Македонија

Фото: Почна есенската акција за генерално чистење на скопските општини

По повод Светскиот ден на чистењето – 21 септември, Градот Скопје и ЈП „Комунална хигиена“ денеска почнаа масовна акција за генерално чистење на сите скопски општини.

Во акцијата ќе бидат отстранети и графитите со навредлива содржина, коишто промовираат говор на омраза, верска и етничка нетрпеливост. Воедно, во периодот од 21.09 до 24.09.2019 година, во секоја општина ќе бидат поставени специјални садови во коишто граѓаните ќе можат да одлагаат кабаст отпад - стар мебел и отпад од електронската и електричната опрема. Почетокот на акцијата за чистење денеска го означија градоначалникот Петре Шилегов, градоначалникот на Општина Центар, Саша Богдановиќ, градоначалникот на Општина Гази Баба, Борче Георгиевски и директорот на ЈП „Комунална хигиена“, Абдусамед Шабани.

- Градот Скопје денеска почнува една масовна акција со која што што ќе помогнеме на општините да се исчистат споредните улици, бидејќи главните градски услици се предмет на секојдневен третман и истовремено да ја промовираме акцијата за собирање на кабаст отпад, односно негово правилно одлагање во специјални садови, а не во контејнерите. Исто така, со оваа акција ќе ги извадиме графитите од ѕидовите кои претставуваат говор на омраза. Тоа не значи дека градот е против урбаната уметност на графитите, туку против говорот на омраза. Урбаната уметност и графитите се симбол на секој град и Град Скопје го стимулира тоа, меѓутоа содржини со говор на омраза се неприфатливи – рече денеска градоначалникот Шилегов.

Садовите за одлагање кабаст отпад ќе бидат поставени на следните локации:

Општина Чаир:

- раскрсницата меѓу булеварот Цветан Димов и улицата Коста Абрашевиќ,

- раскрсницата меѓу улиците Џон Кенеди и Дижонска,

- улица Ресенска, до ресторанот „Фа-Фа“.

Општина Аеродром:

- булевар Февруарски поход, во близина на супер маркетот „Рамстор“, кај автобуската постојка на последна 5-ка,

- булевар АВНОЈ број 68 - 74 во непосредна близина на маркетот „М“,

- населба Лисиче, улица Димитар Туриманџоски, кај полициската станица.

Општина Шуто Оризари:

- во близина на „Жито Лукс“,

- меѓу улиците Брсјачка буна и Нов живот, кај Спортската сала,

- меѓу улиците Нов живот и Гвадалахара, во близина на автобуската постојка на последна 19-ка.

Општина Гази Баба:

- населба Автокоманда, улица Лазар Поп Трајков (пред напуштениот објект на „Центро“)

- улица Маџари, кај ресторан „Далија“,

- населба Железара, кај автобуската постојка на последна 16-ка.

Општина Бутел:

- улица Груица Војвода (зад кино „Бутел“),

- сквер на улиците Хо Ши Мин и Рудо, Бутел 1,

- кај спортската сала „Иван Хаџи Николов“ во Радишани.

Општина Кисела Вода:

- улица Ратко Митровиќ, до Спортската сала,

- раскрсница на улиците Христо Татарчев и Дебарска, кај „Гет кафе“,

- Парк Пушкин.

Општина Центар:

- спроти „Вучко“, на аголот на улиците Костурски херои и Борка Талевски,

- кај кружен тек во Дебар маало на улица Наум Наумовски Борче,

- кај Зелен пазар, на паркингот зад „Макпетрол“, до подземните контејнери.

Општина Карпош:

- улица Брадфордска, во близина на ресторанот „Македонска куќа“, во Козле,

- улица Женевска, кај автобуската постојка на последна 24-ка, во Тафталиџе 2,

- улица Ванчо Мицков бр.50, кај постојните контејнери на ЈП „Комунална хигиена“.

Општина Ѓорче Петров:

- улица Даме Груев, десно кај Ромското маало,

- населба Хром, улица Воин Драшковиќ, до спортското игралиште,

- населба Дексион, кај автобуската постојка на последна 5-ка.

Општина Сарај:

- на патот за Грчец, кај „Халк банка“,

- село Кондово, кај фурната.

Информираат од Град Скопје

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер