Технологија

Германски Bosch ќе произведува чипови

Германскиот производител на автомобилски делови, Бош, отвори фабрика за чипови во Дрезден, забрзувајќи ги плановите да го искористи периодот на голема побарувачка во автомобилската индустрија, попречен од глобалниот недостиг.

Фабриката ќе произведува чипови за „интернетски потреби“ и за автомобилската индустрија на плочки од 300 милиметри, а компанијата вложила околу милијарда евра во неа, се вели во соопштението објавено вчера.

Тоа е најголемата инвестиција во историјата на компанијата, се посочува.

Во почетната фаза, полупроводниците ќе се користат за електрични алати на Бош, а производството за автомобилската индустрија ќе започне во јули, шест месеци порано од планираното од Бош.

Фабриката треба да биде целосно дигитализирана и мрежна со тек на времето, а бројот на вработени се зголемил од сегашните 250 на околу 700 работници.

Со производството на чипови, Бош ќе се обиде да го намали глобалниот недостиг што ги погоди производителите на автомобили и електрични уреди откако пандемијата предизвика бран побарувачка за информатичка технологија, бидејќи многу работници започнаа да работат од дома.

Голем број водечки германски производители на автомобили, вклучувајќи ги Дајмлер, БМВ и Ауди, беа принудени да го намалат производството во такви услови и да бараат нови извори на снабдување.

Германската канцеларка Ангела Меркел предупреди дека нарушувањата во снабдувањето го попречуваат закрепнувањето на економијата од корона кризата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Голем пожар на плац на автобуската компанија во близина на селото Тркање, кочанско

Голем пожар избувна утрово на плац со гаражи и автобуси во близина на селото Тркање, предизвикувајќи сериозна материјална штета.

Огнената стихија избувнала околу 9 часот во објектот на компанијата, кој се наоѓа во месноста Цацков Бунар, во непосредна близина на бензинска пумпа .

Со брза интервенција на протипожарните единици од Кочани и Виница пожарот е изгаснат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заради климатските промени расте интересот за одгледување маслинки во Македонија

Климатските промени кои ни се веќе реалност која ја живееме а кои со себе носат потопли и посушни лета и се поблаги зими покрај проблемите за земјоделците носат и придобивки.

Една од тие придовки со затоплувањето е ширењето на насадите под маслинки во Македонија, кои досега беа карактеристични само за медитеранските продрачја а сега веќе границата драстично се поместува.

Засега овие насади во помал број се подигаат во јужните региони во земјава, Дојран, Гевгелија, Валандово но според науката за тоа каде успешно може да се одгледуваат маслинки не треба да се гледа регионот туку важни се многу фактори поврзани со микро локацијата.

Пред 20 тина години во Македонија имаше голем инересот за подигање на маслинови насади но најголемиот дел од нив измрзнаа зимата 2001/2002 поради долгиот период со многу ниски температури.

Маслинката иако е исклучително способна за регенарација и нејзината долговечност од 100 години па дури има записи за маслинови дрва стари и до 2000 години сепак може да измрзне ако се работи за млади садници. Затоа препораката на стручните лица е да се засадуваат трогодишни садници и уште најмалку две години да се заштити нивното стебло од можно мрзнење за потоа да немаат проблеми, нешто што го потврдуваат и земјоделците кои веќе 20 години имаат маслинки кои ги одгледуваат во Македонија.

Маслинката за која расте интересот за нејзино ширење нуди нови можности за македонското земјоделство. Макеоднија е целосно увозно зависна од трпезни маслинки како и од увоз на маслиново масло кое заради начинот на здрава исхарана станува се побарано, заради што немаат маслинките проблем со пласманот.

Но освен производство и преработка маслинките нудат и можнсот за развој на агро руралниот туризам за кој доста од странците кои ја посетуваат земјава се заинтересирани.

Тагови: маслинки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Втор круг од предвремените избори за градоначалник во Брвеница

Во општина Брвеница се одвива гласањето за избор на градоначалник во вториот круг од предвремените избори.

Според Државната изборна комисија гласањео почнало навреме во седум часот а во првите два часа гласале 3,98 отстои од запишаните избирачи, што е повисока излезност од 1,52 отсто во споредба со првиот круг.

До 11 часот излезноста била 13,82 отсто, што за 4,71 процент во однос на првиот круг.. Во Брвеница е Михајло Видимлиски.

Михајло како се одвива гласањето, и колкав е одзивот од гласањето според последните информации од ДИК?

Kога ќе биде следната прес конференција на ДИК, и кога може да се очекуваат последните информации околу излезноста?

Во видеото погледнете го целиот извештај.

Тагови: Брвеница ДИК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.