Гејмерите повеќе претпочитаат „Windows 10“ од „Windows 11“ - Канал 5

Технологија

Гејмерите повеќе претпочитаат „Windows 10“ од „Windows 11“

Тековниот оперативен систем на „Microsoft“ го загуби уделот на пазарот во текот на изминатиот месец на платформата „Steam“.

Гејмерите повеќе претпочитаат „Windows 10“ од „Windows 11“

„Windows 11“ е најновиот и најдобар оперативен систем на „Microsoft“, и бидејќи платформата достигна широко усвојување, има смисла дека сè повеќе корисници ја испробуваат.

Сепак, според податоците објавени од платформата за игри на „Valve“- „Steam“, некои корисници кои се обиделе со „Windows 11“, всушност потоа се префрлиле на „Windows 10“. Најновиот оперативен систем на „Microsoft“ изгуби удел на пазарот во текот на изминатиот месец.

„Windows“ и понатаму е водечка платформа за компјутери за игри, со пазарен удел од 97,03 отсто, што претставува зголемување од 0,66 отсто во споредба со претходниот месец.

„Windows 10 64-bit“ беше најголемото изненадување во текот на јуни, забележувајќи рекорден раст од 1,91 отсто (држејќи 73,17% од пазарот). „Windows 11“ имаше пад од 0,11 отсто и сега држи 21,12 отсто од пазарот.

Кога станува збор за другите оперативни системи, „macOS“ е втор најпопуларен избор, но со вкупен удел од само 1,74 проценти. Во текот на јуни, „Linux“ постигна раст и сега има 1,23 отсто удел од уредите со инсталиран „Steam“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Одговор на прашањата на ВМРО: “ВМРО-ОКГ се плаши од КПУ Идризово, Штип и Шутка”

Многу нервозно реагираат ВМРО кога се зборува за нов Изборен законик.

СДСМ: Одговор на прашањата на ВМРО: “ВМРО-ОКГ се плаши од КПУ Идризово, Штип и Шутка”

СДСМ сака нов Изборен законик, но не сака закон за кражба на изборите по мерка на Мицкоски. Сакаме дијаспората да гласа, како што гласаше и досега - само не сакаме Мицкоски да гласа од Белата палата наместо дијаспората.

Не се караме со нашите членови, функционери, аналитичари и професори. Оние кои вие ги претставувате како „наши“ се ваши сателити и дел од вашиот проект ЗНАМ 2.0. Тоа е ваша конструкција, а не наша.

СДСМ разговара со факти, докази и бројки. Голата реторика, популизмот и нарачаните анкети се ваша територија и територија на Орбановите медиуми.

Сега велите дека СДСМ е трета или четврта партија во државата, а во анкетата која ја објавивте денеска, СДСМ е втора партија.

Во истата анкета покажавте дека ВМРО-ОКГ има пад од 3,5% за само два месеци. Од изборите, според вашите нарачани анкети, вашиот пад е веќе 8%, додека СДСМ расте.

Вашата организирана криминална група го презеде синдромот од шефот на бандата Мицкоски, сите многу лажете. Веќе ни самите не знаете што лажете.

Како што вели народот: Кој лаже, тој и краде. А вие, како дел од владеачката тендер коалиција, тоа најдобро го знаете.

СДСМ сака ЕУ.

Таму судството и обвинителството се независни, а за криминалот се одговара.

За организиран криминал следуваат Шутка, Идризово и Штип. Токму од тоа се плаши Мицкоски и неговата екипа.

Скопје, 05.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Крим без струја

Украина нападна неколку електрични трафостаници во Крим преку ноќ, оставајќи го полуостровот анексиран од Русија без струја, според извештаите на каналите на социјалните медиуми.

Крим без струја

Транфостаниците Бахчисарај и Жимино беа цел на украинскиот ноќен напад, објави каналот Телеграм Ексиленова Плус. Проукраинскиот канал Кримски ветер претходно објави прекини на електричната енергија низ Крим како резултат на напади врз енергетската инфраструктура, пишува The Kyiv Independent.

Украина редовно изведува напади врз воената инфраструктура длабоко во руската територија и во окупираните области, во обид да ја намали способноста на Москва да ја продолжи војната.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Познати десетте најмоќни пасоши во светот според „Global Citizen Solution“

Објавен е Global Citizen Solution индексот на пасоши за 2026 година. Шведска е на прво место, додека САД паднаа на 12, македонскиот пасош на 78 место. Меѓу земјите од регионот најдобро рангирана е Словенија.

Познати десетте најмоќни пасоши во светот според „Global Citizen Solution“

Објавено е петтото издание на Глобалниот индекс на пасоши, кој ги рангира земјите врз основа на квалитетот на живот, слободата на патување и привлечноста за инвестирање.

Индексот на пасоши Henley е најпознатото рангирање на пасоши во светот и се објавува квартално, врз основа на бројот на земји во кои носителите на пасоши можат да патуваат без виза. Сепак, Global Citizen Solution, кое се објавува еднаш годишно, зема предвид три клучни критериуми, а најновата листа е објавена штотуку.

Покрај слободата на патување, односно бројот на дестинации во кои може да се влезе без виза, се анализира и привлечноста за инвестирање (даночна средина и конкурентност на економијата), како и квалитетот на живот (здравствен систем и социјална инфраструктура) во земјата што го издава пасошот.

Според овие критериуми, најмоќниот пасош во светот ѝ припаѓа на Шведска, која се рангираше на 11-то место по слободата на патување, на деветто по привлечноста за инвестиции и на второ место по квалитетот на живот.

Швајцарија се рангираше на второ место во генералниот пласман, како и на второ место по привлечноста за инвестиции. Финска е трета во генералниот пласман, четврта по слободата на патување и прва по квалитетот на живот.

Сингапур е само 115-ти по квалитетот на живот, но благодарение на првото место по слободата на патување (како што е потврдено од индексот на пасоши Henley) и првото место по привлечностa за инвестиции, се рангираше на десеттото место во генералниот пласман.

Десетте најмоќни пасоши во светот според Global Citizen Solution се следните:

1.Шведска

2.Швајцарија

3.Финска

4.Германија

5.Холандија

6.Данска

7.Ирска

8.Обединето Кралство

9.Норвешка

10.Сингапур

Една од најзабележителните промени е падот на САД, кои некогаш беа на врвот, а сега се наоѓаат на 12. место. Според извештајот, американскиот пасош бележи најголем пад меѓу земјите од Г7 во последните пет години.

Најсилниот пасош од поранешна Југославија е словенечкиот, на 37. место, по што следува хрватскиот на 42. место. Србија е далеку подолу, на 66. место (под Украина, која е на 65-то место). Сепак, Црна Гора (71. место), Македонија (78. место) и Босна и Херцеговина (83. место) се уште полошо рангирани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер