Правата за новата верзија на филмот од 1992 година ги обезбедија Amazon MGM Studios, односно нивното студио United Artists, во соработка со продуцентот Скот Стубер. Најголемата вест за фановите на оригиналот е враќањето на сценаристот Џо Естерхас, кој ќе ја преработи приказната.

Во продукцискиот тим, заедно со Стубер, се вклучени и Ник Несбит од United Artists и Крег Баумгартен од Vault Entertainment, додека Адам Грифин ќе биде главен продуцент, пишува порталот The Wrap.

Феномен што ги одбележа деведесеттите години

Оригиналниот филм, во режија на контроверзниот Пол Верховен, а во кој глумат Мајкл Даглас и Шерон Стоун во нивните улоги што ја дефинираат кариерата, стана глобален културен феномен и огромен успех на кино благајните. Заработи над 350 милиони долари низ целиот свет, а приказната за детективот Ник Куран (Даглас) и неговата опасна игра на заведување со главниот осомничен, манипулативната писателка Кетрин Трамел (Стоун), сè уште ја интригира публиката и денес.

Филмот е запаметен по своите провокативни теми, експлицитна содржина и, секако, иконската сцена со испрашувањето на Шерон Стоун, која влезе во филмската историја и го дефинираше жанрот на еротски трилер.

Враќањето на контроверзниот автор

Џо Естерхас, унгарско-американски сценарист кој ја започна својата кариера како новинар, се смета за еден од највлијателните, но и контроверзни, холивудски автори на своето време. Неговиот стил, препознатлив по истражувањето на теми за сексуалност, моќ и морална двосмисленост, му донесе слава.

Покрај „Сурови страсти“, тој напиша и хитови како што се „Флешденс“ (1983) и „Маскираниот убиец“ (1985). Во своите признати мемоари од 2004 година „Холивудска анима“, Естерхас понуди брутално искрен поглед на светот на филмската индустрија.

Продуцент со голем број големи проекти

Скот Стубер моментално работи на голем број долгоочекувани наслови. Меѓу нив се „Франкенштајн“ на Гилермо дел Торо за Нетфликс и драмата „Избави ме од никаде“ во режија на Скот Купер. Во вториот филм, ѕвездата од серијата „Мечката“, Џереми Ален Вајт, го игра Брус Спрингстин во периодот кога познатиот музичар минувал низ егзистенцијална криза, од која се роди култниот албум „Небраска“. И двата филма пристигнуваат во кината оваа есен.

Демонстрантите скандираа „Стоп на имиграцијата!“ и „Стоп на имиграциската инвазија“ и држеа транспаренти на кои пишуваше: „Ова е Полска“ и „Полска за Полјаците“.

Антимуслимански и антисемитски симболи беа забележани меѓу толпите за време на протестите, објави Euronews.

Имаше и контрадемонстранти во неколку поголеми градови.

Протестите против мигрантите беа релативно мирни. Но, во Варшава, полицијата мораше да интервенира кога крајно десничарски хулигани поврзани со фудбалскиот тим Легија Варшава нападнаа група контрадемонстранти.

Конфедерацијата е позната по својата реторика против странците, ЛГБТ лицата и ЕУ. Политичката сила има членови и во полскиот парламент и во Европскиот парламент. На претседателските избори во Полска претходно оваа година, кандидатот на „Конфедерација“ се најде на третото место, а нова анкета за новинскиот портал „Онет“ покажа дека над 30 проценти од испитаниците би го поддржале учеството на „Конфедерација“ во идната владина коалиција.

Со пожарот се зафатени десетици хектари нискостеблеста шума и сува вегетација.

- Благодарение на брзиот и координиран ангажман на сите екипи и ресурси на терен, пожарот кој избувна на територија на општина Желино и се движеше во правец на Еребино во моментов е ставен под контрола. Благодарност до сите ангажирани служби за професионалноста и брзата реакција!, стои во објавата на веб страницата на ЦУК.

Оттаму целат дека состојбата и понатаму се следи внимателно, а екипите остануваат на терен сè додека не се елиминира целосно ризикот од повторно активирање.

Градоначалникот на Желино, Блерим Сејдиу попладне во изјава за медимуите рече дека има сомнежи дека човечки фактор е причина за пожарот и оти според информациите кои ги добил од пожарникарите најдени се запалени гуми од возила.

Во гаснење на пожарот помеѓу Желино и Еребино беа вклучени два авиона „Ер трактор“ на Дирекцијата за заштита и спасување, армиски хеликоптер, полициски камиони марка МАН со цистерна од осум тона и воден топ, два „пинцгауери“, еден „хермелин“, 30 војници и повеќе екипи на Скопската бригада за противпожарна заштита заедно со пожарникарите од ТППЕ Тетово.

Како што соопшти претходно АМСМ, поради пожарот од 13:15 часот регионалниот пат Тетово - Скопје на потег од Добарски надвозник до бензинска пумпа „Џезо Петрол“ е затворен за сообраќај. Сообраќајот се пренасочува по автопат Тетово-Скопје-Тетово кај село Групчин и село Желино.

Во текот на денешниот ден, заклучно со 14 часот, на територијата на државата се евидентирани вкупно 11 пожари на отворен простор, од кои шест се активни, три се под контрола, а три се изгаснати.

Покрај пожарот во Желино, активни се и пожарите во општините Василево – с. Нивичино, каде гори нискостеблеста шума, Македонски Брод – село Грешница со зафатена мешана шума и ниска вегетација, Прилеп – помеѓу селата Царевиќ и Смолани, мешана шума и ниска вегетација. Поради силен ветер повторно е активен пожарот во Велес – кај селата Џидимирци – Крушје – Иванковци, со краци во неколку правци, каде е зафатена мешана нискостеблеста деградирана шума, а пожар има во Општина Сарај до Обиколницата каде гори сува трева.