Гитарите и предметите на еден од најголемите музичари се продадени за 10.3 милиони евра - Канал 5

Шоу биз

Гитарите и предметите на еден од најголемите музичари се продадени за 10.3 милиони евра

Гитари и други предмети од колекцијата на англискиот музичар Џеф Бек се продадени на аукција за вкупно 8,73 милиони фунти (10,3 милиони евра).

Гитарите и предметите на еден од најголемите музичари се продадени за 10.3 милиони евра

Повеќе од 130 гитари со засилувачи и педали од речиси шестдецениската кариера на гитаристот вчера беа пуштени во продажба, а два од неговите инструменти се продадени за повеќе од милион фунти. Гитарата „Oxblood Gibson Les Paul“ од 1954 година, за која се проценувало дека ќе достигне цена од 500.000 фунти, е продадена за 1,06 милиони фунти.

Главниот инструмент за изведување и снимање на Бек од 1999 до 2014 година, Fender Stratocaster познат како Анушка, исто така е продаден за 1 милион фунти, откако првично бил проценет на 20.000 до 30.000 фунти. Аукциската куќа Кристи соопшти дека гитарата била „често користена и тешко оштетена за време на турнејата на Бек со Карлос Сантана“, што довело до мала пукнатина на вратот од неколку инчи и барала поправка.

Бек почина на 78-годишна возраст во јануари 2023 година, по кариерата во која освои осум Греми и работеше со многу познати имиња, вклучувајќи ги Ози Озборн и Мик Џегер.

Британскиот музичар стана познат како дел од Yardbirds, бендот во кој ја започна својата кариера и Џими Пејџ, каде што го замени Ерик Клептон пред да ја формира групата Џеф Бек со Род Стјуарт. Од средината на 70-тите, тој се посвети главно на инструменталната музика, а од тогаш до денес, редовно е на врвот на безброј листи на најголеми рок-гитаристи на сите времиња.

Тој продолжи да свири музика до самиот крај на својот живот, а неговата последна турнеја беше само неколку недели пред неговата смрт, со Џони Деп. Неговиот тон, присуство и пред сè, јачината на звукот ја редефинирале гитарската музика во 1960-тите и влијаеле на движењата како хеви метал, џез-рок, па дури и панкот.

„Тоа е како да вели: „Јас сум Џеф Бек. Јас сум тука. А вие не можете да ме игнорирате“, напиша Мајк Кембел од Heartbreakers во есејот за изборот на Rolling Stone на најголемите гитаристи на сите времиња, во кој Бек го рангираше на седмото место.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер