Фудбалер му го спаси животот на противникот и доби награда од ФИФА (ВИДЕО) - Канал 5

Фудбал

Фудбалер му го спаси животот на противникот и доби награда од ФИФА (ВИДЕО)

Фудбалерот на Кремонезе, Лука Лохошвили е добитник на наградата за фер плеј на ФИФА за 2022 година за неговиот херојски гест на натпреварот од австриската Бундес лига.

Фудбалер му го спаси животот на противникот и доби награда од ФИФА (ВИДЕО)

Во февруари 2022 година, како фудбалер на Волфсбергер, Лохошвили првпат обрна внимание на Георг Тигел, австриски фудбалер од Виена, кој се бореше за живот на теренот.

Судијата не забележал, а се чини ниту некој од останатите фудбалери, дека Тигл паднал и останал во несвест.

На видеото, кое повторно се појави по доделувањето на ФИФА наградите, може да се види Лохошвили како со голема брзина трча кон Тигл, ставајќи му ги прстите во устата за да му го извади јазикот.

Лекарите веднаш дојдоа, по што Тигл успеа да се разбуди, а Лохошвили беше препознаен како херој. Фудбалерите на двата тима му пријдоа за да му се заблагодарат за реакцијата, а ФИФА реши да му се заблагодари со награда.

„Многу ти благодарам Лука за брзата реакција, твојата интервенција можеби ми го спаси животот“, рече Тигл по натпреварот.

„Тоа беше најважната акција денес, сите сме горди на Лохошвили за таквата реакција. Тоа е неверојатно“, изјави Робин Дут, тренерот на Волфсбергер.

„Можеме само да му честитаме на Лохошвили и да му се заблагодариме. Дури и кога имате тренинзи, кога сте во таква ситуација, тешко е да преземете одговорност“, изјави тогаш Манфред Шмид, селекторот на Австрија од Виена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска-Давкова ќе учествува на Самитот за климатски промени (COP31) во Анталија

Претседателката Гордана Сиљановска-Давкова, денеска во Анталија, Република Турција ќе учествува на Лидерскиот самит во рамките на 31. Конференција на страните (COP31) на Конвенцијата на Обединетите Нации за климатски промени.

Претседателката Сиљановска-Давкова ќе учествува на Самитот за климатски промени (COP31) во Анталија

Предвидено е претседателката да се обрати на првата пленарна сесија за шефови на држави и влади, како и на дијалогот на високо ниво, посветен на транзицијата кон чиста енергија и електрификацијата. Таа ќе оствари билатерални средби со дел од учесниците на самитот.

Во состав на македонската делегација на COP31 се министерот за животна средина и просторно планирање, Муамет Хоџа и министерката за енергетика, рударство и минерални суровини, Сања Божиновска.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во полиција задржан романскиот возач на камионот по верижните судири на автопатот „Тракија

Бугарската влада го прогласи 11 ноември за ден на национална жалост по вчерашната трагедија во која во верижен судир на автопатот „Тракија, загинаа 11 лица, а 51 лице се повредени.

Во полиција задржан романскиот возач на камионот по верижните судири на автопатот „Тракија

Романскиот возач на камионот, кој учествувал во еден од двата верижни судири на автопатот „Тракија“ во бугарија, е задржан во полиција.Тој веќе бил сослушан, а се очекува повторно да даде исказ во текот на денот.Засега не е утврдено како се движел камионот непосредно пред несреќата.

Според првичните информации, видливоста на автопатот нагло се намалила.Полицијата проверува дали камионот се движел со мала брзина или се вклучувал од споредна лента.Во двата верижни судири, во близина на клучката Зимница, учествувале вкупно 86 возила.Во правец кон Бургас се судриле 63 возила, а кон Софија уште 23.

Бугарските истражни органи најавија дополнителни вештачења за утврдување на причините за несреќата .

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Венецијанската комисија ќе го оценува новиот модел за полагање на правосудниот испит

Владата ќе побара итно мислење од Венецијанската комисија за предложениот модел за полагање на Правосудниот испит.

Венецијанската комисија ќе го оценува новиот модел за полагање на правосудниот испит

Со овој чекор, како што соопштуваат од Министерството за правда, се обезбедува независна меѓународна експертска оцена за усогласеноста на предложеното решение со Уставот, меѓународните правни инструменти и европските стандарди.За време на престојот на експертите предвидени се и практични демонстрации на писмениот дел од испитот во Апелациониот суд во Скопје, како и на усниот дел во просториите на Министерството за правда..

Предложениот модел предвидува воведување единствен систем на полагање, со еднакви услови и исти професионални критериуми за сите кандидати, без посебни испити или различни стандарди, велат од правда..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер