Германската полиција по грешка застрела војник на Бундесверот додека бил на симулациска вежба - Канал 5

Свет

Германската полиција по грешка застрела војник на Бундесверот додека бил на симулациска вежба

Германската полиција застрелала војник за време на голема вежба на Бундесверот, вооружените сили на Германија, во јужниот град Ердинг, соопштија официјални лица.

Германската полиција по грешка застрела војник на Бундесверот додека бил на симулациска вежба

Портпаролот на оперативната команда на Бундесверот изјави за ДПА дека полицијата, која била повикана од локалните жители, оиради недоразбирање испукала куршум кон војник кој учествувал во вежбата.

Војникот добил полесни повреди и бил префрлен во болница, од каде што во меѓувреме бил пуштен, додаде портпаролот.

Полицијата соопшти дека реагирала на пријави за маж кој носел оружје и распоредила повеќе единици.

„Подоцна се покажа дека вооруженото лице било член на германските вооружени сили кој бил на местото на настанот како дел од вежба“, се наведува во соопштението на полицијата.

Целта на вежбата била да се симулира борба зад замислената линија на фронтот во одбранбена ситуација, а во неа учествувале армијата, полицијата и противпожарните и спасувачките служби.

Невообичаена карактеристика на вежбата е тоа што приближно 500 војници и околу 300 лица од цивилните служби за итни случаи ги спроведуваат вежбите на јавни површини, наместо на затворени воени полигони за обука.

Според Бундесверот, со неа се вежбал одговор на „заднинските“ закани, вклучувајќи напади со беспилотни летала, саботажи и таканаречени нерегуларни вооружени сили или борци кои не се членови на војската на државата.

Сценариото претпоставува дека е нападната членка на НАТО, што би довело до одбрана на ниво на целата Алијанса.

Вежбата, исто така, опфаќа контрола на сообраќајот, лоцирање скриено оружје, борба против нелегалната трговија со оружје и заштита на критичната инфраструктура.

Покрај тоа, војниците вежбаат одбрана од непријателски беспилотни летала и распоредување на свои.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер