Франкен: Заканата со крстосувачки ракети „Томахавк“ го привлече вниманието на Путин - Канал 5

Свет

Франкен: Заканата со крстосувачки ракети „Томахавк“ го привлече вниманието на Путин

- Мислам дека нешто се менува. Работите дефинитивно се менуваат. Заканата со крстосувачките ракети „Томахавк“ го привлече вниманието на Путин, изјави Франкен во гостување во емисија на белгиската државна телевизија ВРТ. 

Франкен: Заканата со крстосувачки ракети „Томахавк“ го привлече вниманието на Путин

Одлуката на рускиот претседател Владимир Путин да се согласи да разговора со неговиот американски колега Доналд Трамп за мир во Украина, првенствено се должи на најавите од Вашингтон дека размислува за испорака на крстосувачки ракети „Томахавк“ на Киев, оцени белгискиот министер за одбрана Тео Франкен.

- Мислам дека нешто се менува. Работите дефинитивно се менуваат. Заканата со крстосувачките ракети „Томахавк“ го привлече вниманието на Путин, изјави Франкен во гостување во емисија на белгиската државна телевизија ВРТ.

Ракетите „Томахавк“ имаат дострел од приближно 2.500 километри, што би и овозможило на Украина да гаѓа стратешки цели уште подлабоко на територијата на Русија.

- Тогаш Украина би можела да нанесе уште поголема и посериозна штета. Заканата за опремување со „Томахавк“ за напади врз руските рафинерии за нафта и гас, е дефинитивно нешто што Путин го слуша, додаде Франкен.

Според него, Украина и сега со дронови извршила напади врз 25 проценти од овие капацитети, а со ракетите „Томахавк“ би можела да нанесе уште поголеми штети.

Франкен додаде и дека вистинската стратегија за да се убеди Русија да стави крај на војната е да се зајакнат санкциите.

- Не е лесно воено да се победи Русија. Тоа мора да го направи економски, со санкции. Мора да ги удрите таму каде што ги боли, по паричникот, рече Франкен.

Тој додаде дека најавите за построги санкции и преземените мерки против бордовите од т.н. „флота во сенка“ со кои се транспортираат руски стоки опфатени со режимот на санкции, се уште една причина зошто Путин сака „сега да седне на маса“.

- Фактот што Франција последно блокира брод од „флотата во сенка“ и е во процес на негово заробување, значи дека тие се во неволја. Затоа, не е незамисливо Путин сепак да реши да послуша, додаде Франкен.

Тагови: Владимир Путин Доналд Трамп украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Курти низ задниот влез го напушти собранието поради демонстрантите за ОВК, го изведе обезбедувањето (ВИДЕО)

Премиерот на Косово, Албин Курти, вечерва ја напушти зградата на парламентот низ задниот излез, бидејќи пред парламентот сè уште беа собрани поддржувачи на ОВК.

Курти низ задниот влез го напушти собранието поради демонстрантите за ОВК, го изведе обезбедувањето (ВИДЕО)

Курти го напушти парламентот низ задниот излез, во придружба на обезбедувањето, објави Косово-онлајн.

Претходно, Курти и Хамза одржаа состанок, откако косовското собрание ги усвои измените на Законот за специјализирани совети во прво читање, но тој заврши без договор.

Курти го замоли Хамза прво да гласа за претседателот, а потоа да продолжи со гласање за Законот за специјализирани совети во второ читање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тинејџер остана без дланка за време на судирите со полицијата во Франција (ВИДЕО)

Петнаесетгодишно момче остана без дланка во судирите меѓу средношколците и полицијата за време на интервенцијата за растурање на демонстрациите во северна Франција, соопшти локален функционер. 

Тинејџер остана без дланка за време на судирите со полицијата во Франција (ВИДЕО)

Инцидентот се случи денеска, еден ден пред националниот протест организиран од ученичките синдикати поради недоволното финансирање, пренатрупаните училишта и лошите услови во образовните установи.

Локалните медиуми објавија дека 15-годишниот тинејџер ја загубил дланката и дел од подлактницата откако активирал полициска шок-бомба во градот Ленс, која потоа експлодирала, додека протестите на учениците влегувале во третата недела.

YouTube video

Шест месеци пред изборите за наследник на претседателот Емануел Макрон, неговата влада и крајно десничарското национално Собрание, предводено од водечкиот претседателски кандидат Марин Ле Пен, ги обвинија пратениците и градоначалниците од крајно левичарската партија „Непокорна Франција“ за поттикнување на протестите, што партијата го негира.

Тагови: тинејџер Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски: Украина и Германија потпишаа договори вредни 8,5 милијарди евра

Украина и Германија потпишаа петнаесет договори во вредност од 8,5 милијарди евра, објави претседателот Володимир Зеленски денеска на Телеграм.

Зеленски: Украина и Германија потпишаа договори вредни 8,5 милијарди евра

Украина и Германија потпишаа петнаесет договори во вредност од 8,5 милијарди евра, објави претседателот Володимир Зеленски денес на Телеграм, заблагодарувајќи им се на Германија за нејзината поддршка и на германскиот канцелар Фридрих Мерц за неговата посета.

„Важни договори меѓу Украина и Германија што ќе ги зајакнат двете земји и нашите индустрии. Петнаесет договори, договори во вредност од 8,5 милијарди евра. Области на борба против беспилотни летала - пресретнувачи и мали ракети, радари, NRC, артилерија, ќе работиме колку што е можно повеќе на воздушната одбрана и зголемување на производството на ракети за системите Патриот во Германија. ФРЕЈА. Поддршка за енергетскиот сектор“, рече тој, пренесува Укринформ.

Според Зеленски, Германија ѝ помага на Украина за време на оваа војна.

„Сега Украина испраќа одбранбени и други нарачки, кои ќе им ги обезбедиме на компаниите во Германија. Ова ќе биде сериозен придонес. Ви благодарам, Фридрих, за посетата. Ви благодарам на Германија за поддршката“, додаде тој.

Како што објави Укринформ, Украина тестира мала ракета Ника и заеднички брз SPYS дрон со Германија за пресретнување на руски млазни беспилотни летала.

Зеленски вчера, на заедничка прес-конференција со германскиот канцелар Фридрих Мерц во Киев, изјави дека Украина и Германија потпишале 15 договори и документи за безбедносна соработка, производство на оружје и набавка на оружје од германската индустрија, со вкупна вредност од над 8,5 милијарди евра.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер