Живот

Франција во шок- Кучиња до смрт изгризале бремена жена (ВИДЕО)

Безживотно тело на бремена жена е пронајдено во шума во близина на францускиот град Вилерс-Котеретс, која била изгризана до смрт додека ги шетала своите пет кучиња.

Според полициската истрага, бремената Елиса Пиларски (29) била убиена од кучиња за време на организиран лов на елени во шума во северна Франција. На нејзиното тело се утврдени неколку фатални каснувања на горните и долните екстремитети и на главата.

Полицијата тестирала 93 кучиња и отворила истрага за убиство. Тестовите ќе се споредат со примероците на ДНК земени од телото на Елиса Пиларски за да се утврди кои животни ја нападнале и ја изгризале до смрт.

Тестирани се и петте кучиња кои припаѓаат на убиената бремена жена, која била во шести месец на бременост.

Елиса пред да биде изгризана до смрт во саботата, му пратила порака на телефон на нејзиниот партнер изразувајќи загриженост дека може да биде нападната од чопор кучиња. Тој, кога видел дека Елиза не се вратила, се упатил кон шеталиштето каде го пронашол нејзиното тело. Тој, наводно, ги следел вознемирените крици на нејзините кучиња.

Младата двојка живеела во куќа близу шумата, а откако е пронајдено безживотно тело, партнерот на Елиса побарал помош од сосед, кој повикал полиција.

Чопорот кучиња ловеле елени во истата шума во саботата, пренесува Ле Куриер Пикард.

Ангела Ван Ден Берг, која го организирала ловот , потврди дека бил организиран во шумата во саботата, но, смета дека трагичниот настан немал никаква врска со нивните кучиња или ловот.

Француската актерка Брижит Бардо, истакната активистка за правата на животните, ги повика француските власти да ги укинат сите дозволи за лов оваа сезона што е можно поскоро. Француското ловечко здружение инсистира на тоа дека нема докази дека ловечките кучиња се одговорни за смртта на бремената жена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Винисиус: Играчите кои прават разлика на теренот, како мене и Јамал, мора да бидат заштитени

Ѕвездата на Реал Мадрид, Бразилецот, Винисиус Жуниор, оваа недела повторно јавно им се обрати на судиите и на надлежните органи кои ги регулираат правилата на играта, повикувајќи на подобра заштита на фудбалерите.

Во изјава за новинарите по победата на Реал Мадрид над Рома во Лигата на шампионите, одиграна на стадионот „Олимпико“во Рим, популарниот Вини ја искористи можноста да го изрази своето незадоволство, како од противничките одбранбени играчи, така и од судиите.

„Имам чувство дека одбранбените фудбалери можат да ме удираат кога и да посакаат, а сепак, на крајот јас сум тој што добива жолт картон. Сметам дека треба да ги заштитиме играчите кои прават разлика на теренот – како мене, Ламин Јамал и Хулијан Алварез“, изјави Винисиус.

Винисиус имаше големи потешкотии на теренот против Рома и беше заменет по еден час игра, откако не успеа да оствари значително влијание во нападот.

Тагови: Винисиус Жуниор Реал Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Болсонаро или Лула?

Сенаторот Флавио Болсонаро продолжува да води пред бразилскиот претседател Луиз Инасио Лула да Силва пред вториот круг од претседателските избори.

За потсетување, вториот круг е закажан за 25 октомври, сепак, според медиумските извештаи, разликата меѓу двајцата кандидати се намалила.

Како што пренесува Ројтерс, анкетата на институтот „Датафоља“, објавена во четвртокот, покажува дека Болсонаро – најстариот син на поранешниот претседател Жаир Болсонаро – би добил 47 отсто од гласовите, додека Лула би добил 45 отсто.

Во анкетата на „Датафоља“ објавена минатата недела, Болсонаро имаше поддршка од 49 отсто од испитаниците, наспроти 45 отсто за Лула.

Во првиот круг од претседателските избори, одржан на 4 октомври, Болсонаро освои 47,03 отсто од гласовите, додека Лула доби 45,16 отсто.

Бидејќи ниту еден од кандидатите не освои повеќе од 50 отсто од гласовите, тие ќе се соочат еден против друг во вториот круг на 25 октомври.

Извор: Б92

Тагови: Болсонаро Лула да Силва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес ја потресе Камчатка

Земјотрес со јачина од 6,5 степени според Рихтеровата скала е регистриран на Камчатка, а во некои области се почувствувани потреси со интензитет до пет степени, соопшти денеска руското Министерство за вонредни ситуации.

Во одредени делови на Петропавловск-Камчатски, како и во Уст-Камчатскиот и Алеутскиот округ, се почувствувани потреси со интензитет до четири степени, додека во окрузите Виључинск и Јелизово интензитетот достигнал пет степени, се наведува во соопштението објавено на платформата „Макс“.

Според податоците на огранокот на Камчатка при Геофизичката служба на Руската академија на науките, епицентарот на земјотресот бил на копно, во округот Јелизово, на 138 километри југоисточно од селото Уст-Болшерецк, на длабочина од 128 километри.

Службите за итни случаи не добиле никакви повици поврзани со земјотресот, а не е издадено ниту предупредување за цунами.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.