Според него добро е тоа што крајната цел на францускиот документ е полноправно членство на земјава во Европската Унија, а носечката идеја вели дека е да се забрза процесот на преговори за членство.
Експертот за земјите од Западен Балкан, Флоријан Бибер пак вели дека во францускиот нон-пејпер има добри идеи, но не очекува тој да биде разработен до Јануари идната година, како што најавува официјален Париз.
-Потребно ни е мислењето на останатите земји-членки, и потребна е сериозна дискусија. Исто така, не треба да се избрзува, тоа е шанса за сериозна дискусија за тоа како да работи проширувањето во корист на земјите, и не треба да велиме дека крајниот рок е поважен од содржината. Ако е потребен уште еден месец, тогаш нека потрае уште еден месец, и не е реалистично да се очекува тоа да се разреши до крајот на јануари,вели Флоријан Бибер – професор.
Вицепремиерот за евроинтеграции Бујар Османи, кој денеска се сретна со првиот човек на директоратот проширување во ЕУ, Кристијан Даниелсон, вели очекува Унијата во претстојниот период да ја разгледа можноста за одредување на датум за почеток на преговори без разлика на процесот на реформирање на методологија.
Суштината на новата методологија е побрзо и со конкретни бенефити да го вреднува напредокот на земјата кандидат, но во исто време, и да ја врати неколку чекори назад во случај на назадување во реформите.