Израелските одбранбени сили уништија една третина од иранските лансери за балистички ракети и успеаја да попречат „големи делови“ од плановите на Иран за напад врз Израел, изјави портпаролот на Израелските одбранбени сили (ИДФ), бригаден генерал Ефи Дефрин.

Дефрин на прес-конференција изјави дека израелските воздухопловни сили воспоставиле „целосна воздушна супериорност“ над Техеран. ИДФ соопшти дека иранските напади се состоеле од околу 30 до 60 ракети поединечно и дека Иран се обидел да испука стотици балистички ракети одеднаш, но дека нападите на израелските одбранбени сили врз системи за лансирање балистички ракети во Иран ги попречиле нивните напади.

Дефрин изјави дека 65 ирански балистички ракети и десетици дронови биле лансирани врз Израел вчера вечерта и утрово, во два напада, од кои повеќето биле пресретнати, и дека осум лица биле убиени, а речиси 300 ранети во три напади.

- Веќе ништо не ме изненадува во фудбалот. Не знам што се случи внатре во клубот, па тешко ми е да судам. Ако ја донесоа оваа одлука, тоа значи дека мислат дека има друга опција која е подобра за иднината на клубот. Она што го направи Анже Постекоглу беше едноставно одлично, изјави Лорис.

Тотенхем го отпушти Постекоглу на почетокот на јуни, а Томас Франк го замени како главен тренер.

Гркот го водеше тимот од 2023 година. Минатата сезона, под негово водство, Спарс ја освоија Лигата на Европа и тоа беше нивни прв трофеј од 2008 година.

Британските медиуми пишуваа дека Постекоглу би можел да стане главен тренер на Ал-Ахли.

Старата скопска чаршија е најголемата чаршија на Балканот која претставува заштитен национален симбол и една од најголемите атракции на Скопје. Целта на „Ритамот на чаршијата“ е да ја заживее чаршијата од еден поинаквов агол, во духот на ритамот, велат организаторите.

-Чаршијата плени со мали дуќанчиња, занаетчиски објекти, верски објекти, чајџилници, ресторани, музеи и амами кои се само дел од обликуваноста на просторот и времето од убавината на Старата чаршија во Скопје и затоа таа е една која што е меѓу најпосетуваните локации од страна на туристите и локалните жители. Самата прошетка низ нејзините калдрмени улици е магија преку која овде сè уште може да се почувствува минатото – духот на градот. Чаршијата сѐ уште живее во духот на традицијата, во себе криејќи приказни за едно минато кое и денес оставило белег, велат од Детскиот културен центар - Карпош.

Оваа година ќе се популаризираат објектите Сули Ан и Музеј на македонската борба.

Публиката вечер со почеток во 19:00 часот во Сули Ан ќе го почуствува ритамот на чаршијата преку чалгиската музика на Тимчо Чичаковски-трио, а в четврток во 19 часот со свој концерт на пијано ќе се претстави Јован Станковиќ, млад талентиран ученик во ДМБУЦ „Илија Николовски - Луј“ во класата на проф. Весна Ангелова Христов. Гости на концертот се Матеј Петковски и Никола Соколовски на кларинет. Влезот е слободен.