Фото: Симболот на хипи културата слави 70 години постоење

Фолксваген во изминатите седум децении продал преку 13 милиони примероци од ова мултифункционално возила.

Фолксваген Транспортер се менуваше низ своите шест генерации, но секако најпрепознатлива е верзијата од шеесеттите години од минатиот век, која најмногу се поврзува со хипи културата.

Првиот Транспортер е изработен рачно во 1949 година, за сериското производство на моделот кој ја носел фабричката ознака „Typ 2“ започнала на 8 март 1950 година во фабриката на Фолксваген во Волфсбург.

За погон бил употребен 1.1 литарски мотор со 25 коњски сили, кој на возилото му овозможувал да превезе до осум лица. 

Со тргање на задните два реда седишта, се добивал простор за превезување на товар, па „Typ 2“ е користен и како транспортно возило.

Големата побарувачка за ова возило го натерала Фолксваген после неколку години да отвори посебна фабрика во која се изработувал исклучиво Фолксваген „Typ 2 “.

Романтичната претстава за комбито настанала во текот на шеесеттите години од 20 век кога го присвоиле пред се младите во развиените западни земји. Како симбол за хипи културата, го користеле како превозно средство, но и како куќа на тркала.

Првата и втората генерација на моделот „Typ 2“ одамна се автомобилски класици, а по 70 години и 13 милиони произведени возила, името Транспортер и понатака е присутно во гамата на Фолксваген преку актуелната шеста генерација. 

Низ историјата, овој автомобил се произведува под разни имиња, па така во зависност од пазарот бил познат и како , Були, Комби, Бус, Микробус.

Сегашната, шеста генерација се појави во 2015 година а стилски е освежена во 2019 под ознаката „T6.1.“.

притисни ентер