Грабежот во музејот во Дрезден од германските медиуми е наречен најголем грабеж на уметнички дела од Втората светска војна .
Разбојниците влегоа во историскиот музеј „Зелен трезор“ во Кралската палата во Дрезден, каде што се чуваат 4.000 предмети од слонова коска, злато, сребро и накит во зори во понеделникот, откако била прекината електрична енергија и деактивиран алармот.
Директорот на музејот, Мерион Акерман, изјави пред новинарите дека вредноста на украдениот накит е непроценлива.
Посебната важност на украдените колекции накит со дијаманти и рубини од 18 век е во нивната историска и културна вредност отколку во материјалната, изјави Акерман и одби да даде проценка на финансиската штета.
„Не можеме да ја откриеме точната вредност затоа што тие се непроценливи“, рече таа. Дирк Синдрам, вториот директор на музејот, рече дека колекциите се „еден вид светско наследство“ и содржат околу 100 парчиња накит.
Набргу потоа, германската полиција објави снимка за грабежот.
На снимката се гледа како еден од ограбувачите ја крши витрината со секира и од таму го вади накитот.
Во меѓувреме, полицијата објави и фотографии од украдениот накит.