Германските производители на автомобили со раст на продажбата во САД пред најавените царини - Канал 5

Автомобилизам

Германските производители на автомобили со раст на продажбата во САД пред најавените царини

Германските производители на автомобили, „Фолксваген“ и „БМВ“, објавија значителен раст на продажбата во САД, само неколку часа пред американскиот претседател Доналд Трамп да воведе нови царини за стоки од Европската Унија, јави ДПА.

Германските производители на автомобили со раст на продажбата во САД пред најавените царини

„Фолксваген“ денеска соопшти дека продажбата во првиот квартал од годината пораснала за 7,1 отсто, достигнувајќи 87.915 возила, благодарение на силната побарувачка за моделите „Таос“, „Џета“ и електричниот „ID.4“.

„БМВ“ исто така забележа позитивен тренд во продажбата во САД во првите три месеци од годината, со зголемување од 3,7 отсто во однос на претходната година, достигнувајќи 87.615 возила. Продажбата на електричните модели на „БМВ“ пораснала за повеќе од 25 проценти.

Од друга страна, продажбата на „Ауди“, која е подружница на „Фолксваген“, забележа пад од 3 отсто во споредба со првиот квартал од 2024 година, иако во март е регистриран пораст од 8 отсто.

Овие резултати укажуваат дека најавените царини можеби довеле до зголемени предвремени купувања од страна на американските потрошувачи.

Во моментов, САД применуваат царина од 2,5 отсто на увоз на патнички возила од ЕУ, додека на товарни возила и пикапи царината е 25 проценти.

Трамп најави дополнителни царини од 25 отсто на европските автомобили, кои треба да стапат во сила веднаш по неговиот денешен говор во Белата куќа.

Целта на американскиот претседател е да ги принуди трговските партнери на отстапки, да го намали хроничниот трговски дефицит на САД со големи економии како ЕУ и Кина, како и да поттикне враќање на производството на американска територија.

Експертите се сомневаат во успехот на оваа стратегија, предупредувајќи дека зголемувањето на домашното производство може да предизвика повисоки трошоци и инфлациски притисоци.

Иако Кина е најголемиот поединечен пазар за германските производители, тие главно произведуваат автомобили за кинескиот пазар на самото место. Трговските врски со САД, од друга страна, вклучуваат поголеми количини на извоз од ЕУ, што значи дека падот на продажбата во САД би можел сериозно да ги погоди европските фабрики.

Тагови: САД „Фолксваген“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер