Автомобилот кој потполно се издвојувал од тогашната продукција на Мерцедес е претставен на саемот за автомобили во Женева 1970 година.
Мерцедес „C111/II“ е експериментално концептно возило со кое герамнскиот произведувач најавувал потенцијален продукциски суперавтомобил.
Концептот бил голема атракција на тогашниот саем во Женева.
Мерцедес експериментирал со повеќе верзии и типови на мотор, па така во првите две возила „C111“ бил вграден ротационен (Wankel) мотор.
Автомобилот се издвојувал и по својата специфична, металик портокалова боја на надворешноста како и клинестиот облик на каросеријата.
Мерцедес „C111/II“ имал и специфични „gullwing“ врати кои се отвораат нагоре, а иако станува збор за спортски двосед со централно поставен мотор, автомобилот е осмислен како практично возило.
Имал два багажника, еден напред и друг одзади, зад моторот.
Овој автомобил е прв кој е целосно проектиран со помош на компјутер, што го скратило времето за развој и конструкција на ова возило за четири месеци.
На почетокот „C111/II“ користел за погон ротационен мотор, за подоцна да биде заменет со 3.5 литарски „V8“ агрегат.
Иако Мерцедес уште на женевскиот саем нагласил дека станува збор за експериментален концепт, набрзо бил преплавен со понуди од потенцијални купувачи кои сакале овој автомобил да го видат во својата гаража.
Меѓутоа, идејата да се продолжи со развој на продукциски модел подоцна е отфрлена, откако во седумдесеттите години од минатиот век настапила светска нафтена криза.
Мерцедес „C111“ никогаш не се развил во сериски автомобил, но остана запаметен како еден од најинтересните концептни возила од тој период
