Францускиот весник L'Equipe со тешки навреди кон Ѓоковиќ, неговите фанови разлутени - Канал 5

Тенис

Францускиот весник L'Equipe со тешки навреди кон Ѓоковиќ, неговите фанови разлутени

Денеска францускиот весник Л’Екип објави напис под наслов „Без љубов кон Ѓоковиќ“, во кој новинарката Кристел Бонет жестоко го напаѓа српскиот тенисер, дури и на личен план.

Францускиот весник L

'' Зошто сакаме некого? Или да ја намалиме приказната, зошто сакаме еден спортист повеќе од друг? Се изнервиравте кога слушнавте дека Новак Ѓоковиќ го освои Австралија опен. Дечкото го освои девет пати, има 18 грен слема, скоро како Рафа Надал и е прв 310 недели, исто како Роџер Федерер. Ноле можеше да игра против влекачи и вие повторно ќе се двоумевте дали да навивате за него. Постојат повеќе хипотези за ова, можеби тоа е неговиот арогантен став, но ако сте биле обожавател на Иван Лендл, тогаш веројатно тоа не е причината. Можеби тоа е затоа што тој дојде по тандемот Федерер-Надал, па повеќе немаше љубов кон него. Или можеби тоа е поради неговата прекумерна желба да биде сакан, како што рече секогаш љубезниот Ник Киргиос: „Тој сака толку многу да биде сакан што не можам да го издржам“, напиша Бонет, отворено сомневајќи се дека Ѓоковиќ симулирал повреда за време на Австралија опен:

„Едноставно, тогаш го забележавме. Без разлика дали тој ќе го скрши рекетот или ќе биде внимателен со собирачите на топки, во најлош случај тоа ве нервира, во најдобар случај не ве интересира. Во Австралија тој тврдеше дека играл со искинат стомачен мускул во должина од 2,5 сантиметри. Дури и Watchmen (суперхерој од познатиот стрип на Алан Мур) би страдал во таква состојба. Запомнете, тој го освои Австралија опен сервирајќи со 200 милји на час со маријанска дупка во стомакот. Тој ве нервира. Не затоа што тој направи повеќе, но тоа само те нервира “, заклучува Бонет.

На ваквиот напис фановите на Ѓоковиќ шестоко одговорија со лични навреди кон Бонет , но и со оценки дека станува збор за безобразен и скандалозен напис во еден од водечките спортски медиуми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

 Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

Во болница почина убиецот од Полска

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АЛТА банка ги зголемува лимитите на платежните картички и отвора два нови шалтера во Тетово и Струмица

Од денеска, клиентите на АЛТА банка ќе можат да располагаат со поголем износ од своите средства.

АЛТА банка ги зголемува лимитите на платежните картички и отвора два нови шалтера во Тетово и Струмица

Неделниот лимит за подигање готовина од банкомат и плаќање со платежни картички се зголемува од 10 на 15 илјади денари. Истовремено, се проширува и мрежата за шалтерска исплата. Од денеска ќе бидат отворени и шалтери и во тетово и во струмица, каде што клиентите кои немаат платежни картички ќе можат да подигнат до 20 илјади денари во период од две недели, исто како и во експозитурата во Битола.

Олеснување, како што најави гувернерот Трајко Славески, ќе има и за идните приливи. Платите, пензиите и социјалните трансфери кои допрва ќе легнуваат на сметките на клиентите, доколку доаѓаат од институции или компании кои имаат сметки во други банки, ќе можат да се повлекуваат во целост..

Тагови: Алта банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремени локални врнежи од дожд

Времето денес според УХМР ќе биде променливо облачно со повремени локални врнежи од дожд.

Променливо облачно со повремени локални врнежи од дожд

Променливо облачно со повремени локални врнежи од дожд. Ќе дува слаб до умерен ветер од југоисточен правец, поизразен долж Повардарието.

Минималната температура ќе биде во интервал од 2 до 8, а максималната ќе достигне од 9 до 14 степени.

Во Скопје, променливо облачно со повремени врнежи од дожд со слаб интензитет. Ќе дува слаб ветер од променлив правец. Минималната температура ќе се спушти до 6, а максималната ќе достигне до 12 степени.

ВРЕМЕТО ВО НАРЕДНИТЕ ДЕНОВИ

Од вторник следува период на променливо облачно и потопло време. По одделни котлини ќе има услови за појава на утринска магла. Локални врнежи од дожд ќе има кон крајот на седмицата. Ќе дува слаб до умерен, а во петок повремено засилен до силен ветер од јужен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер