Македонија

Германскиот претседател Штајнмаер испрати јасни пораки велат аналитичарите

Со внимателно одбран вокабулар за чувствата на македонските граѓани, дипломатски прецизно спакуван, но и јасна порака дека уставните измени се патот кон членството на Македонија кон ЕУ.

Ова е оценката на дел од аналитичарите за настапот и пораките кои ги испрати германскиот претседател Штајнмајер во Скопје.

- Мислам дека претседателот се обиде да порача две работи. Едната е дека влезот во ЕУ не значи жртвување на некаков идентитет или некакво национално чувство и мислам дека тоа беше главната порака и неговите цитати се однесуваа на тоа. Но истовремено дека патот кон подобар живот и влез во ЕУ оди преку уставните измени. Тој прати силна политичка порака дека очекува уставните измени да се завршат и се обиде да не охрабри дека емотивната бариера која ја имаме за нив не треба да ни значи премногу. Бидејќи најголемиот дел од претпристапните фондови се отвораат со отворањето на поглавјата, како и реформите, изјави Арсовски.

- Може да биде непријатно и неприфатливо што сугерира промена на нашиот устав, бидејќи тоа не е негова работа, ниту на странците, тоа е чисто македонска работа, меѓутоа има многу позитивни елементи околку најпрво полагањето на венец на гробот на Гоце Делчев, тоа можеа да го избегнат, нели за да не ги вознемируваат Бугарите. Околу нашите великани и пораките за нив итн. И најјасна е пораката дека проширување на ЕУ нема да има, изјави Никоски.

Аплаузите од опозициските пратеници кои ги доби Штајнмајер во македонското Собрание, за разлика од негодувањата и транспарентите со „не“ од опозицијата за време на обраќањето на шефицата на ЕК Фон дер Лајен, според аналитичарите се должат на неговиот инспиративен говор и шарм на голем државник, но не го исклучуваат и притисокот врз опозицијата за уставните измени.

- Мислам дека повеќе се однесува на квалитетот на неговиот говор кој на вистински начин ги адресираше загриженостите на македонските пратеници, па реагираа подобро во емотивна смисла. Истовремено треба да бидеме свесни дека како што поминува времето ние гледаме дека тој процес е реален. И како што ќе поминува времето притисокот врз опозицијата ќе биде поголем, вели Арсовски.

-Сосема различно е кога тука доаѓа и се обраќа во Собранието Фон дер Лајен, шефицата на ЕУ, а сосема е друго кога ќе е тука претседателот на Германија. Наш, народски кажано, душман е Унијата која си игра мајтап со оваа држава веќе 20 години. И кога доаѓа нивниот прв човек ти не можеш поинаку да реагираш отколку да му ставиш до знаење дека доста беше. Германскиот претседател не е ескпониран во таа линија иако Германија има носечка улога во Унијата, вели Никоски.

Пораките од Штајнмајер будно ги следеа и во бугарската јавност. Во тамошните медиуми доминираат насловите од типот „Македонија да го признае бугарското малцинство“ и „Германија ја притиска Македонија да ја признае бугарската заедница“, со акцент на уставните измени кои земјава треба да ги направи.

Живот

Американка има хоби: 90% од телото ми е прекриено со тетоважи, но не сум лоша мајка (ФОТО)

Кајла е жена која, како и сите други, има хоби и нешто што ја интересира, меѓутоа, нејзиното хоби е невообичаено на многу начини, бидејќи е опседната со тетоважи.

Иако има околу педесет години, Кајла, која живее во Илиноис, признава дека понекогаш се тетовира двапати неделно, пренесува Мирор.

-Никогаш во животот не замислував дека ќе бидам вака истетовирана - вели Кајла, која признала дека заедно со партнерот Вампиро биле исфрлени од ресторан бидејќи имале премногу тетоважи на телата.

Имено, тие седнале во ресторанот, нарачале оброк, а потоа пристигнал келнерот, кој им рекол дека не се добредојдени на тоа место и дека мора да си заминат. И како што вели Кајла, тие во тој момент биле љубезни како и сите други гости, освен што Кајла и нејзиниот партнер физички изгледале поинаку. Сега стравува дека тоа ќе стане „обичај“, дека нема да смее да користи одредена услуга или слично, само поради нејзиниот изглед и љубовта кон тетоважите.

Сепак, Кајла признава дека најлошите реакции доаѓаат од интернетот.

- Најчестиот коментар што го гледам е 'беше толку убава додека не се уништи себеси со тетоважи'. Ништо од тоа не ми пречи, не е за внимание, едноставно ми се допаѓа како изгледам“, рекла оваа жена.

Коментарите што таа ги чита на социјалните мрежи понекогаш се навистина вознемирувачки: „Каков добар пример за вашите деца! Само не ги разбирам овие луѓе!“, „Каков пример давате?“, „Жал ми е за вашите деца „... се само дел од коментарите.

Но, имало и такви кои ја поддржале и ја бранеле од разни негативни коментари, велејќи дека „тетовираните луѓе и луѓето со пирсинг се најневеројатните луѓе што сум ги сретнал. Ако моите деца некогаш се изгубат, им велам да најдат некој кој има тетоважи или пирсинг или да најде моторџија Овие луѓе ќе ти помогнат да си го најдеш патот до дома“.

Некои други коментари биле дека тоа што некој има тетоважи, дури и многу од нив, не значи дека тоа е знак дека таа личност е лош родител.

„Таа е апсолутно убава со нив“, беше уште еден коментар кој, барем за кратко, стави крај на оваа преписка и дискусија на социјалните мрежи.

Свет

Осуденик на доживотен затвор, сопственик на озлогласен сајт- Рос Улбрихт е помилуван од Трамп

Американскиот претседател Доналд Трамп потврди дека потпишал целосно и безусловно помилување за Рос Улбрихт, основачот на сајтот Silk Road на дарк вебот, која се користел за масовна трговија со дрога.

Улбрихт е прогласен за виновен во Њујорк во 2015 година за заговор со дрога и перење пари и беше осуден на доживотен затвор. Трамп на својата платформа Truth Social објави дека ѝ се јавил на мајката на Улбрихт за да ја извести дека го помилувал нејзиниот син, објави Би-Би-Си.

Веб-страницата „Silk Road “, беше затворена во 2013 година, откако полицијата го уапси Улбрихт, кој продаваше нелегални дроги користејќи биткоин, како и хакирање опрема и украдени пасоши.

„Олошите што работеа да го осудат беа дел од истите лудаци вклучени во модерното вооружување на моќта против мене денес. Тој доби две доживотни казни, плус 40 години. Глупости!“

Улбрихт беше прогласен за виновен за обвиненија, вклучувајќи заговор за трговија со дрога, перење пари и компјутерско хакирање. За време на судењето, обвинителите тврдеа дека веб-страницата на Улбрихт, сместена на скриената „темна мрежа“, анонимно продавала дрога во вредност од над 200 милиони долари.

Тој го водел Silk Road под псевдонимот „Dread Pirate Roberts“, повикувајќи се на лик од филмот „The Princess Bride“ од 1987 година. Обвинителите, исто така, тврдеа дека Улбрихт наредил шест нарачани убиства, вклучително и едно против поранешен вработен во Патот на свилата, иако немале докази дека убиствата навистина биле извршени.

Патот на свилата го добил името по историските трговски патишта што ги поврзувале Европа, Азија и делови од Африка. Веб-страницата се здоби со слава преку медиумски извештаи и онлајн дискусии. Корисниците можеа да пристапат на страницата само преку Tor, систем кој дозволува анонимно користење на интернет без откривање на идентитетот или локацијата.

Судските документи на ФБИ наведуваат дека страницата имала нешто помалку од милион регистрирани корисници, но иследниците не можеле да утврдат колку од нив биле активни. За време на изрекувањето на пресудата, судијката Кетрин Форест рече дека Улбрихт „не е подобар од кој било друг дилер на дрога“.

Таа рече дека страницата е негова „внимателно планирана животна работа“.

Судијката нагласи дека острата казна е и порака до другите кои би сакале да го имитираат дека ќе се соочат со „многу сериозни последици“.

„Сакав да ги поттикнам луѓето да прават свој избор во животот и да имаат приватност и анонимност“, рече Улбрихт при изрекувањето на пресудата во мај 2015 година.

Трамп претходно навести дека планира да му ја ублажи казната на Улбрихт за време на говорот минатата година на Националната конвенција на слободата. Слободарската партија се залагаше за ослободување на Улбрихт, сметајќи го неговиот случај како пример за прекумерно мешање на владата.

Републиканскиот конгресмен Томас Маси, сојузник на Трамп, ја пофали одлуката на претседателот.

„Ви благодарам што го одржавте зборот кон мене и кон другите кои се залагаа за слободата на Рос“, рече конгресменот од Кентаки.

Свет

Полицијата во САД има голем проблем: Стаорци ја изеле запленетата дрога, станале зависни(ВИДЕО)

Полицијата во Хјустон и градските власти предупредија на „инвазија на глодари“ што предизвикува големи проблеми во складирањето на докази и запленети предмети.

На јавноста ѝ било кажано дека стаорците биле „привлечени од запленетите наркотици“, со кои се хранеле, додека ги уништувале другите докази, пренесува UPI.com.

„Имаме стотици илјади фунти марихуана во магацините во кои уживаат стаорците“, изјави градоначалникот Џон Витмајр, најавувајќи ја новата акција.

Имено, властите планираат да ги реорганизираат просториите во кои се чуваат 1,2 милиони докази, како и да ги уништат запленетите нелегални супстанции пред 2015 година.

„Ние чуваме толку многу докази кои повеќе не се потребни и немаат влијание врз случаите“, додаде Витмајер.

Шефот на Центарот за форензичка наука, Питер Стаут, за новинарите изјави дека запленетите големи количества дрога ставаат во опасност други докази.

„Полицијата ангажираше служба за контрола и истребување на штетници, но глодарите се упорни. Тешко е да се справиш со нив“, рече Стаут.

Официјалните лица откриле дека стаорците еднаш изглодале низ кеса во која имало количество халуциногени печурки.

Овој проблем, сепак, не е ограничен само на Хјустон. Претставници на полицискиот оддел на Њу Орлеанс во март 2024 година рекоа дека доказите биле под „наезда од штетници“, вклучувајќи стаорци и лебарки.

„Стаорците јадат марихуана, сите се зависници“, изјавила портпаролката на полицијата Ен Киркпатрик.

притисни ентер