Култура

Францускиот гудачки квартет „Диотима“ вечерва на „Охридско лето“

Фестивалската сцена на катедралната црква „Света Софија“ во Охрид вечерва резервирана за концертот за францускиот квартет „Диотима“, составен од уметниците Јин Пенг Жао и Констанс Ронцати на виолина, Франк Шевалие на виола и Пјер Морлет на виолончело.


Квартетот „Диотима“ е основан во 1996 година од музичари-лауреати на Националниот конзерваториум за музика во Париз и оттогаш е еден од најбараните ансамбли во светот.

Името на квартетот ги отсликува нивните музички афинитети - оној кон германскиот романтизам (Диотима е лик од новелата „Хиперион“ на Фридрих Холдерлин) и кон современата музика (делото на Луиџи Ноно „За Диотима“). Иако се познати по нивните читања на современите композитори, како и по соработките со некои од најголемите музички имиња на денешницата како Хелмут Лахенман, Тошио Хосокава, Брајан Фернејхаф и други, „Диотима“ своите програмски концепти ги комбинира со дела од стандардниот репертоар - особено оние на Равел, Дебиси , Барток, Шуберт, Бетовен, композиторите на Новата виенска школа и Јаначек.

Квартетот настапува на сите европски сцени и фестивали како Берлинската филхармонија, концертните сали во Мадрид, Лондон, Виена, како и во САД, Азија и Јужна Америка, а во периодот од 2012 до 2016 год. се матичен ансамбл на театарот „Комедија“ во Париз. Тие се добитници на бројни музички награди и признанија, како за нивните настапи, така и за снимените изданија. Во 2016 година одбележаа 20 години од постоењето со ексклузивно ЦД-издание на музиката за квартет на Виенската школа. Во сезоната што следи настапуваат во новата концертна сала во Хамбург, во „Концертгебау“ во Амстердам, во Лондон, Вашингтон, Варшава, Букурешт, како и на турнеи во Велика Британија, Шпанија, Русија, САД, Кореја и Јапонија.

На програмата на концертот со почеток од 20:30 часот се избрани дела за гудачки квартет на Шуберт и Равел, како и Лирска свита на Берг.

Македонија

Состојба на патиштата

Сообраќајот на државните патишта се одвива непречено, по суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

ЦУК: Осум пожари на отворено во изминатото деноноќие

Во последното деноноќие се евидентирани осум пожар на отворен простор, а активни утрово нема. Горела ниска вегетација, депонии и ѓубришта, соопшти ЦУК.

По еден пожар на отворено имало во село Трубарево (ниска вегетација), зад терминалот на влезот во Струмица (ѓубриште) и кај пробиштипското село Неокази (трска). Во Општина Ѓорче Петров имало два, кај „Стопански двор“ (ниска вегетација) и кај „Обиколница Волково“ (ниска вегетација). Три пожари на творено имало во Општина Кочани - горела градската депонија, кај месноста „Монополски Бавчи“ (ѓубриште) и кај местото „Игралиште“ во Кочани (ѓубриште).

Забава

Танц парада и мини концерт во Струга по повод Светскиот ден на танцот

Со танц парада и мини концерт на отворено, под мотото „Струга танцува“ студиото за танц „Бах“ денеска по четврти пат ќе го одбележи Светскиот ден на танцот - 29 април.

Тања Бах, кореограф и идеен творец на студиото за танц информира дека членовите на „Бах“ ќе тргнат од центарот за култура „Браќа Миладиновци“, покрај кејот на реката Црн Дрим ќе продефилираат низ Струшката чаршија, а потоа ќе одржат концерт во Паркот на поезијата.

-Танц парадата е еден креативен начин да го одбележиме Светскиот ден на танцот. Парадата е нашиот придонес во културните настани во градот на мостовите. Ќе приредиме едно вистинско уживање за публиката и на за нас својствен начин ќе потсетиме за физичките и психичките придобивки од танцувањето, изјави Бах.

Во Паркот на поезијата, додаде, 100-тината членови на „Бах“ ќе ја продолжат танцовата традиција во Струга.

Светскиот ден на танцот за прв пат е прославен на 29 април 1982 годинаа, оттогаш, секоја година на овој ден ширум светот се читаат меѓународни и национални пораки за танцот. Оваа иницијатива ја покрена Меѓународниот одбор за танц на Меѓународниот инститиут за танц на УНЕСКО, а го избра денот според роденденот на зачетникот на модерниот балет и еден од најголемите танцови реформатори, Жан Жорж Новер. /МИА

притисни ентер