Живот

Фото+Видео: Проститутки во Бразил учат англиски пред Мундијалот

Во Бразил, кој идниот месец ќе биде домаќин на Купот на конфедерации, а наредната година и на Светското фудбалско првенство, проститутки учат англиски за што подобро да го искористат доаѓањето на илјадници навивачи и туристи.

Во градот Бало Хоризонте на југоистокот од земјата, каде ќе се одржуваат дел од натпреварите, како што ја пренесува српскиот Блиц приказната на AFP, проститутките Виторија и Андреа се подготвуваат за работа во еден скромен хотел во работнички кварт.

- Се шминкам, носам високи потпетици...Секогаш мора да изгледате убаво бидејќи конкуренцијата е силна и секој ден се појавува по некоја нова девојка – вели Андреа.

Виторија и Андреа се само две од тамошните 80.000 проститутки. Дневно имаат по дваесеттина клиенти, а секој од нив плаќа по 20 долари. Како што наближуваат големите настани, девојките се надеваат на зголемување на приходите, но новата клиентела ќе мора да се заведува – на англискиот јазик. Проблемот е што повеќето проститутки не го зборуваат јазикот така што тамошното здружение на сексуални работници реши да организира бесплатни часови по англиски.

Професор кој волонтерски ги подучува проститутките на англискиот јазик објаснува дека на часовите се фокусира на вокабуларот својствен на нивниот „бизнис“.

- Граматиката не ни е потребна, таа не е битна за нивната работа. Целта ни е да ги оспособиме за успешна конверзација за да можат да комуницираат со клиентот додека го услужуваат – објаснува професорот.

Од 300 проститутки колку што се пријавиле за курсот, само дваесеттина редовно одат на часови.

Се очекува дека во Бразил ќе пристигнат 40.00 странци за Купот кој почнува на 15 јуни, а 180.000 посетители се очекуваат за Светското првенство.

Свет

Белата куќа со осуда за „малиот процент“ студенти за предизвикување немири на универзитетите

Белата куќа осуди „мал процент студенти, поттикнувачи на немири“ по ноќните судири и апсења во одредени американски кампуси кои протестираат против војната во Газа.

„Студентите имаат право да посетуваат настава и да се чувствуваат безбедно“, рече портпаролката на Белата куќа Карин Жан-Пјер на прес-конференција, додавајќи: „Ќе продолжиме да нагласуваме дека антисемитизмот мора да биде осуден“.

Според американски медиуми, околу 1.000 луѓе се приведени во судирите на универзитетите ширум САД, и според податоци обезбедени од полицијата и властите во Њујорк, околу 300 луѓе биле приведени на Универзитетот Колумбија, центарот на протестите поради војната во Газа со обвиненија за прекршок, кражба и помали кривични дела.

На Универзитетот во Калифорнија во Лос Анџелес, попознат како UCLA, не се одржуваа часови. Таму во текот на ноќта избувнал конфликт кога, како што пренесуваат американски медиуми, група произраелски демонстранти се обиделе да ги урнат барикадите зад кои во шатори се наоѓале пропалестинските демонстранти.

Неколку часа пред да избијат немирите во UCLA, полицијата упадна во зградата на Универзитетот Колумбија во Њујорк, окупирана од антивоени демонстранти, завршувајќи го протестот кој ја парализираше институцијата.

Протести избија во околу 30 универзитети во САД, со барање САД да престане да го поддржува Израел и со компаниите кои ја поддржуваат војната во Газа. Тоа е убедливо најголемиот студентски протест во САД во 21-от век, а полициската реакција што следеше потсетува на сцени од 1960-тите кога имаше огромно студентско протестно движење против Виетнамската војна, јавија американските медиуми. /МИА

Регион

Во Србија продолжува парламентарна расправа, се чека гласање за новата влада

Српскиот парламент претпладнево ќе ја продолжи првата вонредна седница на која единствена точка на дневен ред е избор на Влада и давање заклетва на претседателот и членовите.

Се очекува дискусијата да продолжи, по што пратениците треба да гласаат, јавија српските медиуми.

Продолжението на првата вонредна седница на Националното собрание во актуелното свикување е закажано за девет часот. На седницата, која почна вчера, излагање поднесе претставникот за состав на новата Влада Милош Вучевиќ.

Во тричасовното обраќање пред пратениците, меѓу другото, тој истакна дека владата што ја предлага ќе биде влада на континуитет во најголема мера, како и дека полноправното членство во ЕУ останува стратешки приоритет на Србија. Тој наведе и дека најголемиот предизвик на новиот кабинет ќе биде одбраната на суверенитетот, ќе се предложи задолжителен воен рок од четири месеци. Вучевиќ порача дека членовите на Владата мора да бидат тим, дека секогаш мора да бидат подготвени да ги штитат националните и виталните интереси на Србија, а неговото прво и единствено барање е несомнената лојалност кон татковината. На Собранието му предложи 31 член на кабинетот, меѓу кои има осум нови личности. /МИА

Свет

Земјотрес од четири степени во поширокото подрачје на Лос Анџелес

Земјотрес со јачина од 4,1 степени според Рихтер синоќа го погоди поширокото подрачје на Лос Анџелес, соопшти Сеизмолошкиот институт на САД.

Земјотресот се случил во областа Корона, во близина на Лос Анџелес, објави Фокс.