Германија воведува промени во воената служба - Канал 5

Свет

Германија воведува промени во воената служба

Германската влада постигна договор за идниот концепт на воена служба, кој би вклучувал задолжителен преглед на регрутите, но самата служба би останала на доброволна основа, објави денеска германската Влада. 

Германија воведува промени во воената служба

„Ова е одлучувачки чекор кон зголемување на одбранбената подготвеност на Германија“, додаде германската Влада.

Новиот концепт предвидува задолжително вклучување на сите 18-годишни мажи во воените регистри. Според законот за воена служба, што треба да стапи на сила на почетокот на следната година, младите мажи кога ќе наполнат 18 години ќе треба да пополнат прашалник за мотивација и да се подложат на лекарски преглед. Оваа постапка би била задолжителна само за млади мажи.

Следната година, сите млади мажи родени во 2008 година треба да бидат поканети на задолжителен преглед. Девојките исто така, можат да пристапат до евиденцијата, но за разлика од момчињата тоа за нив ќе биде на доброволна основа.

За да се привлечат што е можно повеќе способни регрути на доброволна воена служба, планирана е месечна финансиска поддршка од 2.600 евра бруто, како и делумна субвенција за полагање на возачки испит.

Доколку не се пронајдат доволно регрути на доброволна основа, Бундестагот може да одлучи за воведување на регрутација по потреба. Во тој случај, би се одлучувало врз основа на принципот на случаен избор на тоа кој треба да служи воена служба.

Целта на новиот закон е да се зголеми бројот на активни војници од сегашните 183 на 255 до 270 илјади. Уште во 2011 година, Германија ја укина обврската за служење во војска, но поради нападот на Русија врз Украина и новонастанатата безбедносна ситуација, се покажа потребата од дополнителни мерки за зголемување на активниот состав на Бундесверот.

Во рамките на владејачката христијанско-демократска коалиција на канцеларот Фридрих Мерц, особено спорна беше одлуката за тоа по кои принципи ќе се одлучи за тоа кој е должен да служи војска во случај на недоволен број волонтери.

„Сигурен сум дека ќе постигнеме доволен број војници и на доброволна основа“, изјави претседателот на клубот на СПД, Матијас Мирш, по состанокот на претставничките клубови на Унијата ЦДУ/ЦСУ и Социјалдемократската партија на Германија (СПД).

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC.

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC, институција која располага со инвестициски капацитет од 205 милијарди долари и претставува значаен инструмент на САД за мобилизирање приватен капитал и инвестиции во стратешки сектори.

Разговаравме за можностите за продлабочување на соработката и отворање нови перспективи за инвестиции во Македонија, особено во стратешки области како енергетиката, високите технологии и современата инфраструктура.

Нашата цел е преку силното стратешко партнерство со Соединетите Американски Држави да создадеме нови можности за економски развој, привлекување инвестиции и подобар стандард за граѓаните, напиша на својот профил на Фејсбук, премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Се огласија сирени во два полски града, затворени и аеродромите

Полска привремено затвори два аеродрома поради воени дејствија на руските воздухопловни сили во соседна Украина. 

Видео: Се огласија сирени во два полски града, затворени и аеродромите

Пријавени се експлозии во близина на полско-украинската граница.

Оперативната команда на полските вооружени сили соопшти дека активностите во воздушниот простор се поврзани со руските напади со беспилотни летала во Украина, пренесува LBC.

Украински претставник потврди дека за време на денешниот руски напад со беспилотни летала, се слушнале експлозии на неколку километри од границата со Полска, која е членка на НАТО. Во Жешов и Лублин, во источниот дел на земјата, се огласија сирените за воздушна опасност, а граѓаните беа предупредени да побараат засолниште.

„Копнените системи за противвоздушна одбрана и системите за радарски надзор се во состојба на целосна готовност“, соопштија Полските вооружени сили.

Од командата додадоа дека станува збор за превентивни мерки насочени кон обезбедување и заштита на воздушниот простор, особено во областите што граничат со загрозените региони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер