0 (6:3, 6:2, 7:6).

Ѓоковиќ направи шоу на француски- објасни како ги „надживел“ Роџер, Рафа и Енди

Српскиот тенисер беше доста емотивен по овој натпревар во разговор на теренот, и вели дека овој натпревар бил вистинска борба, објави Телеграф.

- Мислам дека психолошки беше важно да се биде подготвен за натпреварот против Корентин. Тој е брз играч, многу брз, тоа беше вистинска борба, особено во третиот сет. Имаше сет-поента. Во вистинскиот момент успеав да го најдам мојот добар сервис, успеав да се фокусирам на мојата игра, не беше толку лесно. Морам да им оддам признание на фантастичната публика, ви благодарам што сте тука.

Исто така, беше замолен да коментира како се чувствува по турнирот во Женева, кој го освои и каде што стекна многу самодоверба.

- Да, мислам дека пред турнирот, во Женева минатата недела, стекнав многу самодоверба. Нормално е да се чувствуваш така, не можеш да победуваш на натпревари, само напорна работа, тоа е она што следува, да се фокусираш на она што доаѓа во сезоната на земјена подлога. На Ролан Гарос играм со поголема самодоверба, се чувствувам добро, се обидувам да го извлечам максимумот од она што е важно и се надевам дека ќе бидам што е можно поподготвен да одам што е можно подалеку.

Потоа Ѓоковиќ ја насмеа публиката велејќи дека веќе не знае ниту збор француски, бидејќи целото интервју го направи на тој јазик.

- Веќе немам ниту збор француски, мислам дека кажав со сите зборови што веќе ги знам. Ќе се обидам (се смее).

Конечно, водителот го праша како е можно тој да е единствениот што останал од големата четворка, покрај Надал, Федерер и Мареј.

- Која е мојата тајна? Навистина ја знам, но не можам да ви кажам. Тоа е комбинација, формула, за да напредуваш, да одиш понатаму. Мотивацијата е очигледно важна за да се прават некои нови работи, играм со многу убава енергија со моето семејство и децата. Тоа ми дава огромна сила. И на крајот, тоа е начин на живот, тоа е избор, важно е да имаш добри луѓе покрај себе. За мене, секојдневната посветеност е приоритет. Не е лесно да се вклопи сè, но сите мои ривали кои беа таму за време на мојата кариера, сите големи натпревари, особено со Рафа за време на мојата кариера, мислам дека тоа е мотивацијата што секогаш мора да ја пронајдеш. Морам да живеам на сегашното ниво. Чудно е што сум тука по оваа прекрасна тениска ера од 20 години. Поради сето она што го споменав, тоа е одлучувачкиот фактор.“

Тагови: Новак Ѓоковиќ Рафаел Надал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер