Фото: Огромен антички град е откриен во Амазонија, ова го менува погледот на историјата? - Канал 5

Живот

Фото: Огромен антички град е откриен во Амазонија, ова го менува погледот на историјата?

Огромен антички град е откриен во Амазонија, кој бил скриен илјадници години под бујна вегетација.

Фото: Огромен антички град е откриен во Амазонија, ова го менува погледот на историјата?

Ова откритие го менува нашето знаење за историјата на општествата што живееле на тој простор. Научниците известуваат дека куќите и плоштадите во регионот Упано во источен Еквадор се поврзани со неверојатна мрежа од патишта и канали.

Областа е во сенка на вулкан, кој им овозможил на древните жители пристап до плодна почва, но таквата положба можеби довела до крајот на нивната цивилизација. Иако во тоа време имало градови во планините на Јужна Америка, како Мачу Пикчу во Перу, се сметало дека во Амазон има само номадски племиња или помали населби.

„Ова е постаро од кое било друго место за кое знаеме во Амазон. Имаме евроцентричен поглед на цивилизацијата и оваа локација покажува дека треба да ја промениме нашата идеја за тоа што се култура и цивилизација“, рече археологот Стивен Ростајн од Национален центар за научни истражувања во Франција, објави Би-Би-Си.

Градот бил изграден пред околу 2.500 години, а луѓето живееле таму до 1.000 години, според археолозите. Тешко е да се процени точно колку жители имал градот порано, но научниците веруваат дека можело да има 10.000, ако не и 100.000.

"Ова го менува начинот на кој ја гледаме амазонската култура. Повеќето луѓе замислуваат мали групи, веројатно голи, кои живеат во колиби. Но сега гледаме дека тие знаеле и како да имаат покомплицирани урбани општества", вели археологот Антоан Дорисон.

Научниците комбинираа ископувања и истражување на површина од 300 квадратни километри користејќи воздушни ласерски сензори. Со помош на технологијата LiDAR пронашле 6.000 правоаголни предмети со димензии од околу 20 метри и висина од 2 до 3 метри. Тие беа распоредени во групи од три до шест единици и позиционирани околу квадрат со централна платформа.

Археолозите сметаат дека повеќето од нив биле станбени објекти, со тоа што некои биле користени за церемонијални или религиозни цели. Еден комплекс имал платформа од 140х40 метри.

Објектите биле поврзани со мрежа од прави патишта и патеки, вклучувајќи и една која се протегала на 25 километри. „Патната мрежа е многу софистицирана. Се протега на огромно растојание, сè е поврзано. И има прави агли, што е многу импресивно“, рече Дорисон, додавајќи дека е многу потешко да се изгради прав пат отколку оној што се прилагодува на пејзажот.

Научниците пронајдоа и насипи со канали од двете страни кои веројатно се користеле за канализирање на обилните врнежи. Експертите ги пронајдоа првите докази за овој древен град уште во 1970-тите, но ова е првпат да се вршат опсежни истражувања во областа.

„Замислете дека откривте друга цивилизација како Маите, но со сосема поинаква архитектура, обработка на почвата, керамика“, вели археологот Хозе Ириарте од Универзитетот во Ексетер во Англија. Засега не се знае многу за луѓето кои живееле во античкиот град, освен дека се занимавале со земјоделство и дека јаделе пченка и сладок компир.

Во зградите се пронајдени јами и огништа, како и тегли, камења за мелење растенија и изгорени семиња. Научниците сега имаат намера да проучуваат соседна површина од 300 квадратни километри, која сè уште не е истражена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Фото: Најзгодната мама повторно воодушеви во бикини

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Во Франција пронајдени тела на пет бебиња

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка ја откри вистината за нејзината врска со фудбалерот

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер