Автомобилизам

Фолксваген се враќа на копчиња наместо екрани на допир: Никогаш нема да ја повториме грешката

Volkswagen планира да се врати на физичките копчиња во идните модели наместо на огромните екрани на допир за клучните функции во возилото.

Шефот за дизајн на Фолксваген, Андреас Минд, изјави за Autocar дека компанијата „никогаш, никогаш повеќе“ нема да ја направи оваа грешка и вети дека физичките контроли за јачината на музиката, греењето, брзината на вентилаторот и активирањето на предупредувачките светла ќе бидат лоцирани под екранот на допир во сите модели, почнувајќи со ID.2all следната година.

Минд додаде дека одлуката за враќање на физичките копчиња е донесена врз основа на повратните информации од клиентите. „Искрено, ова е автомобил. Тоа не е телефон, тоа е автомобил“, рече Минд. „Ние го разбираме тоа.“

Volkswagen не е единствениот производител кој се враќа на физичките контроли. Минатата година, Hyundai објави дека учесниците во тест-фокус-групите биле „стресени, фрустрирани и лути“ кога не можеле брзо да ги контролираат основните функции на возилото.

Hyundai и Kia првично ги фаворизираа екраните на допир во нивните електрични модели како што се Hyundai Ioniq 6 и Kia EV6, но сега размислуваат за промени. Во Кина, Xiaomi нуди додатоци кои им овозможуваат на клиентите да додаваат физички контроли по желба.

Трендот на дигитални интерфејси започна пред повеќе од десет години со моделот S на Tesla, кој имаше голем централен екран на допир. Tesla постепено ги отстранува физичките контроли, вклучувајќи ја рачката на менувачот и трепкачите, но вторите се вратени во новиот Model Y, а постои можност за нивно враќање во Model 3.

Одлуката на Фолксваген доаѓа во интересен момент, бидејќи Европската програма за проценка на нови автомобили (NCAP) следната година ќе воведе нови правила, кои ќе бараат од автомобилите да имаат одредени физички контроли за да се постигнат пет ѕвездички на безбедносните тестови.

Ова е спротивно на размислувањата на некои лидери во автомобилската индустрија, вклучувајќи го и шефот на софтвер на Ривиан, Васим Бенсаид, кој ги нарече физичките копчиња „аномалија“ и предвидува дека наскоро сите системи во автомобилите ќе бидат контролирани со гласовни команди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Српскиот тренер Александар Саша Ѓорѓевиќ се враќа во Турција

По двегодишна пауза, српскиот тренер Александар Саша Ѓорѓевиќ се враќа на тренерската работа и го презема турскиот Бахчешехир.

Како што објави Eurohoops, поранешниот селектор на Србија и Кина веќе ги договорил сите детали за соработката со клубот од Истанбул.

Ѓорѓевиќ ќе го наследи српскиот стручњак Марко Бараќ на клупата, а главна цел на клубот во следната сезона ќе биде пласман во Евролигата. Иако во изминатите недели се шпекулираше дека би можел да го преземе амбициозниот проект во Рим, кој го поддржува Лука Дончиќ, Ѓорѓевиќ на крајот реши да ја прифати понудата од Турција.

Неговиот последен ангажман беше на клупата на кинеската репрезентација, која ја напушти во 2024 година.

Во меѓувреме, тој беше поврзуван со неколку европски клубови и проектот Дубаи, но чекаше соодветно враќање на тренерската сцена. Ова ќе биде негово враќање во Истанбул, каде што веќе го водеше Фенербахче и ја освои титулата турски шампион во текот на сезоната 2021/22.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: ЗНАМ повторно ја брани изолацијата на Македонија, Мицкоски и неговата криминална група

ЗНАМ денеска излезе со соопштение во кое вели дека ЕУ интеграцијата мора да се темели на реформи, а не на „нови условувања“.

Ова е класична манипулација.

Нема нови условувања.

Уставните измени се дел од европската преговарачка рамка уште од самиот почеток. Тоа не е „уцена“, туку основен услов за отворање на преговорите - што вчера јасно го потврди и претседателот на Европскиот совет, Антонио Кошта.

Реформи оваа власт не спроведува.

Нека го прочитаат извештајот на Вајц и Комитетот на Европскиот парламент.

Таму јасно се вели дека нема напредок, нема владеење на правото и дека постои странско мешање.

ЗНАМ, партијата создадена и финансирана од Мицкоски за да ја разбие опозицијата, повторно ја брани политиката на изолација.

Наместо да им кажат на граѓаните дека без уставни измени нема напредок, тие повторно играат на картата на лаги - „национално достоинство“ и „уцени“.

Ова е истата приказна што ја турка и ВМРО-ОКГ со месеци.

Целта е јасна: да се спречи Македонија да влезе во ЕУ, за да може криминалната група на Мицкоски и Максим Димитриевски да продолжат да работат без контрола и без одговорност.

СДСМ уште одамна рече: поддржуваме само една работа - внесување на малцинствата во Уставот. За сè друго - не сме и нема да бидеме дел од оваа криминална структура.

Доста е со лаги и манипулации.

Реформи сега. Малцинства во Уставот сега. Европа сега.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби околу тендер за чистење на граничните премини и терминалите, во периодот од јули 2023 до март 2024 година.

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.