Германија повикува на „Европа со две брзини“ заради поголема конкурентност - Канал 5

Европа

Германија повикува на „Европа со две брзини“ заради поголема конкурентност

Сега е време за Европа со две брзини, изјави германскиот министер за финансии Ларс Клингбајл на собир одржан денеска во Берлин, во организација на германскиот весник „Ди Велт“.

Германија повикува на „Европа со две брзини“ заради поголема конкурентност

Министрите за финансии на Германија и Франција сакаат да ја зајакнат конкурентноста во рамки на Европската Унија преку воведување нов формат што би ги опфатил шесте водечки економии во Унијата, се наведува во писмо на Клингбајл во кое увид имаше агенцијата Ројтерс, пренесува Хина.

Во писмото, германскиот министер ги повикува партнерите од Франција, Полска, Шпанија, Италија и Холандија на видеоконференциска средба, со цел изработка на „амбициозна и конкретна програма“ за зајакнување на суверенитетот, отпорноста и конкурентноста на Европа.

Економиите на ЕУ настојуваат да ја намалат зависноста од увоз на критични суровини од земји како Кина, како и да ги ублажат стравувањата дека царините и фрагментацијата на глобалните пазари би можеле да го поткопаат економскиот раст и инвестициите.

„За да опстане во сè понепредвидливата геополитичка ситуација, Европа мора да стане посилна и поотпорна“, напиша Клингбајл во писмото од понеделникот, додавајќи дека статус-кво состојбата не може да биде опција.

Средбата закажана за среда треба да биде само „почеток“, по што се планираат и средби во живо на маргините на следната седница на Еврогрупата.

Писмото содржи план во четири точки, кој опфаќа унапредување на унијата на пазарите на капитал, зајакнување на еврото, координација на инвестициите во одбраната и заедничка набавка на суровини.

Според Клингбајл, коалицијата мора побрзо да воспостави унија на штедење и инвестиции, со цел обезбедување подобри услови за финансирање на европските компании, особено стартапите и брзорастечките фирми – таканаречените „скалап“ компании.

Еврото, пак, треба да има улога на безбедно засолниште на меѓународната сцена, врз основа на предвидливост и владеење на правото, смета германскиот министер, кој повика на намалување на бирократијата и зајакнување на суверенитетот во платежниот сектор.

Членките, според него, треба и подобро да соработуваат во трошоците за одбраната и да го потврдат нејзиниот приоритет во новиот повеќегодишен буџет на ЕУ. „Одбраната треба да стане мотор на растот“, нагласи Клингбајл.

Со цел обезбедување стратешки резерви на ретки земни метали, тој предлага засилени напори за јакнење на отпорноста на синџирите на снабдување и поголем стратешки ангажман со меѓународни партнери.

Идејата за „Европа со две брзини“ беше актуелна и во 2017 година, кога тогашниот француски претседател Франсоа Оланд ги повика лидерите на Италија, Германија и Шпанија на самит во Версај поради миграциската криза, но тогаш наиде на скепса кај поновите членки на Унијата, потсетува порталот „Еурактив“.

Тагови: Германија Европа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Да ги вратиме дебатите во партиските простори, СДСМ мора да се обедини и да се врати на терен

Градоначалникот на Општина Центар и претседател на ОО СДСМ Центар, Горан Герасимовски, во гостувањето во „Вести плус“ на Канал 5 порача дека клучниот чекор за СДСМ е обединување на членството, враќање на терен.

Герасимовски: Да ги вратиме дебатите во партиските простори, СДСМ мора да се обедини и да се врати на терен


Градоначалникот на Општина Центар и претседател на ОО СДСМ Центар, Горан Герасимовски, во гостувањето во „Вести плус“ на Канал 5 порача дека клучниот чекор за СДСМ е обединување на членството, враќање на терен и градење политики заедно со граѓаните.

„Пред нас има многу работа. Потребно е повторно да ја екипираме партијата, да ги вклучиме сите луѓе кои со години придонесувале за СДСМ, без разлика дали извршувале партиски или институционални функции. Денес повеќе од кога било ни е потребно единство, искуство и меѓусебна доверба“, истакна Герасимовски.

Тој нагласи дека политиката не смее да се води зад затворени врати, туку таму каде што се граѓаните.

„Во Општина Центар секојдневно сме на терен. Организираме маалски средби, буџетски форуми и ги слушаме потребите на граѓаните пред да донесеме одлуки. Истиот принцип треба да го применува и партијата – да го слушне секој член, секој предлог и секое мислење. Само така може повторно да ја изградиме довербата“, рече Герасимовски.

Тој порача дека сите различни ставови треба да бидат повод за дијалог и дебата, внатре во партијата, а не по кафеани и кулоари.

„Предизвиците со кои моментално се соочува партијата е недозволиво и нездраво да се дебатираат надвор од неа. Сите оние различности, сите ставови и размислувања, треба да се дебатираат во партиските простории“, заклучи Герасимовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен поранешниот градоначалник на Сплит, Жељко Керум

 Поранешниот градоначалник на Сплит, Жељко Керум, е уапсен по налог на УСКОК, потврди хрватскиот портал „Индекс“.

Уапсен поранешниот градоначалник на Сплит, Жељко Керум

Како што наведува тој портал, Керум бил уапсен синоќа, а неговото приведување е поврзано со истрагата за таканаречената афера „Таверна Пршут“, која се однесува на ресторан во сопственост на Керум во Каштела.

„Слободна Далмација“ пренесува дека во моментот на апсењето, Керум се наоѓал во Вела Лука, каде што се одржувал настан посветен на Оливер Драгојевиќ.

Според неофицијални информации, во случајот се опфатени и неколку други лица блиски до Керум, а „Индекс“ наведува дека е уапсен и внукот на Керум, како и Андрија Полиќ, поранешен виш стручен соработник за просторно планирање и изградба во градот Каштела.

Засега не е познато за кои конкретни кривични дела се товарат осомничените, ниту дали во текот на денот ќе има нови апсења или официјални информации за текот на истрагата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Епидемијата се смирува, но пронајдена е нова бактерија во гостиварскиот водовод

Епидемијата во Гостивар полека стивнува, но водата и понатаму може да се користи само за техничка употреба поради тоа што се појавила нова бактерија во водоводна мрежа кажа вчера премиерот Мицкоски.

Епидемијата се смирува, но пронајдена е нова бактерија во гостиварскиот водовод

Министерот за здравство Клековски пак рече дека бројот на новоаболени се намалува и очекува гостиварци да добијат питка вода до утре . Сепак, вели крај на епидимијата ќе може да се прогласи дури откако ќе нема ниту еден новозаболен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер