ГАЗДИНСКИ ПРИЛЕПСКИ ЗЕЛНИК СО СПАНАЌ - Канал 5

Рецепти

ГАЗДИНСКИ ПРИЛЕПСКИ ЗЕЛНИК СО СПАНАЌ

Рецепт на: Драгица Петреска  Гледајте „Избор на најдобри рецепти“, секој ден од понеделник до четврток во 10.00 часот.

ГАЗДИНСКИ ПРИЛЕПСКИ ЗЕЛНИК СО СПАНАЌ

Потребни состојки: 1 кг брашно, 500 гр. спанаќ, 300 гр. сирење, 5 јајца, 1 филџан масло, ½ коцка квасец, 1 маргарин, малку палента, 2 лажички сол и 1 лажиче шеќер.

Постапка:

Во подлабок сад се става: брашно, 2 лажички сол, 1 лажиче шеќер, ½ коцка квасец и 1 јајце.

Се додава млака вода и масло и се замесува тесто.

Тестото требa добро да се измеси со рацe.

Откако ќе се измеси тестото се дели на 2 дела и се остава да отстои малку.

За тоа време се подготвува зарзаватот.

Сечканиот спанаќ се посолува, се поросува со палента и се гмечи со раце.

Се матат 4 јајца и во нив се додава дробено сирење.

Добиената смеса се додава во спанаќот, се додава малку масло и се меша.

Од едниот дел се сука поголема кора и се премачкува со ½ маргарин.

Се сече во форма на полжав, се витка како клопче и се остава да отстои.

Истата постапка се повторува со вториот дел од тестото.

Првото тесто се расукува во кора со големина колку тепсијата.

Откако ќе се оформи кората се става во претходно премачканата тепсија со маргарин.

Одозгора се распоредува претходно подготвениот зарзават со спанаќ, сирење и јајца.

Од второто тесто се суче поголема кора и се реди врз зарзаватот.

Се прават витки по краевите и се попарува со 100 мл. врело масло.

Се пече во загреана рерна 10 минути на 250 степени.

Потоа се намалува на 170 степени и се пече уште 20-тина минути.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Огромен пожар избувна во близина на Мостар; Паника (ВИДЕО)

Голем пожар избувна денес во областа на Мостар, а пожарот би можел да го блокира главниот пат, бидејќи пожарот сè уште не е ставен под контрола, ниту пак е утврдена неговата причина, објавија локалните медиуми.

Огромен пожар избувна во близина на Мостар; Паника (ВИДЕО)

Пожарот избувнал на Буна, спроти Намекс, во правец на реката Неретва, а Професионалната противпожарна служба на Мостар потврди дека екипи се на терен и работат на гаснење на пожарот, објави веб-страницата на Требињеданас.

Сè уште не е познато што го предизвикало пожарот или колку површина е зафатена од пожарот, но фотографиите од терен покажуваат дека пожарот се заканува да го блокира главниот пат Мостар-Сараево, додека целата област е покриена со густ чад.

Извор:Б92

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциска контрола во сообраќајот во Скопје, изречени 219 санкции, одземен еден мопед

На 14.06.2026 во периодот од 16:00 до 24:00 часот на подрачјето на Скопје, Одделението за безбедност на патниот сообраќај и Единицата за полициски станици од општа надлежност при СВР Скопје спроведоа зајакната акциска контрола во сообраќајот.

Акциска контрола во сообраќајот во Скопје, изречени 219 санкции, одземен еден мопед

Притоа, беа преземени вкупно 219 мерки, од кои - 66 мерки за управување мотоцикл без кацига, шест мерки за возење со несоодветна категорија, 15 мерки за возење велосипед со помошен мотор без положен возачки испит, една мерка за нерегистриран мотоцикл, две мерки затоа што не застанале на даден знак и 129 мерки по останати прекршоци - не носеле возачка или сообраќајна дозвола, не била истакната регистарска табличка, недавање првенство на возила или на пешаци и друго. При акциската контрола, констатирано е едно кривично дело безобѕирно управување со мопед, односно присуство на алкохол во крвта од 1,93 промили по член 297-а од Кривичниот законик, по што мопедот е одземен.

Тагови: Акциска контрола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Веднаш по пријавата за пожар на две службени возила сопственост на Амбасадата на Република Бугарија во Скопје денеска (15.06.2026) во 12.13 часот, СВР Скопје презеде интензивни мерки и активности за расчистување на случајот и пронаоѓање на сторителот.

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Во рамки на преземените активности, во краток временски период е идентификувано и пронајдено лицето за кое постои основано сомнение дека го сторило делото. Станува збор за И.Д. (44) од Скопје, кој е лишен од слобода и задржан во полициска станица.

При преземените дејствија е пронајдена и облеката што лицето ја носело во моментот на извршување на делото. Во координација со надлежен јавен обвинител се преземаат мерки и активности за целосно расчистување на случајот, по што против лицето ќе биде поднесена соодветна кривична пријава по итна постапка.

Тагови: Бугарска амбасада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер